أشترى ال f3 ولا لأ و لو اشتريها اجيبها مانيوال و لا أتوماتيك
أنا محتاااااااااااااااااااااا اااااااااااار جدا
و بجد شكرا جدا ليكم على المعلومات الموجودة على المنتدى
عرض للطباعة
أشترى ال f3 ولا لأ و لو اشتريها اجيبها مانيوال و لا أتوماتيك
أنا محتاااااااااااااااااااااا اااااااااااار جدا
و بجد شكرا جدا ليكم على المعلومات الموجودة على المنتدى
اعلم جيدا استاذى الفاضل
ان قرار شراء سيارة يرجع في الاول والاخر لك لان حضرتك اللى هتجيب العربية ولو حبيتها حتى لو كانت 127 هتقول عليها احسن عربية
انا كنت بقارن بين الاف ثرى واللوجان والفيرنا وفي الاخر استقرت العائلة على الاف ثرى ونشكر ربنا كلنا مبسوطين بيها
واعلم ان لكل عربية عيوب ومميزات انت شوف انت محتاج ايه واختار
اما من حيث راى الشخصى فتوكل على ربنا بالاف ثرى فهى عن حق سيارة جيدة جدا اوبشنز كتير وبسعر جيد
وسيارة وسائل الامان بها عالية وطبعا انت بتعمل اللى عليك والباقى على ربنا
من حيث الاتوماتيك والمانيوال شوف الانسب لييك من حيث السواقة ومن حيث الماديات لان الاتوماتيك اغلى فرق اعتقد 8 اللالاف واحنا مثلا جبنا مانيوال فول اوبشن وبجد رائعة وتحفة عن حق وسيارة محترمة لعائلة من 5 افراد
ربنا يدبر ليك الصالح
واتمنى تقريرى عن الاف ثرى يفيدك
http://www.nilemotors.net/Nile/26076...012-700-a.html
متشكر جدا لحضرتك يا استاذ بيتر - انا فعلا محتار بين الأنواع اللى قلت عليها و ضيف عليهم اللانوس
أنا قصدى فى موضوع الأوتوماتيك هل فى حد إشتكى من الفتيس الاوتوماتيك ولا لأ
مانيوال او اوتوماتيك حسب احتياجك لو تقود سيارتك فى القاهرة وكل فترة وجيزة توقف واشارات يكون الاوتوماتيك افضل ولو تقضى مشاوير على طريق طوالى مفتوح طوال الوقت تكون السيارة المانيوال افضل انا شخصيا اشتريت الاوتوماتيك بسبب مرض فى قدمى لا استطيع ان اتعامل مع المانيوال فبعت سيارتى المانيوال واشتريت ال byd at
شكرا جدا لحضرتك يا استاذ المناهيرى.
طبعا انا عايز اشترى الأتوماتيك بس ليا سؤالين يا ريت حضرتك ترد عليا فيهم :
1- زملائى بينصحونى إن مجبش اتوماتيك غير لو فى عربية يابانى او المانى أو كورى تكون ثمنها اكتر من 100 الف، تفسيرهم غن فتيس الاوتوماتيك لو باظ بيتكلف كتيييييييييييييييير عشان يظبط- إيه رأى حضرتك؟؟؟
2- أنا سئلت النهاردة على الاتوماتيك لاقيتها ب 82 الف - و حاسس ان المبلغ ده ممكن يدخلنى فى مستوى تانى من العربيات اقربهم مثلا الصنى .
معلش بس أنا فعلا محتار جدا و شكرا لحضرتك
ياعزيزى المعلومة قوة وابتعد عن الناس التى تتكلم بلاخبرة او عندها معلومة الفتيس الموجود فى السيارة الاتوماتيك هو فتيس مصنع فى شركة جاتكو نيسان اليابان وليس فى الصين مع انه لو مصنوع فى شركة byd فى الصين لكنت وثقت فيه ايضا والفتيس سمعته ممتازة مع كل الذين استعملوه الفتيس يابانى اصلى والسيارة كلها تعتبر يابانى وابشن عالية جدا وسبب غلو النسخة الاوتوماتيك من السيارة هو ثمن الفتيس اليابانى والسيارة التقفيل الصينى الاتوماتيك اشتريتها ب 82 الف عام 2009 واواخر السيارات الموجودة وقتها اتباعت ب 84 الف
ثم اذكر لى اى سيارة فى حدود ال 100 الف اوتوماتيك وبها فتيس اوتوماتيك وبها كل الاوبشن الموجودة فى ال byd
شكرا جدا على تواصل حضرتك و شكلى كدة هاتوكل على الله و اشتريها انشاء الله.
خش اقسام الماركات اللى انت محتار بينها ... واقرا المشاركات كويس .. وقارن بنهم .... وشوف احتياجك اية بالظبط من العربية .... واهم من ده كلة صلى استخارة ... وان شاء الله ربنا ها يوفقك فى الاختيار...
وما تنساش تقولنا جبت اية ... علشان نباركلك
والله يا استاذ إيهاب صليت اكتر من مرة صلاة إستخارة و بقالى اكتر من شهرين بقرا على كل المنتديات - المهم انت جبت العربية إمتى و عاملة معاك ايه؟؟؟
على فكره انا ركبت byd مانوال 3 سنين و بعتها و راكب byd اتوماتيك بقالى شهر بجد فرق السما من الارض الاتوماتيك تحفه بجد بجد مريحة جدا
و ربنا يوفقك فى الاختيار