تجربتي في استلام الصني من اوتو يجيبت

السلام عليكم...
لقد قمت باستلام سيارتي الصني الاي اكس مانيوال الجمعه اللي فاتت من اوتو ايجيبت - المهندسين والصراحة لقيت معاملة فوق الممتازة من كل طاقم العمل هناك واستلمت السيارة بسعر المصنع 87000 جم بعد تقريبا شهر نظرا لأن المدة تخللها اجازة عيد الأضحى والاسبوع الدامي بتاع محمد محمود يعني تقدروا تقولوا فعليا من اسبوعين الى ثلاثة اسابيع من تاريخ دفعة الحجز وهي 1000 جم اما لو عاوز تستلم خلال ايام قليلة اقل من اسبوع يبقى تزود 2000 جم على تمن السيارة زي السبع مابيعمل وغيره من الوكلاء بس اتو ايجيبت بيركب باركنج سنسورز و طقم فلاشرز في المرايات بالألفين جنيه الزيادة دول مع التسليم السريع.
وقام الأستاذ هشام بتسليمي كل شيئ في السيارة وشرح كل حاجة مشكور.:16:
وقمت باستلام السيارة زي حضراتكم ما شرحين هنا في المنتدى لكم جزيل الشكر.
بس في اوتو ايجبت قالوا ان الموتور متلين كده كده وممكن امشى بالسيارة زي منا عاوز.

ارجو المساعدة في كام حاجة كده:

1. ممكن اعرف متى اقوم بالنقلات صح على RPM ؟
2. ازاي اعرف ان قراءة الRPM صحيحة عشان قرأت في المنتدى اعضاء كتير بتشتكي منه؟
3. ايه محتاج اعمله بعد كده من حيث التعامل الصحيح مع السيارة؟
4. في عوجه بسيطة لاحظتها في الدركسيون ناحية اليمين وانا ماشي بعد الأستلام ..هل ده بسبب الكاوتش ولا ايه؟

ارجو المعذرة اذا كانت اسئلتي مش في محلها عشان انا عربيتي القديمة Fura 127 .

ارجو اني اكون افدت بعض الأعضاء ببعض المعلومات اللي قلتها ومعذرة لطول الأسئلة.
أشكركم

بص ياباشا، في فترة التليين ما تزودش عدد لفات الآر بي إم عن 5ر2 وما تجريش في أول ألف كيلو على الأقل عن 100 كيلو، الآر بي إم دائما بيبقى تحت الواحد وانت لسه مدور هاتلاقيه عالي شوية فوق الواحد أول ما العربية تسخن هايثبت تحت الواحد، التعامل يكون بهدوء وما تجريش كتير وتحاول في فترة التليين تعمل مشاوير طويلة، العوجة دي عادي كانت عندي برضه وضبطها في الزوايا لما إن شاء الله تروح تعمل صيانة الألف قولهم على كل ملاحظاتك في العربية وهما هايقوموا بالواجب، وألف مبروك عليك الوحش نيسان صني

اقتباس:

---

المشاركة الأصلية كتبت بواسطة sehsss

بص ياباشا، في فترة التليين ما تزودش عدد لفات الآر بي إم عن 5ر2 وما تجريش في أول ألف كيلو على الأقل عن 100 كيلو، الآر بي إم دائما بيبقى تحت الواحد وانت لسه مدور هاتلاقيه عالي شوية فوق الواحد أول ما العربية تسخن هايثبت تحت الواحد، التعامل يكون بهدوء وما تجريش كتير وتحاول في فترة التليين تعمل مشاوير طويلة، العوجة دي عادي كانت عندي برضه وضبطها في الزوايا لما إن شاء الله تروح تعمل صيانة الألف قولهم على كل ملاحظاتك في العربية وهما هايقوموا بالواجب، وألف مبروك عليك الوحش نيسان صني

---

:16::16::16:

اقتباس:

---

المشاركة الأصلية كتبت بواسطة ahmazong

:16::16::16:

---

دا انت متوصي بيا أوي يا أحمد، ما اقدرش أنا على كل ده ، ههههههههههه

اقتباس:

---

المشاركة الأصلية كتبت بواسطة nightrider2012

السلام عليكم...
لقد قمت باستلام سيارتي الصني الاي اكس مانيوال الجمعه اللي فاتت من اوتو ايجيبت - المهندسين والصراحة لقيت معاملة فوق الممتازة من كل طاقم العمل هناك واستلمت السيارة بسعر المصنع 87000 جم بعد تقريبا شهر نظرا لأن المدة تخللها اجازة عيد الأضحى والاسبوع الدامي بتاع محمد محمود يعني تقدروا تقولوا فعليا من اسبوعين الى ثلاثة اسابيع من تاريخ دفعة الحجز وهي 1000 جم اما لو عاوز تستلم خلال ايام قليلة اقل من اسبوع يبقى تزود 2000 جم على تمن السيارة زي السبع مابيعمل وغيره من الوكلاء بس اتو ايجيبت بيركب باركنج سنسورز و طقم فلاشرز في المرايات بالألفين جنيه الزيادة دول مع التسليم السريع.
وقام الأستاذ هشام بتسليمي كل شيئ في السيارة وشرح كل حاجة مشكور.:16:
وقمت باستلام السيارة زي حضراتكم ما شرحين هنا في المنتدى لكم جزيل الشكر.
بس في اوتو ايجبت قالوا ان الموتور متلين كده كده وممكن امشى بالسيارة زي منا عاوز.


ارجو المساعدة في كام حاجة كده:

1. ممكن اعرف متى اقوم بالنقلات صح على rpm ؟
2. ازاي اعرف ان قراءة الrpm صحيحة عشان قرأت في المنتدى اعضاء كتير بتشتكي منه؟
3. ايه محتاج اعمله بعد كده من حيث التعامل الصحيح مع السيارة؟
4. في عوجه بسيطة لاحظتها في الدركسيون ناحية اليمين وانا ماشي بعد الأستلام ..هل ده بسبب الكاوتش ولا ايه؟

ارجو المعذرة اذا كانت اسئلتي مش في محلها عشان انا عربيتي القديمة fura 127 .

ارجو اني اكون افدت بعض الأعضاء ببعض المعلومات اللي قلتها ومعذرة لطول الأسئلة.
أشكركم

---

ألف مبروك الأستلام وربنا يعطيك خيرها ويكفيك شرها وياريت حد يفيدنا في موضوع ان السيارة ملينة هل فعلا هي ممكن تكون ملينة قبل الاستلام

1000000 مبروووووووووك ع العربية وربنا يباركلك فيها ومشكور على توضيح حتة السعر دى واول فئة دى كانت فى 2010 وقت ما استلمت من السبع ب82500 مش 87000!!!

اقتباس:

---

المشاركة الأصلية كتبت بواسطة nightrider2012

ممكن اعرف متى اقوم بالنقلات صح على RPM ؟

---

عن نفسى خدتها واحدة واحدة وطول الالف كم الاولى كنت بانقل على 2000 rpm حتى الخامس ولا اتجاوز سرعة ال90 كم/س وطبعا بدون تكييف لحد صيانة ال1000 وبعد كده بقيت انقل على 2500 لحد 5000 كم تقريبا وبعد صيانة ال10 الاف بقيت انقل على 3000 وهكذا بالتدريج
دلوقت انا 58000 كم وبانقل ساعات على 3500-4000 والعربية ماشاء الله حلوة جدااااااااا
ودى مش قانون يعنى انا ليا اصحاب سمعوا كلمة العربية متلينة دى واول ما اشتراها ساق عادى ويحرق ع الغيار ويشغل تكييف - كنا فى يونيو يعنى صيف - ويعدى ال100-120 كم/س وعربياتهم عادى
بس عن تجربة لما بتاخدها واحدة واحدة بتحافظ على قوة واداء عربيتك مهما طال بيها العمر معاك

اقتباس:

---

المشاركة الأصلية كتبت بواسطة nightrider2012

1. ازاي اعرف ان قراءة الRPM صحيحة عشان قرأت في المنتدى اعضاء كتير بتشتكي منه؟

---

ما تحطش فى بالك الموضوع ده لأنه مش كتير زى ما انت متخيل من التعليقات والمشاركات وكل الحكاية ان اعراض ضفيرة الكهرباء لو فيها عيب لا قدر الله هاتكون ارتفاع فى rpm فوق ال1 يعنى تلاقيك وانت واقف بدون حركة ولا غيار المؤشر معلق على 1.5 او 2 بدون ما تدوس بنزين وفى ناس جالهم بتبطيل مفاجىء للموتور وهو واقف برضه زى تقطيع كده
ولو فرضا حصل يعنى وده اقل بكتير فى 2012 عن 2011 و2010 (اكبر نسبة) هاتتغير فى الضمان عادى جدا فى اى صيانة

اقتباس:

---

المشاركة الأصلية كتبت بواسطة nightrider2012

2. ايه محتاج اعمله بعد كده من حيث التعامل الصحيح مع السيارة؟

---

الموضوع ده مفيد بالنسبة لك جدا ياريت تتطلع عليهhttp://www.nilemotors.net/Nile/212403-a.html

اقتباس:

---

المشاركة الأصلية كتبت بواسطة nightrider2012

3. في عوجه بسيطة لاحظتها في الدركسيون ناحية اليمين وانا ماشي بعد الأستلام ..هل ده بسبب الكاوتش ولا ايه؟

---

فى عربيات زيرو بتحتاج ترصيص وزبط زوايا فى الاول وفى عربيات لأ
عن نفسى بازبط زوايا كل 10 الاف كم بعد الصيانة وتدوير العجلات كوقاية اكتر منها علاج ورصصت مع استبدال الكاوتشات عن 50 الف كم
واهم من ده وده حافظ على ضغط الاطارات زى ماهو مكتوب على قايم عربيتك سواء 36-33 او 32-29

الف مبروك

الف مبروك يا باشا و ربنا يديك خيرها علي طول

الف الف مبارك عليك الصني
ربنا يرزقك خيرها ويكفيك شرها
ومبارك علينا العضو الجميل اللي هل علينا وياريت متحرمناش من مشاركاتك الطيبه
وحاول نشوفك في المقابلة ان شاء الله :))

اقتباس:

---

المشاركة الأصلية كتبت بواسطة y2y1500

1000000 مبروووووووووك ع العربية وربنا يباركلك فيها ومشكور على توضيح حتة السعر دى واول فئة دى كانت فى 2010 وقت ما استلمت من السبع ب82500 مش 87000!!!



عن نفسى خدتها واحدة واحدة وطول الالف كم الاولى كنت بانقل على 2000 rpm حتى الخامس ولا اتجاوز سرعة ال90 كم/س وطبعا بدون تكييف لحد صيانة ال1000 وبعد كده بقيت انقل على 2500 لحد 5000 كم تقريبا وبعد صيانة ال10 الاف بقيت انقل على 3000 وهكذا بالتدريج
دلوقت انا 58000 كم وبانقل ساعات على 3500-4000 والعربية ماشاء الله حلوة جدااااااااا
ودى مش قانون يعنى انا ليا اصحاب سمعوا كلمة العربية متلينة دى واول ما اشتراها ساق عادى ويحرق ع الغيار ويشغل تكييف - كنا فى يونيو يعنى صيف - ويعدى ال100-120 كم/س وعربياتهم عادى
بس عن تجربة لما بتاخدها واحدة واحدة بتحافظ على قوة واداء عربيتك مهما طال بيها العمر معاك



ما تحطش فى بالك الموضوع ده لأنه مش كتير زى ما انت متخيل من التعليقات والمشاركات وكل الحكاية ان اعراض ضفيرة الكهرباء لو فيها عيب لا قدر الله هاتكون ارتفاع فى rpm فوق ال1 يعنى تلاقيك وانت واقف بدون حركة ولا غيار المؤشر معلق على 1.5 او 2 بدون ما تدوس بنزين وفى ناس جالهم بتبطيل مفاجىء للموتور وهو واقف برضه زى تقطيع كده
ولو فرضا حصل يعنى وده اقل بكتير فى 2012 عن 2011 و2010 (اكبر نسبة) هاتتغير فى الضمان عادى جدا فى اى صيانة



الموضوع ده مفيد بالنسبة لك جدا ياريت تتطلع عليهhttp://www.nilemotors.net/nile/212403-a.html



فى عربيات زيرو بتحتاج ترصيص وزبط زوايا فى الاول وفى عربيات لأ
عن نفسى بازبط زوايا كل 10 الاف كم بعد الصيانة وتدوير العجلات كوقاية اكتر منها علاج ورصصت مع استبدال الكاوتشات عن 50 الف كم
واهم من ده وده حافظ على ضغط الاطارات زى ماهو مكتوب على قايم عربيتك سواء 36-33 او 32-29

---

ممكن أسال 36-33 أو 32-29 هو الكاوتش الأمامي الأكبر ولا الخلفي
يعني 36 او 32 دي وراء ولا قدام

ألف ألف شكر للسادة الأعضاء الذين تفضلوا بالرد....طيب هل الأفضل أقوم بضبط الزوايا واستبدل الهواء في الكاوتش بالنيتروجين الأن ولا انتظر صيانة ال1000 كم؟
انا من سكان الجيزة هل فيحد موثوق فيه عنده نيتروجين واجهزة القياس عنده مظبوطة؟
شكرا

الف مبروك استلامك العربية
وواضح ان اوتو ايجبت مستمرين في رضاء العملاء بشكل يفوق التوقعات

اقتباس:

---

المشاركة الأصلية كتبت بواسطة sehsss

دا انت متوصي بيا أوي يا أحمد، ما اقدرش أنا على كل ده ، ههههههههههه

---

ههههههههههههههه :36_9_4:

اقتباس:

---

المشاركة الأصلية كتبت بواسطة emo_elnems

ممكن أسال 36-33 أو 32-29 هو الكاوتش الأمامي الأكبر ولا الخلفي
يعني 36 او 32 دي وراء ولا قدام

---

36 و32 امامى
33 و29 خلفى

اقتباس:

---

المشاركة الأصلية كتبت بواسطة nightrider2012

ألف ألف شكر للسادة الأعضاء الذين تفضلوا بالرد....طيب هل الأفضل أقوم بضبط الزوايا واستبدل الهواء في الكاوتش بالنيتروجين الأن ولا انتظر صيانة ال1000 كم؟
انا من سكان الجيزة هل فيحد موثوق فيه عنده نيتروجين واجهزة القياس عنده مظبوطة؟
شكرا

---

انا يوم ما رخصت روحت مليت نيتروجين وجبتلها كسوة ودواسات
واساسا صيانة ال1000 كم عملتها بعد 5 ايام فقط لا غير :first:
ومش هاتفرق من الزيرو ولا بعد ال1000 مالهاش علاقة

عندك بريدجستون fit&fix فى شارع مراد بالجيزة قدام عمر افندى واكيد فيه فروع تانية باقى الاعضاء يفيدوك

1000 مبروك . وربنا يديك خيرها ويكفيك شرها . وبالنسبة لأسئلت حضرتك . فالصقور قاموا بالواجب
تحياتى

ألف ألف شكر