إلى مرتادي طريق الإسماعيلية الصحراوي ... إحذروا الرادار رجع وبحركة لئيمة كمان ..!!
السلام عليكم أحبائي وإخواني الأعزاء ...
كلنا كنا عارفين _ وخاصة مرتادي ومستخدمي طريق الإسماعيلية الصحراوي _ الرادار الدائم واليومي والرابض -_ أقصد إللي كان رابض ..!!! _ بصفة دائمة في الكمين إللي قبل المركز الطبي العالمي بقليل ...
اليوم ( الثلاثاء 14/12 ) كنت متوجه لمدينة العاشر قوم إإإإإإإإإيه أفوجئ بحركة لئيمة وملعوبة وكنت هقع فيها لولا ستر ربنا ودعا الوالدين ( وطبعاً مانساش جدعنة القادمين في المقابل وتقليبهم للنور ) ..
بصوا بقى ..
المشهد الأول ..
قبل الكمين إياه ( المذكور أعلاه ) بخمسة كيلو متر الطريق هدي والأرض إنشقت على حتة لجنة ماتخرش المية ( أمناء وعساكر ورتب ومتاريس وأقماع وتريلات بتتثبت ( من المرور طبعاً ) في الحارة البطيئة ... وحاجة إإإإإإإإإيه ولا الأفلام بل بالعكس ولا أجدعها مخرج يخرجها بالكادر المحبوك دة .. لدرجة أخوكم شك إنهم بيدوروا على حد بعينه .. تمام كدة ..
:36_9_4:
المشهد الثاني ..
ولأني العبد الفقير لله كنت واخد حذري وداخل عليهم بالحنجل والمنجل ( قصدي بالدعاء المشهور في الحالات دي والمتجرب _ لو حد محتاجه يسألني ) عديت بأمان .. هيييييييييه عدينا يا روقة ...
:Y_hi_3[1]::Bravo:
وهوبة الناس كلها كالمعتاد تعدي الكمين تطييييييير
:beeangel:
المشهد الأخير ..
بعد الكمين الثابت إياه ( بتاع المركز الطبي العالمي ) بخمسة كيلو متر بالتمام والكمال ... أن أأأأأأأأأأأأأن ...
كمين الرادار الحقيقي بلحمه وشحمه وبالأمين أبو لاسلكي في إيد وورقة في الإيد التانية يا حلو ...
ووقع فيه من وقع مقولوكوش ...
:36_2_49[1]:
ولمي يا داخلية .. يا مياتك يا هولندا ...
:S_thum1[1]: