صيانة الفانتازيا خارج التوكيل
السلام عليكم. أنا مشتري فانتازيا 2010 خليجي من أقل من شهر ودلوقتي محتاج أعمل صيانة ال25000 كم آخر الإسبوع إن شاء الله. أنا مش ناوي أتعامل مع التوكيل في الصيانة عشان الغلو والبعد و الزحام. عاوز منكم نصائح لمراكز صيانة للفانتازيا يمكن الإعتماد عليها. وياريت لو في مدينة نصر بس مش شرط.
أنا كشفت على العربية في مركز أمير وجوزيف - مدينة نصر لما اشتريت العربية وحسيت انهم كويسين. وفي برضه م/خالد اسماعيل سمعت عنه كلام كويس هنا في المنتدى بس عمري ما روحتله. ممكن ترشحولي مركز صيانة كويس؟