البنزين 80 ولا 90 ولا 92 ولا 95

**mohamed_rhem** · 25-05-2008 09:23 AM

انا كنت بحد 90 لكن من يوم ما غلي بقيت احط 80
بس بالتزامن مع تغير البنزين العربيه هتحاج طاقم شنبر معرفش ده من البنزين ولا ايه

**hazem_khidr** · 25-05-2008 02:51 PM

المشاركة الأصلية كتبت بواسطة mohamed_rhem

انا كنت بحد 90 لكن من يوم ما غلي بقيت احط 80
بس بالتزامن مع تغير البنزين العربيه هتحاج طاقم شنبر معرفش ده من البنزين ولا ايه

لا البنزين ال 80 م بيعملش كده.
البنزين 80 ممكن يسد بيكات او يخنق الموتور و مش دايما يعمل كده
انما يهلك موتور لاء.

**Dr_Smart** · 25-05-2008 11:34 PM

هل لو العربية بنزينها 90 وحطيتلها 92 هيضر على المدى البعيد ولا بالعكس هيبقى احسن ؟

**eldeplomasy** · 27-05-2008 12:01 AM

الشاهين اللى معايا الجديده موديل 2006 حطيت مرة او 3 بنزين 95 وكان اداء المحرك فوق الممتاز من قوة سحب رهيبه وسرعه عاليه وتسارع ممتاز وصوت هادي جدا وكيلوات اكتر من ال92 اللى كان بيعمل معايا الصفيحه 160 كيلو اما ال95 الصفيحه فعملت معايا 220 - 230 كيلو بس بصراحه بعد الغلاء حطيت مرتين 90 وكنت بسمع صوت تصفيق مع المكيف اما غير كده فكان كويس لكن غالبا بحطلها 92 لاني حتى مع المكيف مش بسمع تصفيق خالص

بس كان عندي سؤال هو موتور الشاهين الجديد الانجكشن الايطالي 100% فيات اللى نازل في الموديلات من بعد 2005 نسبة انضغاطه كام؟؟؟

الموتور 1600 سي سي

**kingnoro** · 27-05-2008 12:31 AM

انا بحط 92 lamcer و 95 mercedes

و دة اللي مكتوب في manual

**Lord of the flies** · 27-05-2008 09:05 AM

استخدمت ال92 لفترة وكان اداء السيارة رائع ولكن لكثرة سفرى فى المحافظات وندرة البنزين ال92 ومنعا لللخبطة اضريت الرجوع لل90 مرة اخرى مع احساسى بالفرق الرهيب .

**galilio_mad** · 27-05-2008 03:55 PM

92 طبعا , و نسبة الانضغاط عندى 9.2
مرتين ثلاثة حطيت 90 و تقريبا ما كانش فى فرق فى السحب بس صوت المكنة على شوية

**karimalaa** · 27-05-2008 08:32 PM

في الباليو مكتوب في الكتالوج compression ratio: 11.40:1
ومكتوب عدم استخدام بنزين أوكتان أقل من 95 بس احنا بنحط 92 على طول هو الموتور صوته عالي شوية و تحس ان العربية مخنوقة بس برضه بتسحب جامد,أما بالنسبة للأوبترا فمشية ب 92 تمام لحد دلوقتي عشان لسه في مرحلة التليين فمش عارف ايه نظامها.