العربية اتسرقت (محتوياتها) في عز الزحمة في صلاح سالم !
السلام عليكم !
اولا تحذير لكل الناس الي فاكرة ان البلد في طريقها للامان او الاستقرار او الكلام الاهبل ده ..
رجاء ... لو سايب كيس بلاستيك فاضي حتى في العربية شيله ... في غيرك شايفه في حاجة مهمة !!!
و بصراحة كنت بسمع عن حوادث زي دي .. و اقول الحمد الله الواحد ساكن بعيد عن الحاجات دي او عمرها ماحتصحلي او او او او ..
واه امبارح حصلتلتي !
كنت رايح غبور بتاع العبور اتفرج على العربيات الجديدة ببما انه تحت دكتور السنان بتاعي ... ركنت العربية قدام غبور بشوية قبل كشك الشرطة العسكرية الساعة 5:30 مسائا !!
غبت اقل من 20 دقيقية .. رجعت لقيت زجاج الباب الخلفي متكسر لجوة .. و المدام كانت سايبة شنطة مستخبية كدة تحت الكرسي ... اتاخدت و الحمد الله فيها حاجات مش مهمة اوي
( كراريس بتاعت الولاد في المدرسة - زجاجة عطر - علبة مكياج - IPOD NANO) و مفاتيح الشقة !
والغريب و الي حيشلني .. .ان الشرطة العسكرة على بعد 10 خطوات بالاقدام والله !
ولا شافوا حاجة .. و لاسمعوا صوت زجاج ! ولا سمعوا صوت سارينة بتاعة الانذار !
عامة الحمد الله كان في لاب توب في الشنطة ... و الكاسيت متاخدوش .. و الحمد الله انه محاولش يسرق العربية نفسها !!!
الي غايظني انه في صلاح سالم !! يعني العربيات مبتوقفش !!! مفيش حد شافه اذاي !!!!
روحت غيرت الزجاج بواحد من دكتور جريش ده الحمد الله .. حغير كالون الشقة الان !
كنت بفكر معملش الموضوع اصلا يعني .. بس والله للتحذير ... لا تأمن لاحد !! و متسيبش ان شاء الله كيس شيبسي في العربية !!!
:pffft: