عاوز اشتري غسالة اطباق

**mohamed2002** · 16-12-2011 07:43 PM

المشاركة الأصلية كتبت بواسطة نور القمر

دي المقاس الكبير ولا الوسط؟
وبكام
وال5 برامج بيعملوا ايه
معلش بدل ما نفيدك بنستغلك:)

لا انا تحت امرك
في 3 مقاست من الغسالات
فوق الرخامة ودي صغيرة جدا
الوسط عرضها 45 سم
وفي اللي شبه غسالة الفوق اوتوماتيك
نقطة البرنامج ملهاش علاقة بالحجم بمعني الحجم الوسط في منه 3 برامج وفيه 5 برامج

**mody3on** · 16-12-2011 09:47 PM

انا عندي lg وكويسة وجايبنها ب 3500 تقريبا .. بس مش كبيرة اوي
لو ناوي تجيب هات سامسونج او LG .. الاتنين مجربين وحلوين .. ليا تجربة مش ظريفة مع ايديال في تلاجات وغسالات ومنصحكش بيها

**mohamed2002** · 17-12-2011 12:54 AM

المشاركة الأصلية كتبت بواسطة mody3on

انا عندي lg وكويسة وجايبنها ب 3500 تقريبا .. بس مش كبيرة اوي
لو ناوي تجيب هات سامسونج او lg .. الاتنين مجربين وحلوين .. ليا تجربة مش ظريفة مع ايديال في تلاجات وغسالات ومنصحكش بيها

ال جي مش بتنزل منها غير الحجم الكبير وانا عاوز الوسط ومفيش غسالات اطباق سامسونج

**Strong** · 17-12-2011 02:36 AM

ارسطووووووووووون

جايبها من 10 سنين وشغالة تمام

واللي بيشتكي من ارتفاع سعر المساحيق هات المصري هيكون اقتصادي جدا جدا المسحوق ب 23 جنيه تقريبا وممكن يقعد اكتر من 6 شهور لو كل يوم غسله والملح هات المصري ب8 جنيه تقريبا كل شهر ونص

واللي بيشتكي من انسداد الفلاتر
غسيل الاطباق يدوي بيحتاج مراحل كتير اولها تنظيف الاطباق من بقايا الاكل والشرب الملتصق وبعديها اضافة المسحوق والغسيل وبعديها الشطف وبعد كده التجفيف علشان النمليات متتبهدلش من الميه الباقية

علشان الغسالة تعيش على طول لازم نوفر عليها اول خطوة بس لانها بتتعب الواحد وهو شغال بالادوات الحادة علشان يطلع بقايا الاكل وخصوصا لو كان محروق ههههههههههه فمابالكم بالغسالة
والغسالة هتوفرلنا التعب في الغسيل والشطف والتجفيف ومشاكلهم الصحية لانهم بياخدوا وقت كبير وبيتعبوا اليدين

وعموما اكيد في انواع تانية كويسة والكل بالاستخدام الكويس ولازم تستخدم الملح المخصص ليها والمصري افضل نوع لان عمر الغسالة بيتبني على حمايتها من الرواسب ودا اللي بيعمله الملح وابعد خااااااااااااااااالص عن الاحجام الصغيرة في الغسالات لان ملهاش لزمة ومش بتنضف كويس

**M.Elwan** · 17-12-2011 05:11 AM

نصيحة لوجه الله ابعد عن الايديال بشكل خاص والتقفيل المصرى بشكل عام
الايديال معندهمش صيانة اصلا وتقفيل الغسالة ضايع ومرة المهندس كان بيصلحها كالعادة وبيفتح الكنترول لقيت الضفيرة سلوك متلحمه فى بعضها بشكيرتون مفيش ترامل للتوصيل ولا اى حاجة لحامات تتعمل فى ورشه فى كلود بك انا بتكلم عن الانتاج القيدم
انا بصراحة معرفش الانتاج الجديد شكله ايه بس انا فصلت من ايديال دى خالص والانتاج المصرى كله

**MohssenRashed** · 17-12-2011 08:23 AM

زي مقولتلك قبل كده انا عندي وايت ويل ب 1800 جنيه 7 برامج من اول الشطف (8 دقائق) الي البرنامج القوي Strong و بياخد حوالي (2:30 ساعة).

بستخدم مسحوق و ملح FINISH و بصراحة تمام و بيعيشششششششششش

**mohamed2002** · 17-12-2011 02:07 PM

المشاركة الأصلية كتبت بواسطة mohssenrashed

زي مقولتلك قبل كده انا عندي وايت ويل ب 1800 جنيه 7 برامج من اول الشطف (8 دقائق) الي البرنامج القوي strong و بياخد حوالي (2:30 ساعة).

بستخدم مسحوق و ملح finish و بصراحة تمام و بيعيشششششششششش

شكرا لردك لكن انت شايف الوايت ويل حلوة ولا لاني محتار بينها وبين الايديال خصوصا ان ايديال ب 2290

**نور القمر** · 17-12-2011 03:15 PM

موقع للتسوق
http://www.cairosalesstores.com/ar/14-dishwashers-
فيه 2 وايت ويل 8 افراد الفرق بينهم 100 جنيه لكن مفيش توضيح للفرق في الاوبشنز
لازم الواحد يشوفها بنفسه
طيب نلاقيها في بي تك الغسالات دي ولا ايه

**mohamed2002** · 17-12-2011 06:34 PM

الفرق في اللون بين ابيض وسيلفر

**نور القمر** · 18-12-2011 03:40 PM

في ناس كتير بتشكر في الفريش
وشوفتها عند قريبتي عجبتني نضافتها
ونصحتني اجيب اللي بابها شفاف لانها عند مامتها وهي شايفاها افضل
طلعت لفيت على محلات صغيرة لقيتها الشفافة ب 1090
فيها 8 برامج على ما تذكر

a 65
a 55
b c نفس الحكاية على 55 درجة او 65
برنامج للفاكهة واعتقد في حاجة ثامنة مش فاكراها
ميزتها الاولى بالنسبة لي ان اقصى مدة بتقعدها 45 دقيقة
لكن الغسالات الكبيرة بتقعد ساعتين ونص ملل بصراحة
كمان ان شايفة الصغيرة افضل عشان الحاجة تتغسل اول باول خصوصا الكوبايات عملالي مشكلة نفسية العيال بيسحبوها على نص اليوم الاقي يجي 150 كوباية مش نضيفة :)
في العزايم قريبتي بتغسل على مرتين وخلاص
تالت ميزة انها على الرخامة يعني مش هتاخد مكان في المطبخ
ان شاء الله هاجيبها