Etisalat
عرض للطباعة
انا ماعرفش محلات عاديه ثقه عشان كده هتعامل مع الاماكن المعروفه زي اتصالات وكده. وماعنديش مشاكل من موضوع البطاريه. معايا شاحن في كل مكان :))
خلاص ان شاء الله هتوكل على الله في ال4 عشان انا ماليش في الخصائص الكتير في الموبايل بس عاوز حاجه ماتهنجش :)
انا بحس ان الجالاكسي رقيق ومش هينفع معايا نهائي :)
و على فكره انا برضه كنت بفكر في السوني اريكسون بس ماعرفش حد جابه وصرفت نظر عنه.
ال4s نازل في اتصالات ب5190 ال16 جيجا. يعني ممكن في فودافون يبقى نفس السعر.
ممكن تجيب جالاكسي نوت شاشة hd وبروسيسور اقوى وطبعا شاشاة اكبر بكتير للافلام والالعاب
وبرضه ارخص بحوالي 900 جنيه ومفتوح على كل الشبكات وممكن تحطله ميموري 32 جيجا
انا بصراحة مستحرم انك تدفع 5500 جنيه في موبايل .. وانت ممكن تاخد امكانيات احسن بسعر ارخص 1000-1500 جنيه
وممكن تجيب nokia n9 ب 3700 بما انك ملكش في اللعب في السوفتوير بتاع الموبايل
ايه اللي خلاها استحاله
انا جربته و معجبنيش و لا استريحتله
و الفرق بسيط من وجهه نظري مش سما و لا ارض فبلاش مبالغه
و يا زعيم خامات ايه اللي معديه ده بلاستيك
اي نعم نوعيه نظيفه بس برضه بلاستيك
و هو احنا جايبين الموبيلات عشان نوقعها علي الارض
دي بتبقي حوادث عارضه و ربنا بيستر
و ياما برضه الايفون وقع مني و الحمد لله محصلوش حاجه
و لسه واحد زميلي وقع منه في التواليت و ربنا ستر و لما نشفه اشتغل زي الفل
خلاصه الكلام دي ازواق
و كل واحد و اللي بيريحه
الف مبروك مقدما يا زعيم
و تدوبه في عرق العافيه
انا فعلا حيران مابين النوعين دول
بس ممكن اسأل اسئله غبيه؟؟
هو ايه خاصيه ال siri
وايه هو الجيل بريك
وكنت سمعت من حد معاه اى فون 3 انه بيكلم حد تانى وهو فى القاهره والحد التانى فى استراليا بخاصيه اسمها ديفرت او حاجة زى كده عن طريق النت وببلاش تماما وليل نهار بيتكلموا بس لازم الموبايليين يكون iphone..ممكن افهم ايه الخاصيه دى؟؟
معلش استحملوا غبائى وجهلى
الفيس تايم محتاج 3g او wifi
طب ما نفس الحوار موجود في skype و viber و tango
لو هتتكلم على ال 3g يبقى مش ببلاش طبعا
متشكر جدا على النصيحه اولا :)
بس انا هجيب ال4 العادي وده نازل في اتصالات ب4160 locked وانا طبيعي اتصالات فمش فارقه معايا. وكمان انا من محبي الIphone وكمان مش بحب الموبايلات الكبيره زي الجالاكسي :(
ازاي صاحبك جاله نفس يستعمل الموبايل بعد الي حصل فيه ده هههههههههه
والله يبارك فيك يا جميل مع اني مافهمتش تعبير (تدوبه في عرق العافيه) بس اكيد حاجه كويسه هههههه