السلام عليكم ورحمة الله
اولا انا عاوز اعرف هل زيت فتيس اوبترا مانيوال بيتغير
واذا كان بيتغير بيتغير بعد كام كيلو اصل انا عامل 52000 ولسة مغيرتوش
واية هو النوع المضبوط واجيبة منين
وشكرا
عرض للطباعة
السلام عليكم ورحمة الله
اولا انا عاوز اعرف هل زيت فتيس اوبترا مانيوال بيتغير
واذا كان بيتغير بيتغير بعد كام كيلو اصل انا عامل 52000 ولسة مغيرتوش
واية هو النوع المضبوط واجيبة منين
وشكرا
حد يرد لو سمحتوا يا جماعة
انا كمان زيك بالضبط بس بافكر اغيره في صيانة ال60 الف
غيره يا باشا
مافيش حاجة فى العربيات مش بتتغير
كل السوائل بتتغير
ان شاء الله هاغيره في صيانة ال60 الف وهابقي اعمل تقرير بكده
حضرتك لو غيرت هتحتاج تغير جوان كرتيره فتيس و طبعا اماتروح التوكيل هيقولك ماعنديش والفني الزكي هيقولك نحط سليكون ويمشي وبعد مايركب هيحطلك 2 لتر زيت وطبعا ده قليل ويحصل ترشيح من الكرتيره لأن السليكون بيهرب الزيت وتحصلك مشاكل بعد كده في الفتيس اولا لازم تشتري جوان كرتيره فتيس اوبترا من اي حد بيعمل جوانات عربيات اتنين الزيت اللي هتحطه والعربيه محتجاه هو 3 لتر الا 200 او 150 ml مش 2 لتر وصدقني في الكلام اللي بقوله لأن هو ده الفعلي وعن تجربه وتلاته التوكيل مابيفهمش اي حاجه ونوع زيت الفتيس هو موبيل 80 90w مش 85 140w ده مهم جدا وطبعا valvoline
انا اوبترا 2009 وعامل 70000 ومغيرتش زيت الفتيس بس معنى كلامك ان ميتغيرش احسن ولا ايه وليه لازم بيتغير جوانات الكرتيره مع تغيير زيت الفتيس ولو هغيره مين اللى بيعمل الشغل ده الميكانيكى ولا اى حد بتاع زيت
لأ غيره احسن بس اجاوب على حضرتك ليه يتغير جوان كرتيره الفتيس لأن جوان ده بيبقى زي طبقه بين الكرتيره و قاعده الفتيس والجوان وظيفته انه بيمنع اي فراغ او فروق لترشيح زيت واحكام ربط المسامير خصوصا ان الكرتيره ليها 11 مسمار والجوان ده بيتعمل عند أي حد بتاع جوانات عادي وبيعمل 10 او 15 جنيه والزيت الفتيس نوعه موبيل فالفولين 80w90 والعلبه بتعمل 19 جنيه هتشتري 3 علب وكل علبه 1 لتر والعربيه بتاخد 3 لتر ألأ 200 مليي ياعني بتاخد 2.8 لتر زيت لو روحت التوكيل مش هغيرلك الجوان ويحطلك سليكون بحجه انه ماعندوش ويحطلك 2 لتر زيت وده قليل اماالشغل ده تعمله عند حد ميكانيكي شاطر ومؤمون
ده صوره الجوان
هو مش الفتيس ليه طبه بتتفك ويزود منها وخلاص يبقى ايه اللى يخلينى اجى عند الجوان ولا انت قصدك بينزود ازاى ... وشكرا لردك السريع
للأسف الأوبترا والأوبل والدايو مالهومش طبه زي الهيونداي وباقي العربيات لازم تحل الكرتيره لو انت بتغير زيت الفتيس اما تزويد اه في طبه ليها وانا عاوز ارفع صور بس في مشكله في المنتدي
بس خد بالك زياده في الزيت الفتيس بيضرب اوسيلات وقلته بيعمل خشونه وعضه في الفتيس
ده صوره الجوان
http://www14.0zz0.com/2011/12/17/00/259813753.jpg
وده الزيت الفتيس
http://www14.0zz0.com/2011/12/17/00/826848992.jpg
وده لينك لتغيير زيت فتيس مانيوال للانوس والكرتيره تقريبا نفس شكل كرتيره اوبترا بس مع ملاحظ ان كرتيره الانوس 10 مسامير وان كرتيره اوبترا 11 مسمار و ان الفتيس في الأوبترا بياخد زيت 2.8 لتر مش 2 لتر
http://www.nilemotors.net/Nile/228628-a.html
أهم حاجة تشوف مواصفات زيت الفتيس في الكتالوج بتاعك وتجيب زيه علشان تحافظ على الفتيس
لو الكتالوج بيقول api gl4 مش هاينفع معاك شيل ولا موبيل وفي كام موضوع في المنتدى هنا بيتكلموا عن الموضوع دا..
طيب معلش عايز اسألك على حاجة تانى محيرانى زيت الباكم اللى هو زيت الفرامل بيتغير ولا لأ ولو بيتغير يتغير ازاى
وزيت الباور برده بيتغير ولو لأ وبرده لو بيتغير بيتغير ازاى
ولا يكتفى بمتابعة مستوى الزيت وتزويدهم فقط
وشكراً لاهتمامك
طيب معلش ممكن سؤال هل ينفع الجهاز بتاع سحب زيت الموتور الي موجود عند محلات الزيوت والبنزينات في سحب زيت الفتيس من طبة التزويد بدون فك الكرتيرة علشان موضوع فك الكرتيرة ده مهما عملت فيه لازم هايحصل ترشيح زيت ان عاجلاً او اجلاً وتبقي زي العربيات الفيات كل ما تركنها في حتة ترجع تلاقي تحت العربية بقعة زيت انا لو مالقيتش حل للموضوع ده غير فك الكرتيرة ممكن ابيع العربية
أنا رحت غيرت زيت الفتيس وفعلاً الميكانيكى فك الكارتيره والحمد الله الجوان مش باظ ومش بيرشح زيت بس عايز أتاكد من معلومة أن الفتيس بياخد 2.8 لتر .
ومش عارف ليه الفتيس حاسس أن فيه عضه على الغيار الثالث.
انا حطيت 2.8 لتر
كويس بس لو حسيت بتقل في النقلات ممكن تنزل منه شويه اما لو فتيس عند حضرتك تمام يبقى مافيش مشاكل وعموما فيه زي طبه معيار كده بتتحل وبتنزل الزيت الزياده لو زياده وديه ممكن تعملها في التوكيل عادي من غير امر شغل عادي هتقلهم انا عاوز اتأكد من مستوي زيت الفتيس وقلهم انك حاطط بزياده فعاوز اتأكد انه مستواه مزبوط بس وكمان ده زي امان انك تتأكد انه مافيش اي تسريب ولا اي حاجه بعد اما غيرت الجوان