تجربه مريره ادخل لتفيد وتستفيد

**shgashga** · 13-12-2011 06:42 PM

سلام عليكم انا من يوم ما اشتريت النوبيرا 2 بقالي 3 شهور واصلا مشاويري بسيطه جدا بس لحد دلوقتي بظبط في العربيه وصرفت عليها لحد دلوقتي 3 الاف جنيه وما عرفش ده عادي ولا ايه لاني بحب تكون العربيه تمام بس بيحصل لي حاجات غريبه زي مثلا
1- انا بانزل شارع دمشق اشتري حاجه العربيه وكنت قاريت عن زيت اكولاي مولاي وحبت احط منه فاشتريت ال 5000 كم وجبت معاه علبه منظف دوره الزيت الي هي اس تي بي وقلت لما اجي اغير الزيت ابقي اقرا كيفيه الاستخدام وبعدين اعملها وفي يوم كنت عند الميكانيكي فوريته العبوه والزيت قالي العبوه دي تمام ومفيده للموتور قلت بدل ما اقرا وتعب نفسي قلتله طيب غير الزيت وضيف العبوه ودورت العربيه وما شاء الله العربيه تقريبا مفيش لها صوت بعد الزيت الجديد وتوكلت علي الله ورحت البيت بالعربيه ومشيت بيها حوالي تلت ساعه وكنت بقرص عليها
بعد ما روحت قريت الي علي العبوه وتخيلوا الصدمه لاقيت ان اول حاجه العبوه بتتحط علي الزيت القديم وبعدين تنزله وتحط الجديد والميكانيكي ما عملش كده الميكانيكي ما حطهاش علي الزيت القديم حطها علي الجديد واول حاجه مكتوبه علي العبوه ماتمشيش بالعربيه وفيها الزيت
ومش عارف اعمل ايه وهل في حل ولا لازمانزل الزيت وحط بداله طيب والمشيالي مشيته بالعربيه ممكن يكون ضر الموتور وهل في اي طريقه اعالج بها الخطا الي حصل

**bondjames** · 13-12-2011 06:47 PM

للأسف لازم تنزل الزيت وتبدله بأسرع ما يمكن ومعلهش عليه العوض فى الزيت

أنا أخر مرة حطيت مصر فينكس 190 ج وصوت الموتور بقى أهدأ مشيت بيه حوالى 2000 كم لغاية النهارده

**bondjames** · 13-12-2011 06:52 PM

بكام ليكوي مولى؟

**shaddadfalcon1** · 13-12-2011 06:53 PM

المفروض العلبه بتتحط علي الزيت القديم والعربيه دايره علي السلانيسه من غير قرص او اي حاجه ولمدة تقريبا لاتذيد عن ربع ساعه

حاول تنزل الزيت من غير مالعربيه تدور خلي الميكانيكي يفك الطبه بتاعة الزيت واسال الخبرا برده يفيدوك

**modyegypt** · 13-12-2011 06:54 PM

شيلة فورا ...؟
انزل دور العربية ونزل الزيت اللى فيها فى مكنها ... وحط زيت جديد وروح بنزينة وقيس ضغط الماتور اد اية

**shgashga** · 13-12-2011 07:01 PM

العبوه الي انا حططتها اسمها stp flash engine
انا ما دورتش العربيه من ساعتها وخايف ادورها الموضوع ده بقاله 24 ساعه لحد دلوقتي
طيب لازم ادور العربيه علي السانسيه قبل ما نزل الزيت وهو وجود الزيت والعبوه في العربيه خطر حتي لو ما دورتش العربيه برجاء الرد حالا

**modyegypt** · 13-12-2011 07:34 PM

مش خطر دورها لدقيقتين علشان تسخن وبطل وبعدين نزل الزيت
وحط زيت رخيص اللى بيمشى الف كيلو ... ؟ وامشى علية حاجة بسيطة ونزلة ... زى غسيل كدة
وبعدين حط زيت تانى ... وكويس انك ما سفرتش بية .... وبلاش تقعدة اكتر من كدة فى العربية .... ربنا معاك

**Lion_Heart** · 13-12-2011 07:38 PM

المشاركة الأصلية كتبت بواسطة shgashga

العبوه الي انا حططتها اسمها stp flash engine
انا ما دورتش العربيه من ساعتها وخايف ادورها الموضوع ده بقاله 24 ساعه لحد دلوقتي
طيب لازم ادور العربيه علي السانسيه قبل ما نزل الزيت وهو وجود الزيت والعبوه في العربيه خطر حتي لو ما دورتش العربيه برجاء الرد حالا

طبعا الافضل انك تنزله فورا و ماتتحركش بالعربية بيه
لو واحد صاحبك او ميكانيكى قريب منك او ممكن صاحبك يجيبلك ميكانيكى فى عربيته و يجيلك
و مجرد انه يدور العربية لمدة دقيقة على الاكثر
و ينزل الزيت و لازم تغير الفلتر كمان يبقى افضل جدا

وان شاء الله سليمة
و ده درس لينا كلنا اننا نقرا اى حاجة قبل استخدامها