الموضوع: تعمل إيه مع زملاء عمل دماغهم أصغر من ابنك اللي عنده 9 سنين؟!!!

انا معاك تماما فى اللى عملته طالما انت شخصية جد فى شغلك ودا واحد لسه جاى جديد يبقى ياخد عليك بمناسبة ايه

وبعدين طالما انت بتعامله بصفته الرسمية يعنى مسمحتلوش انه يعاملك كفرد قريب يبقى هو لازم يحترم حدود التعامل اللى انت حاططها دى

ودى غلطته انه مش عارف يتعامل صح

بس انت كان ممكن من الاول تقوله صراحة انه مينادكش بالاسم دا لانه بيضايقك وانك تحبه يقولك خالد

فلو كنت قلتهاله صراحة وهو برضه مستمر فانت مش غلطان

المشاركة الأصلية كتبت بواسطة تامر.محمد

بس خلاص مصلحة , نفض له تماما بقى , فيه عينة احسن حاجة التنفيض ليها

تمام
الفكرة في إيه دلوقتي؟ إنه راح اشتكاني لمديري ودي مش حلوة في حقي
مديري عارفني كويس بس معاملته لينا جميعا من بعيد لبعيد فممكن جدا ياخد عني فكرة إني بخش شمال في الناس وأنا مش كدة

المشاركة الأصلية كتبت بواسطة cdkareem

معلش انا اسف جدا ، بس انا بصراحة مش فاهم يعنى ايه ناس بتاع مشاكل ، من الواضح ان حضرتك فعلاً عندك مشكلة فى التعامل مع الناس ، معتقدش ان لما واحد زميل ليك يقولك خلاود تستاهل ان حضرتك تحرجة امام عامل الامن ، وكمان الراجل ميستهلش ان علشان كلمة تتعامل معه بأسلوب حد ومفيش بينكم اى تعامل مباشر يا سيدى الفاضل لو الكلمة بتزعلك اوى كده اسمعها واستحمل وخلاص ، حضرتك مش بتشوفه فى اليوم 100 مرة يعنى ، ممكن تكون وجهة نظرى غلط 100% بس انا ممكن اكون اتبهدلت عنك شوية فى سوق العمل وعارف يعنى ايه تعمل مشاكل لنفسك من غير ما تكون فاهم ان الغلط عندك مش عند الناس 0 وفى الاخر اسف لو كنت حاد شوية فى كلامى ، بس ده لمصلحتك انت اولاً على رآى الحزب الواطى

ناس بتاعت مشاكل = ناس بتحب الأذية للي حواليها ----برغم إنك تعاملها كويس وتهاديها في مناسبات اجتماعية وغيره وتسترضيها لكن برضه دماغها وألف سيف إن كلمتهم هم واللي هم عايزينه يمشوه عليك سواء غلط أو فيه ظلم ليك أو غيره

أنا يا أفندم عندي 28 سنة و بقالي 7 سنين وشوية شغال فمش كحكة لا مؤاخذة عشان واحد لسه حتى ماكملشي فترة الـ probation بتاعته يتنطط عليا وأنا بقالي 3 سنين في الشركة دي والحمدلله مركزي مش قليل

ده مديري المباشر يا سيدي الفاضل مابيستعملشي معايا لفظة التدليل دي ولا غيرها! المدير العام اللي هو برضه في مجلس إدارة الشركة بيعاملني كويس بس عمره ما هرج معايا بالشكل ده
هو فيه إيه؟!

المشاركة الأصلية كتبت بواسطة ainshouka

انا معاك تماما فى اللى عملته طالما انت شخصية جد فى شغلك ودا واحد لسه جاى جديد يبقى ياخد عليك بمناسبة ايه

وبعدين طالما انت بتعامله بصفته الرسمية يعنى مسمحتلوش انه يعاملك كفرد قريب يبقى هو لازم يحترم حدود التعامل اللى انت حاططها دى

ودى غلطته انه مش عارف يتعامل صح

بس انت كان ممكن من الاول تقوله صراحة انه مينادكش بالاسم دا لانه بيضايقك وانك تحبه يقولك خالد
فلو كنت قلتهاله صراحة وهو برضه مستمر فانت مش غلطان

حضرتك فهمتني أهو: أنا مهرجتش معاه ولا رفعت التكليف وعاملته بالاحترام اللي سنه ومركزه يستحقوه وبرضه مفيش فايدة
وممكن تراجع الحكاية المملة تلاقيني قايله بدل المرة 3 مرات إن اسمي خالد مش الكلام العجيب بتاعه ده

المشاركة الأصلية كتبت بواسطة SHNORY

لما يقوله عامل ايه يا خلوده قوله تمام يا توتو انا كويس يا قطه

ههههههه
يا شنوري باشا هو عنده حاجة وخمسين سنة أقوله كدة ازاي؟! إن كان هو عديم النظر مش هعمل زيه عشان ممكن برضه يستعبط ويتهمني بعدم الاحترام وأطلع أنا اللي واللي

المشاركة الأصلية كتبت بواسطة koheya

انا بقالى 12 سنة بشتغل فيهم اكتر من 4 سنين مدير لمصنع بترول وعدد 2 منصة بحرية ب14 مليار جنية وحوالى 150 عامل ومش بقولك كدة للفشخرة الكدابة بس لاقناعك ان وجهة نظرى ممكن تكون صح. يؤسفنى ان انضم للاستاذ كريم فى ردة واقولك زى ما قالك بالضبط واضيف ان العمل محتاج حساسية شديدة فى التعامل مع الناس سواء مديرينك او من تديرهم من غير نفاق او حب ظهور وتاكد ان كل ما زادت سنوات شغلك حتعرف انك كنت غلطان فى عدم احتوائك للاخرين ودة ظهر حتى فى اسلوب تعبيرك عن المشكلة.

تقبل تحياتى

شكرا لنصيحتك
وسؤالي هو: كيف أحتوي من أمامي إن كان مصر على التهريج ويحب يبان إن هو الكبير حتى إن كان بيعمل sign-in في نفس المكان بتاعك وبياخد مرتبه من نفس ماكينة الـ ATM وليس له أي سلطة عليك لا من قريب ولا من بعيد؟ مع العلم إنك تعامله باحترام؟

بس مش هسأل عن ازاي تعبيري عن المشكلة فيه غلط لأنه مافيهوش غلط
وأنا شاكر إن حضرتك أخدت من وقتك ورديت

المشاركة الأصلية كتبت بواسطة mustafavet

بص انا حصلي مواقف زي اللي حضرتك بتحكيها دي واسوء كتيييييييييييييييير والمشكلة م في الشكاوي الصحيحة لان كل واحد فينا معرض للخطا لكن المشكلة في الشكاوي الكيدية
انا ريحت نفسي ولما رئيس القسم يبعتلي اقوله يا فندم انا مش هرد غير علي شكوي مكتوبة بخط اليد وعليها امضاء
علشان اقدر اثبت انها كيدية واجيب ابوة الارض ( اسف علي اللفظ)

تمام
لكن الوضع عندي مختلف في الآتي: طبيعة الشركة عندنا على الرغم من إنها قطاع خاص إلا أنها تدار بشكل نمطي
فلما مديري -اللي هو تاني أهم راجل في الشركة بعد المدير العام مباشرة- يسألني عن حاجة، مش هينفع بأي حال من الأحوال إني أرد عليه بأسلوب: لما البيه اللي اشتكى يوريني نفسه، هبقى أرد

وأنا متشكر لنصيحتك يا دكتور مصطفى