الحمد لله عربيتى طلع لسة فيها الروح و شكر خاص لدكتور محمود بدر
كان من فترة عملت موضوع على مشكلة فى عربيتى وانا فى الغردقة و العربية الحمد لله نزلت مصر و بقت تمام و طلع ان البهوات اللى كانوا بيشتغلوا فيها هناك طيروا الاسبراتير و الموبينة و شوية حساسات كدة نتيجة توصيل غلط و كانوا مركبين تروس الكاتينة مكان بعض عشان انا عربيتى 2 كامة و الميكانيكى بتاعى قالى احمد ربنا انها ما رديتش تدور لانها لو كانت دارت بالوضع دة كانت حتجيب صبابات و مع التوصيل الغلط كان احتمال كمان الكنترول يطير
دى تجربتى ودة حصل كمان مع انى كنت و اقف على دماغهم مش عارف لو كنت سيبتها لهم كان حصل اية بس غصب عنى كنت مضطر لانى فى الغردقة و معرفش حد بعينة
الحمد لله ربنا ستر و شكرا لكل من ساعدنى و بالاخص د / محمود بدر اللى تعب معايا جدا