أتعلمت القيادة فين وازاي ؟!

**mohamed ibiza** · 24-05-2008 07:42 PM

انا اتعلمت السواقة في شارم الشيخ احلي طرق سقت فيها هناك والدي هو اللي علمني و تالت مرة بظبط سقت 120 كانت احلي ايام:)

**Nistelrooy** · 24-05-2008 07:48 PM

تمام يا رجالة : )

**Ahmad Allawy** · 24-05-2008 08:41 PM

انا و الحمد لله باعرف نظريا الخطوات من وانا في اعدادي.. يعني بتاع 10 او 11 سنة..
من سنة اولي ثانوي بقي لما والدي رجع م السفر..
اتعلمت ووالدي علمني علي عربيتنا سيات 133..
الاول اتعلمت في الشارع تحت البيت..
وهي راكنة كنت باطلع قدام وورا لحد ما اتعودت علي الدواسات و حساسية العربية..
وبعدين بقيت باركنها انا..
و انقلها ف الشاره بالليل من مكان لمكان..

وبعدين قعدت فترة ف المقطم.. كنت بانزل كل يوم بالعربية و الف بيها حوالين البيت عشان الطريق كان فاضي..لوحدي خالص.,.
وبعدين غيرنا العربية و جيبنا ال125 ودي كانت بقي مغامراتي كلها بيها..
برضه كنت بالف بيها نفس النظام..و نزلت بيها مشوار كده في حالة وفاة و كان ابويا معايا.. بس انا اللي سايق.. بس كنت لسة مهوزو.. وبعدين بقي خلاص,, طلعت الرخصة و قضيتها..
فضلت معايا 6 سنين باتعلم فيها و الحمد لله ماهنتش العربية دي غير في شوية خرابيش و حاجات بسيطة

**Moh.Abdelbaset** · 25-05-2008 01:47 AM

اخويا الصغير علمنى السواقة على اول عربية للاسرة وكانت اكسنت مو 2000
بس ماخدتش وقت فى تعلم السواقة علشان انا بحب اتابع حركة العربيات فى الشارع وكنت بحب وانا صغير اقف جنب سواق هيئة النقل العام واشوفه بيسوق ازاى

**Mohamed-Saoud** · 25-05-2008 02:02 AM

والدي هو اللي علمني السواقة و الركن وكل حاجة . ربنا يكرمه يا رب و يخليه ليه

**khattab_89** · 25-05-2008 02:07 AM

أنا أتعلمت على أول عربية ليا وهي الريجاتا و رحت مركز تعليم و طلبت اني أتعلم على عربيتي و أتعلمت في يومين بس

**samehafez** · 25-05-2008 03:49 AM

والدي ربنا يخليه ...علمني السواقه ورا البانوراما ... زمان و ده كان كورس مكثف في 3ايام و بعد كده رابع يوم مشوار للعتبه في عز الزحمة و طول ما احنا ماشيين ادي اشارة وروح يمين طيب ادي اشارة و روح شمال ... بص في المرايات ...اسبوع بالظبط و كله بقي تمام ... اهم حاجة اتعلمتها من الحاج السواقة في الزحمة و الركن في الاماكن الضيقه

**sayedwaly1970** · 25-05-2008 04:17 AM

انا عاوز اتعلم السواقة ياجماعة الزاى وفين حد يدلني وشكرا

**Islam_galal** · 25-05-2008 09:24 AM

أنا اشتري 127 أصيلة و واحد صديق (أو أخ بمعني أصح) هو اللي علمني السواقة عليها و كان عمري 26 سنة

**Engesso** · 25-05-2008 12:19 PM

انا اتعلمت مع معلم قيادة، كان عمري 17 سنة، اخدت معاه حصتين، تالت حصة هو اللي خبط العربية!!!
ومن يومها ماشوفتوش، بعد كده بقيت انزل لوحدي، اسبوع وكنت اتقنت السواقة...