عايز مساعدة عاجلة من وحوش ال405 و خصوصا استاذ هيرو

انا جبت ال405 من حوالى سنة و للاسف طلعت عينى بس الحمد لله دلوقتى بدات تتعدل شوية و لكن انا صرفت عليها كتير و منت بفكر ابيعها بس قلت مش حتجيب اللى انا صرفته .. فدلوقتى حكمل صرف عشان اظبطها بقى .. مبدايا انا عربيتى مانيوال 1600 مش برستيج و كنت عاز اخليها اوتوماتيك يا ترى انا محتاج فتيس بس؟ ولا لازم موتور بفتيسه مع العلم ان موتورى مش وحش ؟؟؟ طيب و يا ترى ايه الحاجات اللى حتتعدل فيها و تتكلف كام (انا من اسكندرية ) . دى اول حاجة .
تانى حاجة عايز اجيب جكمان كامل يا ترى بكااااااااااااام لان موضوع تغيير العلب ده فاااشل ...
ثالثا التكييف عندى مش مريحنى و كنت بفكر افكه خالص و اجيب تكييف ساندن يابانى اللى هو بيركب على اى عربية يا ترى ينفع يتركب ف البيجو دى ؟؟؟
رابعا .. هى عفشة 405 ناعمة ؟؟
انا عندى ناشفة مش عارف ايه اللى يخليها ناعمة كدة زى الكورى ؟
طبعا انا بعتذر على كتر الاسئلة بس اعمل ايه معنديش غير اخواتى فى نايل موتورز ....

تحويل عربية 1600 الى ا وتوما تيك ليست خطوة اشجعك عليها, خا صة ل و ا ل موتور قديم ومش بحالة ممتازة. بالنسبة للمطلوب عند التحويل للاوتوماتيك فهو اكتر من الفتيس, فيه حاجات تانية متعلقة بدورة الزيت والتبريدو خلافة. فيه موضوع في قسم دايو عن تحويل مانوال ا لى اتوماتيك يمكنك الر جوع اليه.
ممكت تلاقي شكمان كامل استيراد. التكييف لو مفيهوش مشاكل بيكون ممتاز. شوف ايه بايظ وصلحه و ايه ناقص واشتريه.
فيه فالزقازيق ناس كويسة زي وليد في القنايات.

فعلا موضوع التحويل لأوتو صعب وهيكلفك
فالافضل تسقيط ماتور أوتوماتيك كامل مع تغير الردايتر والدواسات والكنصول بالعصاية
والموضوع ده ممكن يكلفك فى حدود ال 5000 ج
مشكلة التكييف فى 405 لو الدورة مفيهاش تسريب والكمبروسور تمام اى ان كان نوعه هو تنضيف التلاجة اللى تحت التبلوة
وطبعا هتحتاج فك التبلوة بس بتدي اداء ممتاز
موضوع الشكمان
أهم حاجة الوصلة اللى بين الماتور لحد علبة البيئة تكون سليمة من عند بتوع الاستيراد
العلبتين التانين مش مشكلة وبيتباعوا جداد اورجنال
عفشتها نعمة جدا بس بدون اى تعديلات
ممكن تجيب جانبين استيراد كاملين ب 500 على تجربة وانسي بقي اى خبط مع تغيير جلد المقص