مرتبات مدرسات الحضانه ايه؟

**shaddadfalcon1** · 13-12-2011 11:06 PM

السلام عليكم
عايز اعرف لو خريجة تربيه طفوله هتشتغل في حضانه والحضانه دي في مدينة نصر - الحي التامن المفروض المرتب يبقي في حدود كام؟ وياتري لو اتعرض عليها مرتب تقبله وخلاص ولا المفروض تفاصل معاهم ؟

وياتري لو متزوجه وعندها اولاد وهتاخد اولادها معاها المفروض تدفعلهم هنا كمان ولا يبقي في خصومات مثلا ؟

جزاكم الله خيرا مقدما

**نور القمر** · 13-12-2011 11:14 PM

في الهرم لا تتعدى ال 400 جنيه وكانت المتقدمة خريجة اداب عربي وخبرة في التدريس لاعدادي وابتدائي !

**zago** · 13-12-2011 11:41 PM

غالبا المرتب مش حيكون مكفي المواصلات
او كروت الشحن
او حتي البيبسي
مرتب حقير يعني من الاخر
:)

**shaddadfalcon1** · 13-12-2011 11:46 PM

المشاركة الأصلية كتبت بواسطة نور القمر

في الهرم لا تتعدى ال 400 جنيه وكانت المتقدمة خريجة اداب عربي وخبرة في التدريس لاعدادي وابتدائي !

طيب ومدينة نصر اخبارها ايه؟
دي اقل حضانه هنا ب 300 جنيه للعيل وفي لحد 2000 ومفيهاش اي حاجه

**Ayman-Ahmed** · 14-12-2011 09:13 AM

هتختلف من مكان لمكان بمعنى كبر المكان ونضافته ومستوى التعليم فيه واللى بيشتركوا فيه يعنى لو الطفل هيدفع مثلا 1000 جنيه ممكن المدرسة لو خبرتها كويسة تاخد 500-700 جنيه وبالنسبة لو معاها اولاد هيبقى حسب نظام الحضانة برضه هتدفع بنسبة كام.فيه حضانات بتدفع 20_40%.

فى مدرسات فى حضانة بياخدوا فوق ال1000 حسب برضه هما بيدرسوا ايه فى الحضانة.

موضوع انها تفاصل فى المرتب برضه هيتحكم فيه خبرتها وبتشتغل بقالها اد ايه و هل هى مدرسة عربى ولا انجليزى.

**egyptiandiver** · 14-12-2011 09:54 AM

سلام عليكو, مرتب المدرسة يعتمد على حاجات كتير أوي زي : مستوى الحضانة و مكانها، عدد اللغات إلي بيتقدم فيها ... شغل عادي ولا شغالين بسيستم منظم زي نظام منتسوري مثلاً، عدد سنين الخبرة، المادة إلي المدرسة هتديهة English ولا دين ولا فرنساوي، الدرجة العلمية للمدرسة يعني ثانوي غير بكالوريوس غير ماجستر مثلاً، و من غير كلام جنسية المدرسة تفرق كتير! يعني مدرسة انجلش بريطانية الجنسية مثلاً بتاخد فلوس مختلفة تماماً غير مدرسة انجلش مصرية للاسف الشديد. و أخطر و أهم حاجة في الموضوع ده و لنجاح الشغلانة دي هي الحب! أيوا الاطفال الصغيرين مشاء الله ازكية و بيعرفو مين بيحبهم و مين لأ. كمان الالتزام و عدم الغياب لآي سبب إلا لو حاجة قهرية. أنا رأيي تبتدي اسيستانت لمدة موسم واحد مثلاً و تكسب خبرة و السنة إلي بعدها مدرسة و ممكن و هي assisstant بردو تحضر دورة أو تاخد دبلوما في التخصص ده أو لو هي مدرسة انجلش مثلاً تاخد كورس English في حتة تمام. و ممكن تعتبر أول 2 3 4 سنين حتى إستثمار في نفسها و بتالي يتحول مرتبها من خانة المئات إلى الألاف! و ربنا كريم لو عندها طموح ممكن تحوش و بعد عدد من السنين يكون هي عندها مشروع حضانة خاص بيها. ملحوظة أنا و مراتي مدرسين - أخوك أحمد سامي

**AmatoALLAH** · 14-12-2011 10:19 AM

علي حسب مستوي الحضانه

انا اشتغلت قبل كده بس الكلام دا من 10 سنين لما كنت في الجامعه , كنت بشتغل summer job
و كنت باخد وقتها 650 جنيه

و اللي بيشتغلوا فيه مش زي summer job كانوا بياخدوا من 900 الي 1300 جنيه

**shaddadfalcon1** · 14-12-2011 12:50 PM

المشاركة الأصلية كتبت بواسطة egyptiandiver

سلام عليكم, مرتب المدرسة يعتمد على حاجات كتير أوي زي : مستوى الحضانة و مكانها، عدد اللغات إلي بيتقدم فيها ... شغل عادي ولا شغالين بسيستم منظم زي نظام منتسوري مثلاً، عدد سنين الخبرة، المادة إلي المدرسة هتديهة english ولا دين ولا فرنساوي، الدرجة العلمية للمدرسة يعني ثانوي غير بكالوريوس غير ماجستر مثلاً، و من غير كلام جنسية المدرسة تفرق كتير! يعني مدرسة انجلش بريطانية الجنسية مثلاً بتاخد فلوس مختلفة تماماً غير مدرسة انجلش مصرية للاسف الشديد. و أخطر و أهم حاجة في الموضوع ده و لنجاح الشغلانة دي هي الحب! أيوا الاطفال الصغيرين مشاء الله ازكية و بيعرفو مين بيحبهم و مين لأ. كمان الالتزام و عدم الغياب لآي سبب إلا لو حاجة قهرية. أنا رأيي تبتدي اسيستانت لمدة موسم واحد مثلاً و تكسب خبرة و السنة إلي بعدها مدرسة و ممكن و هي assisstant بردو تحضر دورة أو تاخد دبلوما في التخصص ده أو لو هي مدرسة انجلش مثلاً تاخد كورس english في حتة تمام. و ممكن تعتبر أول 2 3 4 سنين حتى إستثمار في نفسها و بتالي يتحول مرتبها من خانة المئات إلى الألاف! و ربنا كريم لو عندها طموح ممكن تحوش و بعد عدد من السنين يكون هي عندها مشروع حضانة خاص بيها. ملحوظة أنا و مراتي مدرسين - أخوك أحمد سامي

جزاك الله كل خير استاذ احمد

**shaddadfalcon1** · 14-12-2011 12:51 PM

المشاركة الأصلية كتبت بواسطة amatoallah

علي حسب مستوي الحضانه

انا اشتغلت قبل كده بس الكلام دا من 10 سنين لما كنت في الجامعه , كنت بشتغل summer job
و كنت باخد وقتها 650 جنيه

و اللي بيشتغلوا فيه مش زي summer job كانوا بياخدوا من 900 الي 1300 جنيه

الف شكر ياامة الله وهي غالبا هتبقي فتره برده مش مستمره وممكن تكمل معاهم
بس الحضانه دي كانت فين لان واضح ان مستواها عالي وياتري الطفل كان بيدفع كام؟

**shaddadfalcon1** · 14-12-2011 12:53 PM

المشاركة الأصلية كتبت بواسطة ayman-ahmed

هتختلف من مكان لمكان بمعنى كبر المكان ونضافته ومستوى التعليم فيه واللى بيشتركوا فيه يعنى لو الطفل هيدفع مثلا 1000 جنيه ممكن المدرسة لو خبرتها كويسة تاخد 500-700 جنيه وبالنسبة لو معاها اولاد هيبقى حسب نظام الحضانة برضه هتدفع بنسبة كام.فيه حضانات بتدفع 20_40%.

فى مدرسات فى حضانة بياخدوا فوق ال1000 حسب برضه هما بيدرسوا ايه فى الحضانة.

موضوع انها تفاصل فى المرتب برضه هيتحكم فيه خبرتها وبتشتغل بقالها اد ايه و هل هى مدرسة عربى ولا انجليزى.

حلو قوي يعني مش هتدفع للأولاد المبلغ كامل صح .؟ هي عندها طلفين فهل الطبييعي انها تدفع نسبه فعلا ولا الطبييعي انها تدفع كامل المبلغ ؟