مية مية طناني باشا
عرض للطباعة
مية مية طناني باشا
يا جماعه بجد الراجل ده يستاهل كل خير انا فكرت ان كل واحد هنا فى قسم اوبل يدفع مبلغ معين ونساهم كلنا فى مركز الخدمه اللى طنانى نفسه فيه اقل حاجه انت لما تلاقى مشكله فى العربيه متتعبش نفسيا عشان عارف بأذن الله ان فيه واحد فاهم حيحلها من غير عك ووجع دماغ وتعب نفسى ربنا بجد يباركله
لو لاحظتم ان طنانى مشاركش فى الموضوع ده و السبب ان الراجل ده راجل بجد و مش مستنى آى رد فعل من حد
بس انا كتبت الموضوع ده اقل تعبير و شكر عن مواقفه معايا
انا عاجز عن الشكر و حاولت كتير اقابل طنانى بس هو مشغول الله يعينه
بس بجد يا جماعه لازم نتقابل مش حينفع كده اللمه الحلوة دى من غير ما نعرف بعض وجهاً لوجه
انا ممكن اقابل واحد من المنتدى و مش عارفه
دانا بخاف اشتم واحد يزنق عليا فى الطريق بأوبل ليكون عضو جدع من المنتدى
ياجماعة انا بطالب ادارة المنتدى تضيف صورة طنانى باشا الى لوجو منتدى نيل موتورز بجد ده راجل محترم الى ابعد الحدود.
ربنا يزيدك من علمه يا طناني باشا و ينفعنا بيك و يحبب فيك الناس كمان و كمان
انا مكنتشى هاشارك
بس لقيت --- و اللى فرحنى -- ناس فى اقسام تانية داخله تسلم
و دى شرف ليا
والله العظيم
انا محرج اتكلم
عشان عيب
الرسول عليه الصلاة و السلام
لأن يمشى احدكم فى مصلحة لأخيه خير من اعتكاف سنة
انا قولتله رايي
و انا مقتنع بيه
الحاجة التانية
معرفشى ليه مقلهاش
ان واحد غير الشاشه عشان يشوف فيها لمبة و لا مش عارف ايه
انا بيتحرق دمى قوى من الناس دى
اللى يستحل مال شقا
يبقى منه لله
وربنا يكرمكم
و يسترها علينا و عليكم
انا اللى مخلنيش اتصل بيك النهارده
ان استاذ احمد ابنى
كسر رجله امبارح بعد نص الليل
و على ما اقتنعت
و عملنا الأشعات
و جبسناه
و انا مش شايف ادامى من الساعه 9 الصبح
و لسه مخلص
فاعذرونى لو مردتشى على التليفون
او غبت يوم او اتنين عنكم
الف الف سلامة علي ابنك طناني
وربنا يطمنك عليه ومايسمعناش فيك ولا في اي حد من القسم حاجة وحشة
والله المستعان
،
،
اللهم امين