بكر خراطيم المايه

**piezo** · 14-12-2011 06:39 PM

السلام عليكم يا جماعه
بدور علي الناس بتوع مستلزمات الحدائق عايز اجيب بكره يتلف عليها خرطوم المايه 100 متر
ياريت يارجاله الي يعرف حاجه يدلني علشان طالع كتاكيتي يوميين ومش عارف اوصل لحد

**A.Saad** · 14-12-2011 07:34 PM

لو ينفعك خراطيم مياة الاطفاء
ش الجمهورية قرب البنك المركزى
مش شرط الخراطيم البيضا الكبيرة
فيه الاسود الاصغر لان الاول صندوق فقط والتانى له بكرة بيتلف عليها

**Gelgel2004** · 14-12-2011 08:53 PM

السلام عليكم
لو خرطوم الجونينه يبقى :-
1/ خرطوم من 25 الى 50 م ماركه جاردينيا - مستورد - فله من هايبر وان او سبينيس او كرف
الخرطوم 1/4 بوصه بس بنهايات طرفيه 1/2 بوصه و متيل - اقصد مسلح بالتيل - علشان ميتطبقش على بعضو بييجى بالبكره بتاعته بسعم 220 جم تقريبا
2/ مراكز دارى بمدينه نصر او الهرم - عندهم انواع اخرى و اسعار تانيه.
3/ لو البكره لوحدها عليك و شارع الجمهوريه .
4/ لو هتحتاج الخرطوم لسقيه الزرع
الافضل تجيب خراطيم رى بالتنقيط و محبس عادى - اغلى شويه حسب المسافه - بس عمليه اكتر و ماليهاش ظروطه
دمت بود

**Gelgel2004** · 15-12-2011 10:44 AM

المشاركة الأصلية كتبت بواسطة abdo_general

+111
جاردنيا طبعا من انضف الخامات وهتلاقي طلبك عندهم ان شاء الله
وهما المكتب الرئيسي بتاعهم في الدقي

سؤال بقي لاستاذ / جلجل خارج الموضوع
خضرتك شغال في مجال ايه ؟؟

صباح الخير يا جنرال
انا شغال فى قطاع البترول
بس عندى اهتمامات بالتشطيبات المعماريه و الديكورات الداخليه - هوايه و شويه دراسه كده - و الحمد لله باعمل لاصحابى الشقق و الشاليهات بتاعتهم من اول الرسم الداخلى - الفرش - التشطيب و حتى تصميم المطابخ و شراء الاجهزه الكهربائيه.
اؤمر - انا فى الخدمه..

**samehbakr** · 15-12-2011 02:55 PM

لو انت قرب السبتية في شركة جنب مهني الاسيوطي اسمها المركز التجاري للخراطة هتلاقي عندهم الف نوع من الخراطيم و الاسعار و الماركات

**piezo** · 16-12-2011 07:34 AM

والله يا جماعه انا مش عارف اشكركم ازي وخاصة مهندس جلجل
انا امبارح لفيت لف وبرمت برم اول مكان روحته كرفور ومالقيتش روحت مكلم داري وبرده ملقيتش وكلمت كذا حد برده مافيش قمت مكمل علي هايبر وان ولقيتها وكنت هازغرط من الفرحه لاني كنت عايز اتنين ولاقيت اخر اتنين وتمن الوحده 480 جنيه ولاقت نمرة الوكيل فاخليت مراتي تكلمهم هو في المهندسيين ولاقيت السعر هو هو قمت دافع و طاير والكلام ده خد مني وقت من 11 صباحا الي 4 عصرا
وبحب والله بجد اشكركم شكر من هنا للسنه الي جايه

**Gelgel2004** · 16-12-2011 10:48 AM

المشاركة الأصلية كتبت بواسطة piezo

والله يا جماعه انا مش عارف اشكركم ازي وخاصة مهندس جلجل
انا امبارح لفيت لف وبرمت برم اول مكان روحته كرفور ومالقيتش روحت مكلم داري وبرده ملقيتش وكلمت كذا حد برده مافيش قمت مكمل علي هايبر وان ولقيتها وكنت هازغرط من الفرحه لاني كنت عايز اتنين ولاقيت اخر اتنين وتمن الوحده 480 جنيه ولاقت نمرة الوكيل فاخليت مراتي تكلمهم هو في المهندسيين ولاقيت السعر هو هو قمت دافع و طاير والكلام ده خد مني وقت من 11 صباحا الي 4 عصرا
وبحب والله بجد اشكركم شكر من هنا للسنه الي جايه

السلام عليكم
و الف مبروك
لما ماتلاقيش حاجه زى كده كلمنا و انتصرف لحضرتك
شغلى فى م نصر و جنبى كيماويات البناء الحديث - مركز دارى و موجوده عنده
كنت بلغتنى و جبتهالك
عموما اهلا و سهلا بيك و الف مبروك
بالمناسبه ضرورى بعد الاستخدام تحفظها من الشمس علشان تحافظ عليها من التشقق و كمان ممكن تغسل بالمسدس بتاع الخرطوم التكييف - سلك الالومينيوم و السيراميك و حاجات تانيه كتير
دمت بود........