معلش انا مشوفتش ردك ده ورديت علي الرد اللي بعده
هي فعلا ثقافه شعب غريبه ليهم المنتشر مش النضيف مع انها منتشره برضه بس متاخدش بالك منها
اللي ميعرفهاش بيفتكرها اسكودا فيفوريت لانهم توئم بنسبه 80% في الشكل
لو ضغط الكاوتش عندك مظبوط حتلف الدركسيون بصباع واحد وانت واقف
العربيه واسعه جداااااااااااااااااااا
وشنطتها واسعه اوي والكنبه بتاعتها بتتني بانك ترفع الشلته تنزلها علي الدواسات وبعد كده تقفل الضهر
دي انا مكتشفتهاش غير بعد سنتين من شرا العربيه ههههههههههههههههههههههههه هه
كل ما انزل الضهر الاقيه مبينزلش فقولت يمكن بايظ ههههههههههههههههههههههههه ههههه
عوامه البنزين تحت الكنبه علي فكره زي العربيات بنت الناس مش في الشنطه زي الفيات القديم
بالنسبه للزيت انا بحط سوبر تاكسي بتاع الامارات لزوجته 40 وبيمشي 3000 كيلوا
وممكن تحطلها اي زيت مش حتقول لا حتي لو زيت تموين
بتاخد 3.5 من غير فلتر و4 لتر بالفلتر
ولو حرقت علي الاولاني حتنتش معاك في التاني كمان ههههههههههه
يعني معاك عربيه بسم الله ما شاء الله عليها
الجلد اللي حوالين الفتيس بيتفك بكليبسات من تحت ممكن تروح لاي سروجي يفصلك واحده
او تعملها علي ايدك حتي
السير بتاعها كاوتش اسمه سير 111 بس هو معروف وبيعمل 40 او 50 جنيه
اتاكد ان ماكينه المساحات اللي ورا شغاله وبان رشاشات المساحه شغاله
الرشاش قدام بيشتغل لما تشد دراع المساحه عليك ومساحهع ورا لما تزق الدراع تكه لقدام
ورشاش ورا بانك بتزق الدراع بعد التكه دي سنه بسيطه
قربه مساحاتها كبييييييييييره لو هو مركبلها الاصلي تاخدلها بتاع 5 لتر وفيها موتورين
وبتركب علي شمال صدر العربيه
بس لو مركبلها القربه الجلد مش مشكله
=================================
تحت الدركسيون فيه بكره بتصفر عداد الرحلات اتاكد انها شغاله
فيه بكره علي شمال الدركسيون بتعلي وتوطي اضائه العدادات برضه بص عليها
والمفروض ان فيها بكره بتعلي وتوطي مستوي الكشافات دي مش حتلاقيها شغاله اصلا هههههههههه
وفيها دراع هوا برضه شوفه شغال ولا لا
اخر اتنين دول مش شغالين عندي
بس اهو اديك بترمي بلاك عليه وتطلعلك بشويه قطع غيار
لما تفتح كونتاك حتنور معاك لمبه الزيت والدينامو وكلمه ستوب بالنور الاحمر في لمبه عريضه بينهم
الاستوب ده بينور برضه مع نور فرامل اليد
جرب الكلاكس في جميع اوضاع الدركسيون
هي كلها حاجات تافهه
بس برضه لازم تكون شغاله بما ان اساسيات العربيه سليمه
بما ان ابواب ورا مش بتفتح من برا متلعبش في قفل الاطفال علشان بعدها مش حتفتح من بره ولا من جوه
كل الحاجت دي انا اتخذوقت فبها قبل كده