عاوز اعمل كسوة للفرش بسعر مناسب

**majormostafa** · 15-12-2011 02:19 AM

عاوز اعمل كسوة للفرش بسعر مناسب للحفاظ على فرش الفبريكه...........فين.....ويتكلف كام ....لانوس 2007

**heshamfathee** · 15-12-2011 02:41 AM

انا ركبتها فى شارع دمشق امام امريلند مصر الجديدة عند محل مرسى وانا واقف فى 10 دقائق ب 250ج وادعيلى

**more_try2** · 15-12-2011 09:29 AM

فى محمد مصطفى فى وسط البلد امام وزاره الداخليه وعنده فرع تانى فى التجمع الخامس شارع ال90 انا مركب عنده طقم الجميل فيه ان حاجاته حلوه وكتير ومش متكرره كان بحوالى 290 بالتركيب وممكن تفاصل معاه

**zomzom11** · 15-12-2011 09:59 AM

الكسوه بتبدأ من 70 جنيه لغاية 1000 جنيه مابين قماش ومشمع وقطيفه وجلد وشمواه وكل ما سبق يوجد منه درجات وحسب الاحتياج والاستخدام
الجلد بيحرر فى عدم وجود التكيف بس بيتنضف ومش بيتوسخ فى منه انواع وبيبدا من 150 لغاية 1000 طبعا لو معاك الاولاد تعمل حسابهم
وفى طقم تقريبا ب 550 طقم كامل يشمل الكراسى ويد لعصاية الفتيس وجراب موبيل وجراب دريكسيون والقماش وتنضيفه مشكله وبيلم تراب عكس الجلد بس ما بيحررش
القطيفه بين البينين بقى وفى فرش بيبقى قطيفه على جلد وده الشائع الاستخدام ومعظم المصريين مركبينه وبيكون جلد من الاجناب والظهر فقط والكرسى والشلته بيبقو قطيفه وفى انواع والوان كتير
نصيحه انزل بنفسك التوفيقيه " شارع زكى " او ش دمشق فى مصر الجديده هاتلاقى العجب اختار الى يناسبك وركبه هناك او اشتريه وروح لسروجى ينضف لك السياره وينضف لك السقف ويركبهولك
ربنا يوفق الجميع