كنت فى ماركت كبير لقيت عرض على جراكن مياة تبريد ردياتير وعليها هدية منظف زجاج فاشتريتة ... المهم عملت دورة تنظيف للردياتير وغيرت للمياة الجديدة ... بعد حوالى شهرين لقيت الحرارة بتزيد والمؤشر بيعدى النص والمياة بتملى القربة ومش بترجع تانى الردياتير ... رحت لثلاث ميكنيكية الاول قالى دا جوان وش سلندر ضرب وبيعمل نفخ على الردياتير ... والثانى قالى دا ترموستات مثبت حرارة اللى جوة كوعة المياة اللى فوق مش بيفتح ويقفل معلق ... والثالث قالى دا ترموستات مروحة بيعلق ومش منتظم فى تشغيل المروحة ... المهم قلت اخد راى بتاع ردياتيرات كويس ... قالى داعيب نوعية مياة رديئة عملت (( ريم )) المياه بقى لونها ابيض زى البودرة الللى دايبة فى ميه ... ودى اللى بتعمل نفخ فى دورة المياة وكمان بوظت غطاء الردياتير ... المهم عملت دورة غسيل مرتين على يومين عشان البودرة كلها تنزل وحطيت مياة نوعية جيدة هو ضامنها وصلح لى الفايظ بتاع غطاء الردياتير وما رديش يغيرة ... والحمد لله بقت زى الفل والحرارة بقت طبيعية وبقت تشفط وتنبخر فى القربة تانى ... انا حبيت انقل لكم التجربة اللى مرتيت بيها ووجعتلى دماغى لغاية ما اكتشفنا العيب لكى يستفاد منها جميع الاخوة الاعضاء .