المشاركة الأصلية كتبت بواسطة me_medoo
لا يافندم صوت الفسة ده في العربية الهونداي rb يحسسك أن في عجلله بتفسي وداخل فيها مسمار ...
دي ساعتها مخولتني وخلتني احسس على الكوتشات فردة فردة ... وأقول ياربي معقول هيا لحق دخل فيها مسمار .
وبعدين انا معاك ان كل عربية فيها عيب ... لكن انا بحب شعار اسمو المصري يستحق الافضل ... ومش علشان احنا شعب طيب وغلبان يبوعولنا حجات معيوبة وفيها عيوب قاد كده ، ويقلك على قد فلوسك ، لأ طبعاً هو سبعين ألف جنيه يعني حوال 11 ألف دولار دول شوية .
وهو الي معاه 11 ألف دولار ده يبقى غلبان ... المفروض اي مواطن مصري يشتري اي حاجة يلاقيها نضيفة وممتازة كمان مش معيوبة ، لأن الناس دي مبتلاقيش فلوسها في الشارع ولا عندهم بير بترول بيطلعو بيشترو منو ...
ليه الدول العربية الي جمبينا بيجيبو لشعوبها أفضل حاجة وأحنا يا ولداه بيجبولنا أسوء حاجة ... لا ويقنعوك ان الحاجة المعيوبة دي زي الفل ... وتروح اي توكيل وتكلم المهندس وتقلوا ياعم انت مش سامع انتا مش شايف البتاعه معيوبة يقلك فين ياباشا فين انا مش سامع حاجة انا مش شايف حاجة ... ههههههههههههه .
مش عاوز اقولك مره عديت على مطعم علشان اجيب عشا أتعشى انا والمدام والعيال ولمن غيرت هدومي وقعدنا على السفرة علشان نتعشى جي أكول لقيت الاكل حمضان وطعمو زي الزفت فرجعت للمطعم ورميتلو الاكل في وشو وبقلوا انتا جيبلي اكل حمضان ومسموم بصيت لقيت صاحب المطعم جه وخير خير فيه ايه قلتلو دوووق بنفسك وشوف فيه ايه ... بصيت لقيت الراجل مد أيدو وقاعد ياكول ويقلي خير ياباشا مالو الاكل ده زي الفل ههههههههههههههه ... قلتلو زي الفل طيب خلاص انا مش عاوز حاجة بس تاكووول كل الاكل ده على حسابي وقدامي أذا بتقول زي الفل لمن أشوف النهرده هتنام في بيتكم ولا هتبات في الانعاش في المستشفى الاكل مسموم يافندم وحمضان ... ولقيت زبون واقف قلتلو دوق يا فندم بعد اذنك ... داق الراجل يادوبك لقمة قام تفها على وش صاحب المطعم ...
القصد من الحكايه دي ياشباب أنو مينفعش أبقى دافع فلوس في حاجة وألاقي فيها كمية عيوب ويقلولك كل اللوجن كده ولا كل الاكل كده ولا كل الهونداي كده ولا كل التيوتا كده ولا الانوس كده ولا الفيرنا كده وكده .
نحن كمصرين نستحق الافضل ... وانا فرحت لمن أخ هنا في قسم اللوجن راح لجمعية حماية المستهلك ... علشان عيب الحرارة بتاعت الكبينة ... وقلت أخيراً الشعب هيتكلم وقلتلو انا مستعد اساندك لأني مازلت محتفظ بالفواتير وصورة من الرخصة ... وأن طلبت شهادتي انا مش هقصر معاك المهم تعرفو تاخدو حقوقكم كويس من شركة رينو .
وإن شاء الله انا والشباب في قسم هونداي عوزين فعلاً نعلم عم غبور الادب ... وميستخفش بالشعب المصري ويستكردو في عربيات معيوبة ويقلك العربية زي الفل ... وشركة تيوتا كمان الي كل العربيات المعيوبة اتسحبت من العالم الا مصـــر قاعدين بيستهبلو الناس ... وتحياتي ليكم ياشباب في الاول والاخيـر يهمنا دايماً مصلحت بلدنا والناس الي زينا ... الي شقينة في القرش .