المشاركة الأصلية كتبت بواسطة zakiali
فيه ناس بتهتم بقوة الموتور اكتر من الكماليات دي خصوصا ان كل الحاجات اللي قلت عليها دي ممكن تتركب عادي
1- الساعه ممكن تتركب في مكانها تشتريها من بتاع قطع الغيار من شارع العشرين في فيصل او ممككن تستغني عنها خالص لآن الساعه موجوده كمان في الكاسيت !
2- عداد الار بي ام ممكن يتركب ديجيتال .
3- الاستوب لايت دي ممكن تركب وفيها الوان واشكال في التوفيقيه .
4- فتح الشنطه من الداخل ممكن يتركب في التوكيل .
وبكده تبقي ضمنت موتور قوي وكماليات الفيفا.
ده غير عشرات الكماليات التانيه اللي ممكن تضيفها .. من رأيي الشخصي أهم حاجه في العربيه قلبها وهو موتورها . واللي بينزل في الفيرنا 1600 المصري Dohc 2 كامة وهو نفس موتور الالنترا 2006 وأثبت كفاءه عالية .
اما بالنسبه لتقفيل الفيرنا المصري عشان اكون محايد ومش متعصب عامل زي البطيخه بتشتريها يااما تطلع حمره يا قرعه .