احترس من درش

**abotiour** · 15-12-2011 12:31 AM

السلام عليكم ورحمة اللة وبركاتة

ياجماعة انتو اللى قولتو هنا على درش بتاع الزوايا اللى فى المطرية واللة دة نصاب رسمى انا معايا اسبرانزا 516 كان فى حدفة يمين وعوجة فى الطارة بسيطة روحت حبة حركات يفك الكاوتش بالشنور الكهرباء يطلع موديل العربية من على الكمبيوتر وينزل تحت ويطلع ويقولى علبة الدريكسيون فيها بوش اقولة ازاى العربية زى الفل مفيش رعشة فى الطارة قالى لا هى بسيطة ونزل تانى وطلع قالى انت خدت مطب بالعربية جامد قولتلة لا قالى اصلها عاوزة زرجينة من العجلة اليمين بكام ياعم قالى 60جنية قولتلة اعملها نزل وشوية طلع تانى وقالى عاوزة زرجينة العجلة الشمال وعاوز علاية 1.5سم العجلة اليمين اللى ورا ولقيتة فتح فتحة تمام على العموم خرجت من عندة واللة العربية زى الاول ولا الهوا رجعتلوا تانى يوم قولتلة العربية زى ماهيا قالى ركبت العلاية قولتلو لا قالى لازم قولتلة الطارة معوجة اعدلها نزل تحت العربية تانى وقعد يلعب شوية وخرجت العوجة زادت حلفت انى مش راجع تانى بس قولت ابلغ علشن كانو طالعين بية السما على الموقع وعلى فكرة خد منى 210جنية حسبى اللة ونعم الوكيل واسف للاطالة

**osa92003** · 15-12-2011 03:28 PM

والله مش عارف الناس بتعمل كده ليه انا كان عندى حدفه رحت توكيل ابو رواش دفعت 90 جنيه وررحعت زى الفل

**tareksakr** · 15-12-2011 03:59 PM

نفس السيناريو حصل معايا بالملي مع اني معايا جولف 2 واضح انه اسلوب واحد مع كل العربيات

**atefadel** · 15-12-2011 06:19 PM

زي بتاع الكاوتش الي بروح ازود الكاوتش
كل ما اروح يقولي البلف دة بايظ
لدرجة اني روحت لية الصبح كان اخوة واقف قالي البلف دة بايظ
اغيرة الالماني ب 10 جند
قولتلة ماشي
بليل وانا مروح عديد علية لقيت صاحب المحل موجود
زود ياعم راح قالي دة البلف بايظ اغير
ضحكت وقلتلوا لو مفيش حد بتاع كاوتش غيرك مش هعملة

**hugan** · 16-12-2011 04:46 PM

انا من جيرانك في المطريه
الصيت ولا الغني بالنسبه لدرش
جهاز ليزر وحركات وبتعاملو ا مع الزباين من طراطيف مناخيرهم
لو انت تعرف بنزينه التعاون اللي علي ناصيه شارع الكابلات مع الشارع الجديد
انا باظبط العربيه عندهم من اكتر من سنتين جهاز قديم لكن احسن من جهاز الليزر اللي عند درش
والترصيص عندهم افضل من عند درش

**osa92003** · 16-12-2011 10:22 PM

المشاركة الأصلية كتبت بواسطة khaled_saga

انا ظبطت الزوايا مع صيانة الالف الاولى فى مركز خدمة ابو رواش على الضمان وبقت تمام الحمد لله لكن معرفش لو روحت وانت مش فى الضمان ممكن تتكلف كام ده غير المشوار والانتظار

90 جنية ظبط الزوايا فى التوكيل