خبطت 2 راكبين موتوسيكل صيني .. بس بصراحة مبسوط

**Mohatfhd** · 13-12-2011 10:09 AM

زى الفل

**alaasaid** · 13-12-2011 12:19 PM

و الله يا أخى الموضوع مش مستاهل تجرى وراه من أصلة , دة كل لحظة و أنت ماشى واحد بيكسر عليك و واحد يزنق عليك و كدة مش هتخلص و هتتخانق مع نصف الشعب المصرى .

كبر دماغك و استغفر ربنا عشان اعصابك تهدى

**خالد** · 13-12-2011 01:05 PM

ياجماعة أنا فى رايي أن أخونا معذور شوية لأنه أتشتم
الواحد الحمد لله بيكتم غيظه كتير قوى ولكن ممكن واحد يستفزك ويخرجك عن شعورك
أنا من يومين نقلت من حارة لحارة بالراحة خاااااالص والعربيات شبه بتتحرك بصعوبة ، لقيت واحد جاى جنبى ( لاحظ أنه هوة كمان نقل من حارة لحارة برضه علشان ييجي جنبى ) وبيقوللى أنت هتضيع نفسك وتضيعنا معاك ، انا أستغربت لأن الطريق شبه واقف ، قولتله أنا ؟ على العموم أنا آسف ، فى ثانية ترد الست الكبيرة اللى قاعده جنبه ده شكله عبيط معلش يابنى أمشى أمشى ده عبيط ، طبعاً ماحسيتش بنفسى ألا وأنا بجرى وراها وخبطيلها على الزجاج وقولتيلها أنا أعتذرت وقولت آسف ليه الغلط ؟ برضه كررت: أنت عبيط لقيت نفسى بشتمها يابنت الــ ...... يا ...... يابنت الـــ ...... يـا ........ ، وكنت عاوز أكسرلها القزاز والعربية كلها وخرجتنى عن شعورى تماماً ، وبقيت خايفة ومرعوبة فى العربية وبترجع لورا بعيد عن القزاز ، والولد اللى سايق شكله السواق بتاعهم مابينطقش ولا كلمة وهوب دخل فى أول يوتيرن !!
معلش ياجماعة الراجل معذور لأنهم شتموه !!
المصريين محتاجين ثورة أخلاق !!

**amz2011** · 13-12-2011 01:36 PM

راجل ابن راجل

الناس ديه سهل عليهم انهم يشتموا اللى قدامهم دول عايزين قنابل نوويه تترمى عليهم

**mahmoudysf** · 13-12-2011 01:42 PM

الخلاصة انت عملت الصح

**Osama_I** · 13-12-2011 01:56 PM

المشاركة الأصلية كتبت بواسطة eng f3lix

النهاردة وانا ماشي وكان معايا اخويا الصغير ووالدتي
خارج على جسر السويس من شارع منشية التحرير وعربيات واقفة على الناصية يعني لازم اخد الملف على واسع علشان اخرج من الشارع وطبعا عربيات كتير جاية بسرعة
المهم قررت اخيرا اخرج وفجأة ظهر 2 راكبين موتوسيكل صيني جاي على يميني ولو مكنتش شوفتهم كنت هرسته في العربية اللي واقفة على الناصية (فرملت فجأة)
الباشا اللي سايق ووراه واحد شايل حوض وحاجات تانية كدة طلعت وراه جري علشان اهزأو
انا : انت في حاجة في مخك؟؟ ايه اللي انت عملته ده
الراجل اللي ورا : معلش يا بيه حقك عليا
انا : هو ايه اللي حقك عليا ... يعني لو كنت خبطتك ولا خبطتني
الراجل اللي سايق : ماخلاص يلا قولنالك معلش
انا : انت بتقولي انا يلا؟؟
الراجل اللي سايق : امشي يابن ال ... بدل مااخبطلك العربية
وراح خبط العربية برجله روحت خبطته انا بديل العربية في الرفرف اليمين ورا لحد مااتكوم هو واللي اركب معاه ورا في الارض والحاجة وقعت اتكسرت
انا بقى ولا زعلت عليه ولا نزلت حتة اشوف ايه اللي حصل لانهم ميستهلوش اني انزل اصلا
واللي خلاني اعمل كدة طبعا انه السواق شتمني بالام وقالي يلا لكن لو كان اتكلم باحترام كنت مشيت عادي ومكانش حاجة حصلت
الخساير عندي مفيش طبعا ولا حتة خدش وحتى لو كان فيه حاجة حصلت للعربية فانا مكنتش هبقى زعلان بصراحة
ياريت بقى اللي يقرا الموضوع ميقوليش انت مفتري وانت معرفش ايه ومتضيعوش فرحتي لاني مبسوط باللي عملته

السلام عليكم و رحمة الله و بركاته
هوا المفروض أمى تسمع شتيمتها بودنها و أنا أكظم غيظى؟؟؟؟
لو الإجابة بنعم ....تبقى غابة أنا ميهمنيش
لو الإجابة بلأ ..... يبقى انت راجل و والدتك عرفت تربيك
:b4_388::b4_388::b4_388::b4_388:

**eng.m7md.ali** · 13-12-2011 04:13 PM

المشاركة الأصلية كتبت بواسطة elawany13

لا عديك العيب وأزح
المفروض كنت ضربته بالمسدس أو دهسته بالعربية !!!!!

وكل الناس داخله تشجعك !!!
عمار يا أعضاء نايل موتورز
واحد يزنق على عربية فيرنا ويلبسه فى الرصيف
والتانى يزنق على موتوسيكل ويوقع الناس اللى عليه ويكسر حاجاتهم
طيب سواق الموتوسيكل جزمة وغلط فيك
طيب الراجل اللى وراه اللى اعتذرلك ذنبه ايه ؟؟؟؟

فعلا معظم بتوع الموتوسيكلات والتوكتوك والتروسيكل ولاد ستين فى سبعين
وعاوزين الحرق بالجاز
وأنا اتعرضت منهم لمواقف أكثر من كده وكنت ساعتها ببقى عاوز أعمل زيك أو أكثر
بس بكظم غيظى أو بأنفجر فيه وأشتمه وأتخانق مش ازنق عليه
أتقوا الله .... انتوا كده بتحولوها غابه
بتوع الموتوسيكل يفتروا على اللى ماشى على رجله
وبتوع الملاكى يفتروا على الموتوسيكلات
وبتوع النقل يفتروا على الملاكى
والبقاء للأقوى والأكبر والأضخم
وتذكر دائماً
اذا دعتك قدرتك على ظلم الناس فتذكر قدرة الله عليك

بكره لما سواق عربية تريللا بمقطوره يشوفك بتعمل غرزة و يفكرك بتلعب على الطريق أو يتخيل انك بتزنق عليه أو بتاخد حقه يقرر الإنتقام منك ويعمل فيك اللى انت عملته فى الموتوسيكل
ساعتها هتقول ايه وهيبقى احساسك ايه
حرااااااام عليكم
إتقوا الله

أخى فى الله
أرجوك متزعلش منى
أنا بقول النصيحة ديه ليا قبل ما اقولها ليك ولبقاى أحبائى من أعضاء نايل موتورز المحترمين
أنا لا ادعى المثالية
وأنا من النوع العصبى اللى بيتخنق بسرعه وممكن اغلط بسرعه واتخانق
واحيانا بكتمها فى نفسى وبكظم غيظى واكبر دماغى وبحتسبها عند الله حسنات وسأقتص من هذا المخطئ يوم القيامة
ربنا يهدينى ويهديكم

حط نفسك مكاني
اتشتمت بالام ووالدتك كانت معاك
هتنزل تضرب السواق مثلا وصاحبه هيسكت؟

الحمد لله انا مبفتريش على حد ولا ابويا جايب العربية علشان ادوس على خلق الله زي مابتقول

احنا كمصريين اخلاقنا بقت في الارض الا القليل مننا طبعا والكلام ده مش الايام دي بس ده من زمان
ايه اللي خلاه اصلا يشتم من غير سبب مقنع او ليه بالسهول دي شتم كدة هيا حاجة سهلة؟

**Elawany13** · 13-12-2011 04:29 PM

المشاركة الأصلية كتبت بواسطة eng f3lix

حط نفسك مكاني
اتشتمت بالام ووالدتك كانت معاك
هتنزل تضرب السواق مثلا وصاحبه هيسكت؟

الحمد لله انا مبفتريش على حد ولا ابويا جايب العربية علشان ادوس على خلق الله زي مابتقول

احنا كمصريين اخلاقنا بقت في الارض الا القليل مننا طبعا والكلام ده مش الايام دي بس ده من زمان
ايه اللي خلاه اصلا يشتم من غير سبب مقنع او ليه بالسهول دي شتم كدة هيا حاجة سهلة؟

والله عارف شعورك ومقدره تماماً
وكلنا بنتعرض للشتيمة وقلة الأدب وسب الدين من شوية كلاب معندهومش دم ومعندهومش اخلاق ومعندهومش دين .. ربنا ينتقم منهم ويخلصنا من أمثالهم
والواحد ساعتها الشيطان بيبقى بيتنطط قدامه ومستعد يعمل اى حاجه
بس فى المواقف ديه لو تعرف تاخد حقك بالقانون يبقى عداك العيب تاخد نمرته وتعمله محضر فى القسم تطلع عين اللى خلفوه ويجى يبوس جزمتك ويعتذرلك بعد كده علشان تتنازل
أو تنزل لمستواه وتحرق دمك وتشتمه وتنزل تتخانق معاه وتعرض نفسك واللى معاك للخطر

أو الحل الأسلم انك تكظم غيظك وتستغفر ربنا ... وتدعى عليه ... دعاء المظلوم مستجابه .... وان شاء الله ربنا هيقتص منه فى الدنيا والآخرة وهيقع فى شر أعماله ... انت اخدت حسنات وهوه اخد سيئات

انما ندوس على بعض وكل واحد يستعرض قوة عربيته
بصراحه كده قلبت غابه
وزى ما قولتلك بتوع التريلات بيبصوا للملاكى بنفس النظرة اللى انت بتبص بيها لبتوع الموتوسيكلات