الموضوع: مشكله فى الكمبيوتر

المشاركة الأصلية كتبت بواسطة د.أحمد السعيد

مش عارف ليه حسيت احساس غريب و انت بتحمله امانةالدعاء ...

اللهم صب عليك الخير صبا و ارزقك الصحة و العافية و يسر لك الامور و اسأل الله ان يكفيك شر ما اهمك

شكرا لك اخى الكريم واتمنى لك مثل ما دعوت لى واكثر ، فرج الله همك وجعل الله ثواب ماقرأته فى ميزان حسنتاتك ان شاء الله
تحياتى

المشاركة الأصلية كتبت بواسطة blackfox14

هوا الكارت داخلى مش منفصل
بس هوا العيب مش كارت شاشاه لان الكيسه صوتها بيقل اكن فى حاجه فصلت بس كل حاجه بتبقى شغاله
و هدعيلك حتى لو مطلعش ده العيب

بص ياسيدى هاحاول اقول لك بعض الحلول :

- هل الشاشة زر الباور اللى فيها منور اخضر ( يعنى واصلها كهرباء ؟؟ )
- ممكن تجرب الشاشة على كمبيوتر تانى وتتاكد انها شغالة.

- فى حاجة اسمها reset يتم عملها فى البوردة علشان لو فيه جزء فيه مشكلة زى كده يرجع يشتغل ودى المفروض يعملها شخص متخصص علشان مافيش حاجة تلمس وانت بتعملها
وبتبقى موضحة طريقتها فى مانيوال المازر بورد
وفيها بتفصل الكهرباء خالص على البوردة من الكابل الخارجى ومن الكابل العريض بتاع الباور سبلاى اللى داخل على البوردة وبعدين بتلمس سنتين مع بعض ( تعمل قفلة بينهم ) والسنتين دول بيكون مكانهم متحدد فى كتالوج المازربورد اللى عندك وترجع الكهرباء تانى بعد كدة الى البوردة بتوصيل الكابل العريض للباور سبلاى اليها ثم توصيل الباور العمومى تانى وغالبا العطل بيروح ( اكرر : لازم يعملها واحد متخصص صيانة ) علشان المازر بورد ماتبوظشى.

- فى حل اخير لمشكلتك
ممكن تلغى كارت الشاشة الداخلى اللى على المازر بورد ( فى البيوس ) وتركب كارت شاشة خارجى ( ممكن مستعمل ) فى اى سلوت من المازربورد وكدة هاتهرب من مشكلة تلف كارت الشاشة الداخلى وتشتغل على كارت اخر خارجى

- علشان تنجز خد كيسة الكمبيوتر الى اى متخصص صيانة وان شاء الله المشكلة هتتحل

تحياتى