ثبات الفيرنا بعد 100-120 كم/ساعة !

**orangemerc** · 14-12-2011 06:26 PM

المشاركة الأصلية كتبت بواسطة yakoot

العربية وهى على الطريق بالجنط بتاعها ال 13 ريشة الثبات ضعيف جدا جدا.
محتاجة شوية تظبيط بسيط ( الموضوع اتظبط معايا بعد جنط 15 فرق شوية بس نشف العربية وثابتة لحد 160 ).

خلى الضغط على 27 انا اول ما ركبت الجنط كنت هرجع العربة لاصلها

بس لما قللت الضغط الموضوع بقى اريح

**Ashraf_Ibrahim** · 14-12-2011 07:42 PM

انا معايا فيرنا ستوك
يعني بدون اي تعديل
العربية تحت ال 100 جيدة جدا
فوق ال 120 معقولة مش وحشة
الفترة من 100 ل 120 فترة غريبة العربية بتفقد ثباتها
ايه السبب في الحقيقة حاولت اعرفه بس معرفتش
للعلم اان مخلي ضغط الهوا 32 !

**Ashraf_Ibrahim** · 14-12-2011 08:20 PM

المشاركة الأصلية كتبت بواسطة xmanx51

انا العربيه دي سمعت عنها كلام كتير كان في موضوع يا مستر اشرف حضرتك بتقول جايب بالعربيه 170 علي الرابع ازاي وحضرتك مفيش ثبات من 100-120 ازاي بتوصل 170 وكملت كمان
الكوري والياباني عربيات كمليات وسرعه فقط يمكن الياباني عربيه كمليات وسرعه وثبات
الالماني عربيه مثاليه ثبات سرعه قوه كمليات رفاهيه حجات كتيره اوي وفعلا انا بفكر بدل ما اجيب عربيه زيرو تكون كوري اشتري الماني موديل قديم مثلا بي ام موديل 2000 بتمن النترا 2010 بس الالنترا جمبها بخ

انا اقصى سرعة جبتها بالفيرنا كانت 180 وكنت لوحدي
احساس انك طاير فعلا
بس فيه فرق بين احساس انعدام الاتزان وبين ان الثبات بيقل
اه الثبات بيقل فعلا بس مش للدرجة اللي تاذي العربية
لو ماسك الدروسيون كويس لا تقلق عادي جدا
انا باخد غرز على 140/150 شغال مفيش مشكلة
حكاية 170 على الرابع دي انا مجربتهاش الحقيقة
انا جربت لحد 150 على الرابع اه وبعد كدة نقلت خامس
ايا ما كان هي عربية مدينة مش عربية سباق
وعربيات المدينة لا تتوقع منها اداء جيد بعد سرعة 120 بصورة كبيرة زيها زي اي عربية في نفس متوسط السعر
لو مركب فيها ناس معاك ثابتة جداااااااااااااااا لحد 150 مفيش اي مشاكل مطلقا

**Ashraf_Ibrahim** · 14-12-2011 08:30 PM

في الواقع الفيرنا اتفرضت عليا لأن دا نظام شركة عندنا بتقدم لينا عربية تخدمنا لفترة 4 سنين ومن ثم تتغير
لما اتعينت في الشركة كانت الشركة بتسلم فيرنا ومكانش فيه اوبشن اني اختار
لو الزمن رجع تاني يبقا الموضوع محتاج اني اعمل موضوع منفصل تقييم شامل للفيرنا من واقع تجربة لمدة سنة ونصف العام
لو حابيين اعمل الموضوع دا انا تحت أمركم !
بس هي عربية كويسة جدا بما يرضي الله

**AhMeD MeTwAlY** · 14-12-2011 11:58 PM

المشاركة الأصلية كتبت بواسطة Tarek218

ممم كلام منطقى

بس برضو انا شايف ان بتمنها ممكن اجيب حاجة يابانى او ألمانى قديمة ولو حالتها نضيفة هتبقا مريحة جدا جدا

مفيش بى ام موديل 2000 بتمن إلنترا 2010

يمكن تقصد حاجة فى التسعينات

انا كنت شوفت اكتر من عربيه في حدود 100الف زياده او ناقص 5000 جنيه في كونتكت كار بس اخر مره سمعت عن سعر الالنترا كان في المتوسط ده

طيب لو رجع بيك الزمن قبل ما تشترى العربية , هل برضو هتصمم تشتريها ولا تشوف غيرها؟

**Ashraf_Ibrahim** · 15-12-2011 01:22 AM

خلاص ان شاء الله هعمل تقييم لفيرنا بعد سنة ونصف خدمة في الشوارع المصرية ومسافة 37500 كم
يمكن بكرة ان شاء الله بس ربنا ييسر وارجع من الشغل فايق عشان اجمع النقاط كلها

**Formulator** · 15-12-2011 03:27 PM

المشاركة الأصلية كتبت بواسطة Ashraf_Ibrahim

انا اقصى سرعة جبتها بالفيرنا كانت 180 وكنت لوحدي
احساس انك طاير فعلا
بس فيه فرق بين احساس انعدام الاتزان وبين ان الثبات بيقل
اه الثبات بيقل فعلا بس مش للدرجة اللي تاذي العربية

عشان كده قولتلك:
اللى يجرى بـ فيرنا على السرعات دى.. يبقى قلبه جاااااااااامد تقيل جدو..!!
لأن العربيات الثابتة (الألمانى والأوروبى almost).. عيل صغير او واحدة ست ممكن يجرى بيها على 170-180 من غير ماياخد باله أصلا..؟!!

ربنا يسترها عليك وعلينا isA

المشاركة الأصلية كتبت بواسطة Ashraf_Ibrahim

لو ماسك الدروسيون كويس لا تقلق عادي جدا
انا باخد غرز على 140/150 شغال مفيش مشكلة
لو مركب فيها ناس معاك ثابتة جداااااااااااااااا لحد 150 مفيش اي مشاكل مطلقا

مش معاك فـ دى بقى يا أستاذ اشرف..

الدركسيون عامل واااااااااااحد فقط فى الثبات على السرعات.. فيه حاجات تانى كتيييييييير..؟؟!!!
وخد بالك من نقطة مهمة جداااااااا:
الثبات مع التحميل ده (ناس فـ الكنبة والشنطة مليانة وكده).. ثبات وهمــــــــــــــــى, خداااااااااااع يعنى..؟!!
بالعكس, بيبقى رد فعل العفشة والشاسيه فى مطبات الهواء والـmaneouvring عنيف جدا فـ حالة الحركات المفاجئة والسواقة الـhard أو الطوارىء, لا قدر الله..؟؟؟!!

المشاركة الأصلية كتبت بواسطة Tarek218

بى ام موديل 2000 بتمن إلنترا 2010
يمكن تقصد حاجة فى التسعينات

لأ, موجود
فيه 318i موديلات من 98-2002 اللى هى e46.. بتتباع بأسعار من 90-120 ألف حسب الحالة..؟؟!!!
لو واحدة تمااااااااام (عداد مش عالى, واساسيات سليمة).. تبقى أجمد من الألنترا 2012 كمااااااااااان (كـ سواقة وركوبة)..!!

-

-

الموضوع: ثبات الفيرنا بعد 100-120 كم/ساعة !

LinkBack

أدوات الموضوع

عرض

-

-

-

-

-

المواضيع المتشابهه

ساعة الفيرنا

ثبات الفيرنا

للبيع ساعة b r e i t l i n g لمدة 24 ساعة فقط و بسعر خرافي

بخصوص عدم ثبات الفيرنا

الكلمات الدلالية لهذا الموضوع

المفضلات

المفضلات

ضوابط المشاركة