السلام عليكم ورحمة الله وبركاته
محتار يا جماعة بين ياريس مستعملة ماشية 38 الف كيلو اول يد فابريكة من بره ومن جوة
وبين سيرون جديدة اعلى فئة 1500 سى سى
وبصراحة انا مستريح للياريس اكتر
فمش عارف ياريت حد يشاركنى لانى محتار جامد
السلام عليكم ورحمة الله وبركاته
محتار يا جماعة بين ياريس مستعملة ماشية 38 الف كيلو اول يد فابريكة من بره ومن جوة
وبين سيرون جديدة اعلى فئة 1500 سى سى
وبصراحة انا مستريح للياريس اكتر
فمش عارف ياريت حد يشاركنى لانى محتار جامد
لو فارق معاك موضوع الشنطة هات اليارس
مش فارق
الزيرو زيرو
ياريس طبعا السيرون مقرفه فى قطع الغيار جدااااا
مع صديق ليا قطع غيار غاليه وممكن تنتظر على اما تيجى قطع غيار الياريس موجودة توكيل وفى السوق عادى جدا
فعلا قطع غيار السيرون قليلة
بس بصراحة العربية انا سوقتها روعة عن الياريس
حتي طلعتها أشد وسحبها رائع
انه توكيل افضل من حيث التعامل
وهل خامات تابلوه فى الياريس افضل
وهل هناك فرق فى الباور بين السيارتين.؟
هو التوماتيك ل سيرون سبترترونيك زى ياريس؟
والله انا سوقت الياريس كويسه وناعمه السيرون ركبتها بس مسوقتش والسيرون فعلا سحبها حلو جدا لو فلوكس كتير ومش فارقه قطع الغيار وسعرها هات السيرون الزيرو زيرو
وهل كاسيت مع سيرون سونى فى 2011؟
شوف لو حاله الياريس الى قدامك ممتازة اشتريها وخلاص بلاقسط بلا وجع قلب واليارس والله ممتعه فى سواقتها زى الكورلا غير انها اقتصاديه جدا فى البنزين موضوع كاسيت السيرون انا عمرى ما ركزت فى نوع كاسيت والله اصلى مش بسمع حاجه ولا بشغل حتى الكاسيت بتاعى والياريس كنا على الصحراوى ووصلت سرعتها 185 بسهوله بس هيه خفيفه شويه بعد 150
السيريون شكلها مش حلو وما اعتقدش ان سواقتها تستاهل تستحمل شكلها وحتى لو زيرو حتلاقى نفسك عايز تغيرها انما الياريس شكلها شيك جدا ويابانى برضه و38 الف يعنى ما ماشتش لو حالتها حلوة اتوكل على الله وربنا يوفقك للى فيه الخير ويكفيك شر الطريق
انا ليا رأي في موضوع شراء العربيات ... الاكبر احسن و اريح ...
في سيريون مع جاري بس 1300 سحبها حلو ما شاء الله بس مش مريحة زي الياريس ...
الياريس الفتيس الاوتوماتيك بتاعها عادي بدون استيبرونيك
عموما الاتنين ياباني وكويسيين بس انا ارشحلك الياريس
اسم تويوتا برضوا بيفرق في كل حاجة سواء قطع غيار او اعادة بيع او اعتمادية
والفكرة مش فكرة كاسيت يعني انت بالف جنيه تجبلك احسن كاسيت فاكيد مش هتقارن بين العربيتين عشان الكاسيت
عموما كمقارنة الياريس افضل بس الزيرو ليه حلاوته
صلي استخارة وربنا يوفقك للي فيه خير ليك
لو المقارنه بين الاتنين دول بس يبقى الياريس بس لو عايز اختيارات تانيه فى نفس الحدود ممكن صنى او جين 2 و الاتنين اتوماتيك و زيرو
يبقه اشترى الياريس علشان نقول مبروك
من الأخر الفوارق اللي هتفرق مع اي احد ولازم تعرفها ::
1- السيريون اكثر رياضية يعني مثلا العافشة اكثر رياضية من الياريس يعني العربيه مش هتبقى مريحة قوي زي الياريس
2- الياريس سيدان وليست هاتشباك يعني في مساحاة في الشنطة اكيد
السريون الكاملة 1500 سي سي ليست سي دي عادي سوني وانما السي دي مدمج في التابلوه وهو في العموم ماركة كلاريون من الداخل
هي العربيه لعائله اكثر من فرد
يعني الياريس الصراحه لا يضاهيها عربيه في النعومه والرحابه والاتساع والاداء الراقي والتوكيل وقطع الغيار في فئتها...
حضرتك متردد في ايه لو حاله الياريس كويسه توكل على الله بدون تفكير كتير
وصحيح ان الزيرو زيرو لكن المقوله دي ليها حدود الصراحه في بعض الاحيان
لو الياريس حالتها كويسة خلص فيها
الياريس احسن فى قطع الغيار و اعادة البيع ده غير انها ناعمة جدا و واسعة و الموتور بتاعها ممتاز
بص يا باشا اانا معايا سيريون 1300 اتوماتيك وصديقي معاه ياريس 2008 اتوماتيك برده هقولك بقه
السيريون في الثبات افضل بكثيرررر خصوصا في الملفات الياريس عاااااااااااااااااااااليه بغباء بصراحه ميزه في المطبات بس مراجييييح على الطريق خصوصا لو في هواء
الاتنين باور كهربه فطبعا ناعم الشكل دي ازواق صراحه انا مبحبش شكل الياريس خااااااالص من بره لكن من جوه التابلوه اشيك من السيريون بصراحه الوسع السيريون بحررررررر بس يزيد في الياريس ان فيها شنطه و وبرده واسعه قطع الغيار اكيد في صالح الياريس من ناحيه الانتشار ده لو حضرتك هتتعامل مع محلات بره لكن كتوكيل عادي جدا موجوده وعلى فكره موجود كل حاجتها استيراد برده بس الياريس اكثر انتشار طبعا اسم تويوتا في مصر ليه صدا رائع في البيع طبعا
السحب السيريون بصراحه فيها عفريبت بجد بشهاده اصدقائي سحبها وطلعتها غشيمه
ايه تاني الصاج خفيف زي الياريس على فكره السيريون وزنها كامله اتوماتيك تقريبا 970 الاياريس اعتقد تزيد 30 40 كيلو يعني فرق بسيط جدا مع الاخذذ في الاعتبار السيريون هاتش باك يعني حجمها اصغر
شوف حضرتك مرتاح لمين اكتر واستخير ربنا وتوكل على الله ومع العلم السيريون والياريس اخوات على فكره :)
الياريس يعيبها فقط الثبات على سرعات عالية ااكثر من 140 ثبات بيقل لكن ارجع و ااقول هية العفشة مش متصممة للسبق و الاداء الرياضى لكن اللى يلفت النظر انها بتجمع سرعات اكثر من اى عربية ثانية و بعدين موفرة فى البنزين عشان الموتور vvti وشنطة واسعة جدا
السيريون ثباتها اعلى و اسرع من الياريس لكن يعيبها قطع الغيار مش منتشرة و متنفعش للعائلة
الاثنين عربيات متندمش لو اشتريت و احدة فيهم
السريون افضل من الياريس فى كل حاجه انا معى ياريس وركبت سريون وع واحد صاحبى بس فعلاً على المدى الطويل هتقرفك فى قطع الغيار
هو أختيار صعب بصراحه ... لكن من ناحية تانية أنتا كده كده كسبان ومش هتندم في كلى الحالتين ... انا عندي اليارس وحبيت أجيب عربية تانية علشان تخدم البيت ... فكنت محتار زيك كده بين السريون واليارس ، بس عامةً الي لحظتو أن الصانع واحد وهو الصانع رقم 1 في العالم ... وتوكيل ديهاتسو كمان شركة عبداللطيف جميل يعني شركة 100 100 التوكيل ده موجود في السعودية من أيام ماكنت أنا عيل صغير ، أما بالنسبة للثبات والكلام ده الاثنين من وجهت نظري ثابتين على الارض وبتعمل بيهم أحلى شغل وأحلى منورات وغرز على الاسفلت حتى لو كنت طاير بيها ... والي بيميز العربيتين دول كمان أنك لمن تركبهم مش بتسوق ولا تعب نفسك أنتا قاعد بتلعب بيهم لعب كده ... بتحركهم حتى بصوابعك ... واحيناً كتير باكول وأنا سايق أي سندويتش على الطريق كده ، العربيتين بمنتهى الصراحة مش محتاجين سواق لأنهم بيسوقو نفسهم لوحدهم وعيوبهم بيتعدو على الايد
وغير كده وكده انا جربت عربيات كتير في الحوادث ... بس بصراحة اللهم صلي على النبي العربية اليباني لمن بتتصلح بترجع تاني زي ماكانت ومتحسش بانها مشيسة أو كانت مدعوكة لأني كنت راكن العربية قبل ماعلق نمر عليها فوق الرصيف وجالك واحد طلع فوق الرصيف وددددب خبطهالي حتت دين خبطه (شلني ) حتى قلتلوا طب أستنى لما أعلق نمر وبعدين أخبطها براحتك ... المهم صلحتها بأقل التكاليف ورجعت العربية ولا كأن فيها حاجه ولا تحس بالخبطة أثناء القيادة ..
والعربيتين كمان منتشرين في جميع أنحاء العالم وبقوة ..
وقطع غيارهم كويسة ... ولو صادف أنك لقيت قطعة غيار غليه مش هتستخسرها فيها .. بل بالعكس هتدفع وانتا مبسوط كمان لأن مش خسارة فيهم ، وكتير بتدفع في عربيات فلوس وانت مستحرم تمن فنوسها ولا حتت بلستيكة فيها ... لكن التويوتا والديهاتسو غير كده خالص ... أنتا هتدفع فلوس بس هتاخد أداء وتشتري راحة بالك .
توكل على الله وشوف العربية الانضف فيهم . واللهم صلي على النبي العربيتين زي الفل .
مافيش عربية فيها كل حاجه
يعنى نعومه وشكل وتوافر قطع غيار وسعر اعادة البيع ومساحه واسعه لليارس
وثبات وسرعة انطلاق للسيراليون
اعتقد اليارس تكسب وخصوصا انها مامشتش كتير واول يد يعنى بحالة الزيرو