-
نظام الصوت فى البيكانتو
كنت عاوز اعرف ياجماعه ايه نوع السماعات اللى متركبة فى ال 4 ابواب للعربية البيكانتو(خليجى) و مواصفتها ايه كام واى و كام واط..و هل ينفع يتركب سماعات فى الرف الخلفى ليها سواء دائرية او بيضاوية الشكل..و ايه هى اجود انوعها و انواع الكاسيتات الام بى ثرى الموجود فى مصر..وهل هى صينى ام صناعة تانية؟ و شاكر ليكم جميعا
-
بص يا سيدي...
البيكانتو الخليجي نازلة ب 4 سماعات...كل باب فيه سماعة....
مقاسهم 13سم أو 5.25 بوصة....و ده للأسف أصغر مقاس سماعات دائرية...
معنديش فكرة عن الواط بتاعهم بس هما ضعاف جدا و صوتهم اي كلام....و لو جبت سماعات 13 سم و ركبتها هاتبقي برده جودتها مش تمام الا لو جبت حاجة غالية و الRMS بتاعها عالي...و ده صعب تلاقيه لل13 سم
بس فيه حل(لا تيأس:))...السماعات راكبة علي قاعدة بلاستيك جوه الباب ...في منتدي اجنبي لاقيتهم بيشيلوا القاعدة البلاستيك ديه و يفصلوا واحدة تانية بالMDF عشان تشيل سماعات 16سم....و ميزة المقاس ده ان موجود منه انواع كتير و صوته نضيف عشاان فيه حاجات ال RMS بتاعها عالي
ده شكل الMDF:
http://www.icixsound.com/vb/icixnati...ges/4332_6.jpg
انا بصراحة استحرمت العب في العربية و قلت اخليها زي ماهي لحد ما ألاقي سماعات 13سم كويسين و خلاص
بالنسبة للرف الخلفي..الرف الأصلي طبعا مايشلش اي سماعات لأنه خفيف جدا...انا عندي رف كونتر مكسي موكيت اسود معمول بنضافة و شايل عليه سماعتين بيضاوي....لو عملت الحركة دي و جبت سماعتين بيضاوي نضاف....انسي السماعات اللي قدام....بس المشكلة لما حد يقعد ورا الصوت بيبقي في بقه:)
ده شكل الرف بالسماعات
http://photos-765.ll.facebook.com/ph...83269_1487.jpg
بالنسبة لأنظمة الصوت اقترح عليك تخش منتدي الصوتيات...هتلاقي اللي انت عايزه و زيادة:)
-
في عربية واحد صاحبي نوبيرا كنا برده شيلنا القعده البلاستيك ده و ركبنا سماعات علطول في الصاج و تمام مع اني كنت متخيل انها هتزن لكن ولا زنت ولا حاجه وزي الفل وصوتها جامد
-
المشكلة في البيكانتو هي عمق السماعة....عشان لو من غير ابلاستيك السماعة هاتخبط من ورا في الصاج أو في الزجاج أو في اي حاجة تانية....
-
تسلم يانادر على معلوماتك الهايلة...بس فى مشكلة الرف الكونتر ده مش بيترفع مع باب الشنطة ...صحيح هى مش مشكلة لان اساسا الشنطة لعب عيال
-
ولا له تلاته لازمة:)
انت ممكن تجيب حبل اسود رفيع و تخرمله في الرف بس ملهاش لازمة...هي منظر بس:)
-
لا كده احسن من غير حبال و لا حاجه:)
-
هو البيكانتو 2008 اخبار الكاسيت والسمعات فيها ايه
ويه الcd player والسمعات المناسبه ليها وسعرها كام ياريت الافاده من فضلكم
-
البيكانتو 2008 اللى مش خليجى بتنزل كل الموديلات من غير كاسيت
بالنسبة للسماعات انا شايفاها كويسة ، صوتها حلو ( بس انا مليش اوى فى حوارات ال GM و كده ، انا يادوب اسمع coldplay و انا سايقة و خلاص :biggrin24:
و انا ركبت سى دى mp3 , AUX, USB
Sony Xplod ، و مرتاحة معاه اوى و صوته حلو جدا و امكانياته حلوة
-
والله يا جماعه انا مش عارف اشكركم ازاي المنتدى منور بيكم
كل سنه وانتم طيبين
Content Relevant URLs by
vBSEO 3.6.0 PL2