عادي يا باشا لو مراعي زيوتها وصياناتها
تمشي مليون كيلوا من غير مشاكل
هي العمرات والترزيع اجباري ولا ايه ؟ ههههههههههه
معلللللش ياشنوري...انا تاعبك معايا...في عربية تانية علي كونتاك...وموديل ٩٠...ولسة راشة برا من اسبووو...و٤ فرد جداد...وبطارية جديدة...وبيقولي كانت مرفوعة فترة..وموتورها ١٥٠٠...وطالب نهااائي ١٥ونص...ايه رايك في الموتور ال١٥٠٠...وهل يفرق حاجة عن ال١٣٠٠
اكيد ال1500 يفرق فى العزم والسحب بس طالما العربية وزنها خفيف متقلقش بس الميزة كل متقلل فى السى سى هتدفع ضريبة اقل واستهلاك بنزين اقل بس سيبك من المحرك ممكن بعد فترة ميعجبكش تغيرة
اهم حاجة واللازم تكون متاكد منها الشاسية حط تحت دى مية مليون خط احمر
كل حاجة فى العربيات القديمة ممكن تتغير لكن لو مشيسة او مقلوبة هتغلبك واكيد انت عارف كدة يابو حميد من ايام ال27 انت اتعاملت مع القديم كتير وعارف :coolio:
ازيك يا ميييييزو....عموما العربية موجودة في شبرا...في الخلفاوي تحديدا....نبقي نروح نشوفها سوا...سيبلي رقمك وانا هاكلمك ...ونطيييير سوا يوم التنين....
يوم الاثنين*
طيب و انت ليه سبت بتاعة الراجل بتاع حمدى لادا ده يا أحمد؟
والله يا كريم انا لسة مارحتش شفتها...بس بتاع حمدي لادا بيقولي انة ساكن في القناطر...وشغلة في مصر الجديدة...ودة مشوار ابن تييييييت...وبيقولي العربية محتاجة ٤فرد كاوتش بس....انا حاسس انة مبهدل العربية
الفكرة كلها اني نحتاج عريية سليمة ونضيفة وماتتعبنيش...هي الصيانات والزيوت وشكرا...انا ماليش في التسقيط والتصليح والحاجات ..اللي تخض دي...لان مواعيد شغلي صعبة ومافيش وقت!
الموتور ال1500 بيطلع 65 حصان بسرعه قصوي 155 كيلو متر في الساعه
الموتور ال1300 بيطلع 55 حصان بسرعه قصوي 145كيلو متر في الساعه
وطبعا ده من كتالوج العربيه يعني لو جابت معاك 130 بعد 20 سنه من عمرها تبقي كويسه
الاتنين استهلاكهم واحد حوالي 7:8 لتر لكل 100 كيلو سفر
وجوه البلد 10 :12 لتر لل100 كيلو
علي فكره العربيه وزنها حوالي طن يعني مش خفيفه ولا صغيره
فيه ناس بيقولوا انهم مشيوا بيها 160 و170 بس معرفش ايه الموضوع عربيتي في احسن حالاتها معدتش 140
----------------------------------
شوف بتاعه الراجل اللي عند حمدي لادا دي
كونتاكت والوسيط عليهم نوعين من العربيات ملهمش تالت
واحد عاوز يبيع عربيته لحد محترم بعيدا عن التجار ووجع دماغهم
وواحد مش عارف يبيع عربيته علشان مش جايباله سعر كويس او مشرحه او لاي عيب فيها