عدة استفسارات عن كشف عن عربية ياريس مستعملة

السلام عليكم ورحمة الله وبركاته

أخوانى اتفقت مع احد الاخوة على شراء سيارته ياريس 2008 اوتو
بيقوللى فابريكة بره وجوه وعداداها 40 الف كيلو بتاعت مراته
طبعا لما عرفت انها بتاعت مراته قولت اكيد العربية اتخبطبت او فيها خربشة
وقعد يقنعنى ان اكشف عليها فى اى بنزينة و قالى ان الدهان مش بيتكشف حتى لو فى التوكيل
فهل فعلا لو كشفت على العربية فى تيوتا العباسية ممكن لو العربية مرشوشة لان بصراحة
سئلت فى التوكيل قالى الكشف على السيارة بالكامل ب 600 جنيه :untitled 1:

فهل فعلا لو فيها سمكرة متتكشف ؟
وهل لو العداد ملعوب فيه بردو مبيتعرفش؟
والعربية ناقصة زجاج كهرباء هل تعرفوه تمن تركيبه كام ؟
ولو هركب وحدة رفع وسنتر لوك تكلف كام ؟

متشكر جدا يا جماعة وارجو الرد على فى اقرب وقت

بص يا باشا....السمكرة لو معمولة في التوكيل ممكن يطلعلك تاريخ العربية كلها...لكن لو معمول برى...أي سمكري بيمشي ايدو عل عربية ويطلع إتسمكرت فين ...ولو مرشوشة بيبان في الشمس برد سمكري صايع يجبهلك...العداد مظنش ممكن يتلعب في...بس إسأل فالتوكيل.
الازاز الكهربة الصيني...(لو العربية مش بزجاج كهربا) كان الواحد ب-1000
السنتر أنا كنت مركبو في التوكيل ب-600 لكن على ويرز...مشكلة الوير إن مع الوقت بيتقتم...لكن بيتغير ب-30 جنيه...أحسن ميفوق القالون ويركب السنتر جوة...
اتمنى اني أكون افادتك...

بص ياسيدي ...
بالنسبة لوحدة الرفع انا مركبها ب 100 جنيه للأربع شبابيك
وبالنسبة للجهاز الانذار 225 جنيه
والسينسور ب 200 جنيه بتاع الرجوع لورى

المهم انا زمان سئلت نفس سؤالك ده وعرفت أن الشنطة من ورى فيها فيبر وسجاده مغطية الجوانب انتا ارفع ارضية الشنطة كده وصدقني مش محتاجه خبير بص على ارضية الشنطة واذا شفت حاجة غريبه غير المجرر الي عملها توكيل العربية يبقى العربية مشيسة

وارفع السجاده الي في الجناب وبص كده وراها أذا لقيت اي خبطت شكوس تبقى خبطة من ورى من اي جنب ... وبص في المتور هتلاقي في نقط فيها اسمها زونب هما بيسموها كده اذا لقيت زنبة ناقصة تباه العربية مخبوطة من قدام .
وافتح الاربع بيبان وقفلهم اذا لقيت باب قفلتو متغيرة يبقى الباب متغير .

وكمان في قايم كده عند السواق وراه علبه بلستيك أخلعها بشويش ده أذا صاحب العربية خلاك هاهاهاأذا لقيت أي لحام تبقى العربية مقلوبة .

بس عامةً انا أخويا عندو عربية يارس وفاهم في العربيات كويس وهو الي قلي على المعلومات دي وعربيتو اتخبطت كذا مره وهو بيقولي العربية دي مهما اتخبطت بتتصلح ومبتحسيش باي عيب فيها خالص مش زي الكوري الي حتى لو اتخبطت بتحس بفرق بعد الخبطة .

وبس جرب زرار زرار فيها وشفهم شغالين ولا لأ ... واذا في زورار مش شغال مش مشكله قطع غيارها حلوة ورخيصة وفي منها بالحرفين.

وسوق العربية شوفها كويسه ولا لأ
والف مبروك مقدماً