والله أحسن أصل فعلا العالم اللي مش متربية دي مبتجيش الا كده ... ده يا ريت الناس كلها تعمل كده و بعد شوية هتلاقي اللي يزنق على واحد يجي من نفسه يعتذرله
عرض للطباعة
والله أحسن أصل فعلا العالم اللي مش متربية دي مبتجيش الا كده ... ده يا ريت الناس كلها تعمل كده و بعد شوية هتلاقي اللي يزنق على واحد يجي من نفسه يعتذرله
ربنا يسامحني لو كنت غلط
بس ساعت الموقف ده محدش هيفكر في حاجة غير انه ينتقم وخلاص
وللاسف مفيش قانون يجيب حقي
انا مرة ميكروباص خبطني وخدت نمرته وعملتله محضر في القسم ولحد دلوقتي معرفش اي حااجة ومحدش حاول يوصلي
احنا للاسف في غابة يااستاذ علواني
ميقدرش
الموتوسيكل من غير ارقام ده اولا
ثانيا احنا كنا ماشيين بسرعة لا تتجاوز ال 10 كيلو تقريبا يعني لو وقع مش هيحصله حاجة
ثالثا فيه شهود ان هو اللي خبطني الاول مش انا اللي خبطه من نفسي
ربنا يسترها ويعديها على خير
ونبقى دولة محترمة وكل واحد يعرف ياخد حقه بالقانون
مش مواقف علي اللي انت عملته
انت بتقول لو كان رد بذوق طيب ماهو الراجل رد وقالك حقك عليا يبقي خلاص خد بعضك وامشي
هل بقي انت شفت الناس دي حصلها ايه؟
مش جايز حد فيهم اتكسر ؟ والحد ده بيجري علي كوم لحم؟
مش جايز الموتوسيكل ده حصله حاجه والراجل معهوش يصلحه؟
انت عارف الحاجه اللي شايلينها دي بتاعتهم ولا مودينها لزبون دافع تمنها ؟
مش مقدر لو حد منهم مات ده كان هيبقي قتل عمد ؟
مش مقدر انك ممكن مره تبقي متنرفز وتشتم واحد يقوم ملبسك اسود بعربيتك وياذيك ويدمرهالك وساعتها هيقول اصله شتمني؟
لو االمبدأ ده هو اللي الناس هتمشي بيه وخصوصا الناس اللي المفروض متعلمين ومحترمين وراكبين عربيات يبقي حلال علي المجلس العسكري والشرطه قانون الطوراي واي حاجه يعملوها في الشعب
بجد حزين علي اللي انت عملتها وحزني اكتر علي الناس اللي بتشجعك
+1
بسم الله الرحمن الرحيم السلام عليكم ورحمة الله وبركاته
عن أبي هريرة رضي الله عنه قال قال رسول الله صلى الله عليه وسلم
" ليس الشديد بالصرعة وإنما الشديد الذي يملك نفسه عند الغضب "
و الصرعة تعني الذي يصرع غيره بقوة و يغلبه-تختلف درجات الناس في الثباب وضبط النفس أمام مايثيرهم من الأحداث التي تصدفهم فمنهم من تستخفه الأمور التافهة فيسرع إليه بالغضب و الثوتر ومنهم من تستفزه الأمور الشديدة فيلقاها بالعقل و الحلم و الإنارة فضبط النفس و التحكم في عريزة الغضب دليل قدرة محمودة و تماسك كريم و له جزء عظيم عند الله تعالى
كما هو في الحديث الشريف "من كظم غيظا وهو يستطيع أن ينفذه دعا الله يوم القيامة على رءوس الخلائق حتي يخيره في أي الحور شاء "
فكلما ربا الإيمان في قلب المؤمن ربت معه السماحة و ازداد الحلم و أنار العقل و القلب ونفر من الغضب على المخطئين في حقه-قد كان رسول الله صلى الله عليه وسلم خير مثال للقدوة على ضبط النفس و التحكم في عريزة الغضب فالمحفوظ من سيرته رسول الله صلى الله عليه وسلم أنه لم ينتقم لنفسه قط وإنما انتقم لحرمات الله-القوة الحقيقية هي تكمن في قدرة الإنسان المؤمن على التحكم في غريزة الغضب وفي ضبط النفس وكظم الغيظ و القوة الحقيقية ليست هي في قوة الجسد التي تغلب من تنازله و تصرعه القوة الجسدية إذا لم يحكمها إرادة واعية وعقل واعي اتجهت بصاحبها إلي تصرفات شيطانية مثل الفحش في القول أو تحطيم كل ما أمامه بيده أو شق ثيابه و ثياب الشخص الذي يصرع فيه أو لطم الخد وقد يتمكن الغاضب من المغضوب عليه فيقتله في ثورة غضبه و العياذ بالله ومن بعدها يندم الإنسان عليها و يأسى لحدوثها هذا الغضب-
فالغضب يؤدي إلي فساد العلاقات الإجتماعية فالذا يجب على المسلم أن يضبط نفسه ويكظم غيظه و يملك قوله و يتجاوز عن الهفوات حتي تسرع للفوز في برضا الله و مغفرته وجنته
فقال تعالى " سارعوا إلي مغفرة من ربكم وجنة عرضها السماوات و الأرض أعدت للمتقين الذين ينفقون في السرآء و الضرآء و الكاظمين الغيط و العافين عن الناس والله يحب المحسنين "
....ملاحظة هامة.... ليس من الغضب المنهى عنه المسلم إن يرى حرمات الله تنتهك فلا يثور و يغضب لها
منقول
:S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]:
وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا
صدق الله العظيم....
الله خلق العباد وهب اليهم العقل وه نعمة من الله عز وجل تتفوات العقول فيجب ان تتعامل بما وهب الله لك من عقل ولا تتعامل بما حرمه الله من نعمة العقل بالمثل ....
بالرغم ان بتوع الموتسيكلات و التاكتك يستاهلوا و طبعا مش كلهم لأن فيه منهم فئة محترمة و المحترم ده اللي بيتاخد في الرجلين
الا ان اللي انت عملته غلط اولا الراجل اللي ورا قالك معلش و اعتذرلك و مفيش حاجة حصلت لأي حد كانت عدت خلاص لكن انت كبرت الموضوع اكتر من اللازم و بقيت انت سبب المشكلة مش هما
انت ساعات بتزنق ع واحد و تطلع ايديك تشاورله انك بتعتذر ... هل بيجري وراك يقولك يعني ايه تعتذرلي ؟؟
لو هتكلم ع كل زنقة يبقي هتمشي تتخانق مع كل نفر عشان كله بيمشي يزنق انا عن نفسي بقيت اكبر دماغي من السواقة و وجع دماغها مالها المواصلات او العجلة ههههههههه
بالاضافة ان اللي عملته بالزنقة غلط اللي سايق ده راجل عايز الحرق طب اللي وراها ذنبه ايه ( اللي اعتذرلك )
كان ممكن تقف قصاده و تنزل تمسك السواق تنفخه او توقفه عند اي اشارة و الشرطة كانت هتقوم معاه بالصح دلوقتي لأنهم شاديين انما انك تضيعهم ده حرام و الله اعلم حصل ايه فيهم
حاول تكون هادي مش كل حاجة تجري و و تزعق و تلوش كبر دماغك شوية اليومين دول :)
ربنا يستر و ميكونش حصل اي اصابات او يكونوا عملولك محضر او خدوا النمرة و يجيبوا عنوانك و يتصرفوا هم بطريقتهم
بالتوفيق ان شاء الله
لا عديك العيب وأزح
المفروض كنت ضربته بالمسدس أو دهسته بالعربية !!!!!
وكل الناس داخله تشجعك !!!
عمار يا أعضاء نايل موتورز
واحد يزنق على عربية فيرنا ويلبسه فى الرصيف
والتانى يزنق على موتوسيكل ويوقع الناس اللى عليه ويكسر حاجاتهم
طيب سواق الموتوسيكل جزمة وغلط فيك
طيب الراجل اللى وراه اللى اعتذرلك ذنبه ايه ؟؟؟؟
فعلا معظم بتوع الموتوسيكلات والتوكتوك والتروسيكل ولاد ستين فى سبعين
وعاوزين الحرق بالجاز
وأنا اتعرضت منهم لمواقف أكثر من كده وكنت ساعتها ببقى عاوز أعمل زيك أو أكثر
بس بكظم غيظى أو بأنفجر فيه وأشتمه وأتخانق مش ازنق عليه
أتقوا الله .... انتوا كده بتحولوها غابه
بتوع الموتوسيكل يفتروا على اللى ماشى على رجله
وبتوع الملاكى يفتروا على الموتوسيكلات
وبتوع النقل يفتروا على الملاكى
والبقاء للأقوى والأكبر والأضخم
وتذكر دائماً
اذا دعتك قدرتك على ظلم الناس فتذكر قدرة الله عليك
بكره لما سواق عربية تريللا بمقطوره يشوفك بتعمل غرزة و يفكرك بتلعب على الطريق أو يتخيل انك بتزنق عليه أو بتاخد حقه يقرر الإنتقام منك ويعمل فيك اللى انت عملته فى الموتوسيكل
ساعتها هتقول ايه وهيبقى احساسك ايه
حرااااااام عليكم
إتقوا الله
أخى فى الله
أرجوك متزعلش منى
أنا بقول النصيحة ديه ليا قبل ما اقولها ليك ولبقاى أحبائى من أعضاء نايل موتورز المحترمين
أنا لا ادعى المثالية
وأنا من النوع العصبى اللى بيتخنق بسرعه وممكن اغلط بسرعه واتخانق
واحيانا بكتمها فى نفسى وبكظم غيظى واكبر دماغى وبحتسبها عند الله حسنات وسأقتص من هذا المخطئ يوم القيامة
ربنا يهدينى ويهديكم