رايكم اية فى العربية الفيات ال 1300 ؟؟

يا جماعة كنت عايز اعرف العربية دية فيات 1300

* اشهر عيوبها واعطالها اية؟
* سعر الحالة المعقولة منها دلوقتى اية ؟
* قطع غيارها متوفرة وللا لاة واسعارها اية ؟
* تتحمل سفريات وكدة من القاهرة للسويس رايح جاى فى نفس اليوم وللا اية ؟
* * * لو حد معاة العربية دية عاملة معاة اية ؟
* وسعة الماتور قد اية ؟

طبعا كلنا عارفين انها كانت من سنتين مغرقة الدنيا تاكسيات واتعملها احلال يعنى المفروض ان قطع الغيار المستعملة موجودة وللا الكلام دة غلط

وهى شقيانة تاكسى
http://static.panoramio.com/photos/o...l/20647693.jpg

وصورة نضيفة ليها وهى مستحمية ولابسة نظيف هههههه

http://static.panoramio.com/photos/o...l/23871822.jpg

قطع غيارها نادره دلوقتي
ناس كتير بتشيل ماتورها بالفتيس و تسقط ماتور 131 عشان ليه قطع غيار

لكن كاعربيه ف خلاص ايامها قربت تنتهي و بقت قليله جدا في السوق

يا فندم انا كنت نسيت شكلها و الله .... نصيحه من اخ ابعد عنها لان اكيد قطع غيارها هتقرفك و ده لو لقيتها اساسا يعنى هتجيب منين دى لا بره ولا جوه ..... ولو حد فاهم شويه عنى يقدر ينصحك بموديل مقارب فى السعر و قطع غياره متوفره و رخيصه

اصلى لقيت واحد شارى واحدة بيقولى فى حدود 5500 جنية
فانا قلت لو 6 او 7 الاف يجيبوو واحدة كويسة

طب ال 6 او 7 الاف يقدروا يجيبوا حاجة وللا لاة؟؟؟

7000 يجيبو 127

بس استاذ سعد حالتها من حيث الاساسيات اولا ثم الموتور ثانيا تبقى اخبارها اية ؟؟

اقتباس:

---

المشاركة الأصلية كتبت بواسطة abdalah_hashem

بس استاذ سعد حالتها من حيث الاساسيات اولا ثم الموتور ثانيا تبقى اخبارها اية ؟؟

---

يعنى دى اللى حالتها واساسيتها حتلاقيها سليمه ياراجل حرام عليك دى عربيه موديل ستينات يعنى من ايام جدودنا

خليك فى ال 127 وحتلاقى منها ب 7 الاف وحاله كويسه معقوله وممكن حظك يطلع حلو وتلاقى واحد بحاله مش محتاجه مصاريف

وممكن تلاقى 128 سبعينات بالسعر ده كمان وحاله متوسطه مش محتاجه مصاريف اوى


على الاقل ال 127 وال 128 مالين البلد وقطع غيارهم مرطرطه جديد ومستعمل


على فكره ال 1300 قطع غيارها غاليه اغلى من ال 128 وكده وده لو لقيتها اصلا لانك حتطر توفقلها قطع غيار ده غير المكانيكيه دلوقتى بيتدلعو و مش بيرضو يشتغلو فى العربيات دى العربيات الجديده غرقت البلد وخلى بالك كمان دى على كرونه يعنى صباح القرف

بص يا باشا انا والدي معاه العربيه دي من سنه 1995 كان جايبها عامله 35000كم هي موديل 1980 العربيه لحد السنه الي فاتت مكنتش بعملها غير الصيانه الدوريه بتاعتها (بوجيهات +ابلتين +كوندنسر+فلتر زيت+فلتر بنزين) وكانت وما زالت مرياحانا مع العلم احنا بنسافر بيها كتييييييييير اسماعليه بورسعيد العريش رفح القاهره مبتقولش لا المهم بالنسبه لقطع الغيار متوفره لان قطع غيارها هي هي بتاعت الفيات 132 و بلونيز و 125 و 124 من حيث العفشه وعلبه الدركسيون وبالنسبه للموتور نفس قطع غيار البلونيز و125 بالكامل اغلي حاجه في قطع الغيار هي العفشه و دي بتكلفك كلها في حدود 1200 (كامله بتيش النص والبيض والجلب والمساعديين والبارات) بس مبتفكرش تغيرها الا كل 4 -5 سنين و بالنسبه للكرونه الي فيها بتاعت العربيه الاصليه متقكتش ولا مره من ساعت ما جت
وغير كده الكرونه بتريحك من حوار الكبان الي بتفرك منك وانت ماشي و تطقطق في الملفات
السنه دي كانت بدايه التعديل في العربيه نزلتلها موتور 1600 انجكشن 6 غيار عشان اجري بيها شويه مع العلم ان الموتور القديم كان بيجيب لحد 130 كم سرعه بعد ما ركبت الموتور الجديد بجيب بيها 160 كم مستريح
انت لو قدامك حاجه نضيفه اساسيات و شاسيه اشتريها وهاتلك موتور من بورسعيد وركبه فيها حاتريحك قوي وبالذات لو انت لسه بتتعلم
لو انت من السويس انا ممكن اوريك العربيه وانت تحكم عليها بنفسك بس العربيه مش للبيع
انا حاولت ارفع صور ليها علي المنتدي بس معرفتش بس ممكن ابعتهوملك علي الميل لو تحب؟؟!!

وعلي فكره قطع غيارها مش غاليه طلمبه المياه ب 70 جنيه كربراتير 200 جنيه صلايب 45 تيل الفرامل ب 25 طقم البوجيهات العادي ب 30 و التلاته شمعه ب 85 كوعه الميه ب 15 طقم الجوان كامل ب 110 اولاسيلات مبتعديش ال 10 جنيه هو مفيش غير العفشه بس هي الي غاليه شويه عشان كتيره و بتحتاج شغل وشوف بردوه و قرر بس اهم حاجه انك تلاقي حاجه نضيفه اساسيات والموتور الي بتسقطه فيها عندك
بولونيز 1500 و ده في بورسعيد ب 2300 بالفتيس بتاعه او 1600 هاف انجكشن ب 3000 بالدفيره والفتيس
و 1600 فول انجكشن ب 3500 كامل بالدفيره والفتيس او 1900 وده بيعمل في حدود 4500 بس ده قليل شويه
او موتور 131 1300 وده في بورسعيد عامل 5000 _6500 علي حسب حالته
و انا تحت امرك في اي حاجه انت عايز تستفسر عنها