الموضوع: رسوم تسجيل صنى 2009

المشاركة الأصلية كتبت بواسطة moumen_hs

الى جميع السادة المحترمين
الى اشترى نيسان بعد 2006 أى التافيل المصرى لو حضرتك لم تقم بنقل الملكية ولم تقم بالتسجيل فى الشهر العقارى معلومة هامة :-
ممكن حضرتك تخفض رسوم التسجيل لان هناك رسم تسجيل للمستورد أعلى من المحلى ( التافيل المصرى ) فلو حضرتك لم تم بعمل تسجيل البيع بالشهر العقارى وكان معاك توكيل فقط حضرتك لازم تجيب شهادة بينات انتاج محلى من المرور التابع لك للموديلات بعد 2006 التافيل المصرى ودة بيكون بفحص السيارة ومطاقة البصمة زى الفحص العادى وتكلفة حوالى 20 جم بالكرامية .
رسوم التسجيل للصنى 2009 طبقا ل سى س 1600 بيكون لو حضرتك بتسجل بالرخصة بدون الشهادة 1490 جم ولو معاك شهادة بينات أنتاج محلى 1150 جم يعنى فرق 340 جم ودة حوالى قيمة تراخيص السيارة لمدة عام

وجارى أن شاء الله تجديد ترخيص السيارة وموافتكم بالتكلفة بالضبط

أجراءات ورسون نقل الملكية والتجديد


أولا ياجماعة لازم نفرق بين نقل الملكية داخل المحافظة الواحدة والنقل بين محافظتين مختلفتين .
1- التوجة للمرور المراد الترخيص فية لعمل نقل الملكية والتجديد أن وجد تجديد لان الرخصة ممكن يكون فيها ترخيص فترة ممكن تستفيد بية او على وشك الانتهاء فيكون التجديد لازم
2- شراء ورق الفحص والتجديد والذهاب لعمل الفحص الفنى ( بصمة ماتور - شاسية - طفاية - مثلث وشنطة أسعاف ) .

أجراء أخر هام جدا للنقل بين المحافظات فقط يتم توجية الشخص للمرور المنقول منة لمطابقة البصمة زى الى حصل معايا توجهت لمرور العجوزة لمطابقة بصمة الماتور والشاسية فيجب العلم أن الى هيشترى عربية من مرور أسيوط هيسافر أسيوط مثلا
وهنا يتم شراء نموذج فحص+ نموذج كمبيوتر ورسوم 20 جم ويتم ختم المطابقة من الضابط على ظهر الفحص الفنى للسيارة للمرور الجديد

3- الرجوع لمهندس الفحص لاستكمال الفحص بعد مطابقة البصمة فى المرور القديم للنقل بين المحافظات فقط وطبعا معاك العربية فى المرور القديم والجديد

4- شراء نماذج نقل وتسليم لوحات أجراء لنقل بين المحافظات فقط 7 جم
5- سداد التامين الاجبارى 110 جم للسنة
6- التوجة لتسليم الملف بالشباك ويكون مرفق صورة البطاقة والرخصة وأصول التوكيلات ان وجد او عقد البيع ( صلاحية عقد البيع بعد التوقيع علية فى الشهر العقارى 30 يوم فقط خد بالك ) ويمكن عدم التوقيع الا فى المرور عند اجراء الترخيص
7- تحديد الضريبة السنوية وسدادها 220جم للسنة الوحدة
8- رسوم لوح جديدة للنقل بين المحافظات فقط 145 جم
9- تسليم اللوح القديمة والرجوع للشباك ولو مفيش حاجة حضرتك بالسلامة تنتظرالرخصة الجديدة بعد يوم عصيب لو كنت محظوظ ويومين لو الكمبيوتر مش عطلان زى الى حصل معايا

واليكم النماذج والاسعار بالضبط
1- نموذج فحص وتجديد 27 جم للسنة يضاف 10 جم للسنتين 20 جم ل3 سنوات
2- تامين اجبارى 110 جم للسنة + شهر 10 جم فى حالة نقل الملكية
3-طفاية حريق ان لم توجد 121 جم
4- مثلث وسنطة أسعاف 75 جم تقريبا
5- ضريبة 220 جم للسنة الواحدة
6- 30 جم اكراميات فحص وخلافة
الاجمالى 583 جم للسنة فى حالة شراء (مثلث - طفاية - شنطة اسعاف)

ملحوظة يضاف قيمة الضريبة والتامين الاجبارى بزيادة سنوات التجديد 2 او 3 سنوات

رسوم أخرى فى حالة النقل من محافظة للاخرى
1- نموذج فحص 5 جم للمرور القديم
2- رسوم فحص ودمغات 7 جم
3- نموذج كمبيوتر 10 جم
4- لوحات جديدة 145 جم
5- 10 جم أكراميات

ملحوظة هامة جدا لو حضرتك كان عندك سيارة وبعتها بعقد بيع مسجل من فترة قريبة لازم يكون معاك صورة من العقد المسجل والعقد الابتدائى علشان لا تدفع ضريبة أضافية عن كل سنة تجديد ولو بعت بتوكيل ولم يتم التسجيل هتدفع 60 جم عن كل سنة تجددها زى الى حصل معايا الشخص الى بعتة السيارة القديمة لم يقم بنقل الملكية حتى تاريخة

وأتمنى أن أكون أضفت معلمة لاى حد يستفيد منها