الموضوع: الكرش مشكله تعلا نحلها

بسم الله الرحمن الرحيم
طبعا استكملا لموضوع كمال الاجسام
و مبادره حب جسمك
قررت عمل موضوع عن التخسيس و الكرش
70%من المصرين يعانون من مشكله الكرش والمنتدى هنا اكيد فيه ناس كتير يعانو من مشكله الكرش السمنه بصفه عامه
طبعا الناس بتصبر بنفسها بان الكرش ده عز
والكلام ده
بس فكرت مره تسال الناس ايه رائيهم فى جسمك
بصيت فى المرايه وانتا بتاخد شور
شوفت الكيرفات العجيبه
مراتك رايها ايه فى كرشك& مش مجوز
طيب خطبتك& مش خاطب
طيب والدتك&متوفيه
طيب اصحابك& معنديش
طيب انتا ايه رايك فى كرشك& نظرى ضعيف
انا اقولك كرشك ده مخلى منظر هدومك وحش يبقى الشميز تحفه لاكن فيه حتت كيرف مسخره
طيب عايزين نعرف نلبس بقا
يلا بينا
.................................................. .................................................. ...........................................
((تنويه)جميع المعلومات هتكون منقوله من مصادر طبيه ومصاغه بواسطتى انا مع اضافه تجاربى المتواضعه وتجارب زملائى
مع الارائ الطبيه للدكتور هانى ابو غالى استشارى التغذيه وامراض السمنه فى ولايه نيوجيرسى و ده عمى
.................................................. .................
هنبدا
جسمك ده بيكون من ايه
ازاى انا بتخن
ازاى انا بخس و ازاى اخس
ازاى اخس و انا مش حاسس بضعف
انا روحت للدكتور و قالى كل الصبح بيضه و بعد الظهر تفاحه و بليل شم علبه زبادى
طبعا اسبوع و هيغمى عليك
المهم مش باكل قد ايه المهم انا باكل ايه
عايزين نتعلم ناكل صح
نكل الكميات المناسبه
ناكل فى الاواقات المناسبه مش محشى الفجر و جاتوهات
تشبع بس متتخنش اهى دى المعادله
مبدائيا علشان تخس لازم السعرات اللى داخله جسمك تكون اقل من السعرات اللى خارجة منه ليه ؟ لان الوزن الزياده اللى عندك عبارة عن دهون كل جرام دهون فيه 9 سعر حرارى اوك

اى اكل انته بتاكله لو فيه سعرات زياده الجسم بيهتزن السعرات الزياده دى على هيئة دهون كصورة رئيسية لتخزين الطاقة الزائده عن حاجة الجسم واللجوء ليها عند الشده وبتخزن فى الذراعين او البطن او الفخذين او الارداف او الصدر حسب طبيعة ووراثة كل جسم وده بيختلف من شخص لاخر

انته اكلك عبارة عن بروتينات وكربوهيدرات ودهون وفيتامينات ومعادن والياف
1 جرام بروتين او كربوهيدرات يوجد بيه 4 سعر حرارى
اما 1 جرام دهون يوجد به 9 سعر حرارى كما ذكرت سابقا
المعادن والفيتامينات والالياف ليس بها اى سعرات ومهمة جدا جدا لجسمك فى فتر الريجيم خصوصا وفى اى وقت عموما
فهمنا يعنى ايه اكل و ازاى بنتخن
نعرف بقا كل مكون فى الاكل ايه فايدتو

اولا الكربوهيدرات
الكربوهيدرات هى مصدر الطاقه
السبب ان الكربوهيدرات دى مصدر للطاقة اللى بيحتاجها الجسم ازا الجسم لم يجد مصدر للطاقة ماذا سيفعل ؟ هيضطر للحصول على الطاقة من مصادر بديله طب هى ايه المصادر البديلة اللى فى الجسم غير الدهون المختزنه والبروتينات الموجوده فى الانسجة العضلية ؟ مفيش غيرهم احنا بقى عايزين نوجه لاستخدام الدهون وعدم استخدام العضلات علشان نحافظ عليها لانها مهمة جدا لقوة الجسم وهيئته العامة
فائدة الكربوهيدرات بتظهر هنا بقى انها تمد جسمك بالطاقة اللازمة لاداء نشاطه سواى حيوى فسيولوجى حركى ايا كان بقى لوجسمك بقى ما لقا كربوهيدرات هياخد طاقته من خلال هدم الدهون طب حلو يعنى باستمرار تجويع الجسم جسمى هيقل دهون ؟ هقولك لا عندك بقى الجسم مش هيستسلم للحالة دى او بمعنى اصح التغيرات اللى هتحصل هتمنع جسمك انه ياكسد الدهون نتيجة لتكون اجسام كيتونية بعد مده حوالى يومين (يتم الكشف عنها فى تحليل البول )فى الدم وتغير حموضته وبالتالى توثر على خصائصه وخصائص البيئة الداخلية للجسم وتصبح عملية ايض الدهون او تمثيلها بتمثل عبى كبير جدا على الجسم لعدم وجود مصدر كربوهيدراتى كافى لاعطاء الجسم الطاقة اللازمة لتمثيل الدهون وكمان لان الجسم حصل بيه تغيرات خطيرة جدا نتيجة تجويع الجسم لمصدر مهم فبيتجه لهدم العضلات والحصول على الطاقة منها ويبدا جسم يفقد عضلات والدهون زى ما هيى يعنىجوعت نفسك على الفاضى وضريت نفسك
يبقى اللى يقولك امنع الكربوهيدرات اثناء الريجيم قوله انته ما بتعرفش حاجة واجرى العب بعيد اوك

ثانيا البروتينات
مهمه جدا للجسم علشان تعويض الانسجة التالفة وبناء الانسجة الجديده وايضا وبتدخل فى تركيب الانزيمات الهامة فى الجسم بعد تحللها الى احماض امينية نتيجة الهضم فى المعده والامعاء ومهمه جدا لتجديد خلايا الدم ومناعة الجسم وكمصدر للطاقة ايضا

ثالثا الدهون
الجسم بيحتاجها لكن بمقدار ضئيل جدا لانها مهمة لليونه الجلد والشعر لكن يفضل اكل دهون مفيده غير مشبعه قصيرة السلسلة زى زيت الزيتون كى يسهل اكسدتها بسرعه لان كل ما السلسة تكون طويله تاخد وقت اطول فى الاكسده لانها بتمشى بنظام تسلسلى محدد وده مش موضوعنا دلوقتى لو اراد ربنا نبقى نتكلم عليها
رابعا الاملاح والفيتامينات والمعادن
دى مهمة جدا جدا لانها بتدخل فى تكوين الانزيمات الهامة فى الجسم ايضا وكمعاونات ازيمية لنقل المواد المختلفة من والى الخليه وداخل الخلية من الى الميتو كوندريا مركز تخليق الطاقة وبالتالى بتحسن من عمليات التمثيل الغذائى للدهون

خامسا الالياف
مهمة اوى ليك يا اللى عايز تعمل ريجيم لان الالياف دى بتقوم بربط املاح الصفراء المسئوله عن استحلاب الدهون ( يعنى بتقلل توترها السطحى علشان يسهل امتصاصا) وبيخرجها مع الفضلات فى عمليه الاخراج من خلال المستقيم
يترتب على فقد الجسم لاملاح الصفراء ان الجسم بيحتاج يعوضها فيبدا انه يستخدم الكوليسترول الموجود فى الجسم لانتاج املاح صفراء جديدة يعنى انته كده منعت جسمك من امتصاص الدهون وكمان دفعته لتقليل نسبة الكوليسترول فيه وهو ده المطلوب بالظبط

اذا دلوقتى الصورة واضحة للكل بخصوص الاكل انه لازم يكون متزن علشان تقدر تخلى جسمك متحفز لفقد الدهون والحفاظ على الصحة العامة
طيب ازاى احسب السعرات و هعرفها ازاى انا هكتبلك جدول كامل لكل حاجه بتكالها و كميه السعرات الفيها
هذه قائمة توضح السعرات الحرارية لكل 100 جرام
اللحوم
أرانب مشوية 193
أرانب مسلوقة 194
بط بالعظم 170
بط بدون عظم 300
الإوز 349
حمام مسلوق 100
حمام مشوي 105
ديكرومي 280
دجاج مشوي 130
لحم بقري برجر 260
لحم بقري ستيك 273
لحم بقريمسلوق 206
مخ بقري 150
كلاوي بقري 140
كبدة مشوية 200
بتلو مشوي 378
بتلو محمر 512
لحم ضأن 300
لحم كندوز 240
كلاوي عجل 129
كلاويضأن 105
كرشة 99

اللحوم المصنعة
هامبورجر 286
سجق 592
لانشون 172
لانشون معلب 294

الفواكه
أناناس 38
برتقال 27
بطيخ 16
بلح 214
تين 79
تفاح 58
توت 36
جريب فروت 17
جوافة 70
جوز هند 336
خوخ 36
رمان 20
شمام 13
عنب بناتي 249
عنب ببذر 90
فراولة 34
كمثرى 30
كريز 40
ليمون 15
مانجو 66
موز 45
مشمش 51
يوسفي 24

الخضروات
باذنجان رومي 15
بسلة مسلوقة 49
بسلة مجففة 100
بصل طازج 23
بصل أخضر 36
بنجر 44
بطاطا مسلوقة 85
بطاطس شيبسي 220
بامية 32
بقدونس 28
ثوم 60
جزر 45
خس 11
خرشوف 7
خيار 12
سبانخ 36
طماطم 20
فاصولياجافة 93
فاصوليا خضراء 7
ورق فجل 25
راس فجل 19
جرجير 18
قرنبيط 25
كوسة 26
كرنب طازج 32
كرنب مسلوق 16
كرفس 9
لوبيا بلدي 33
خبيزة 47
قلقاس 75

الأسماك
جمبري 90
بلطي 100
بوري مدخن 85
بوري مشوي 170
تونة معلبة 280
سردين معلب 294
رنجةمدخنة 189
سلامن مشوي 108
سلامن مدخن 161
كابوريا 94
سمك موسى مقلي 241
سمك موسى مدخن 50
سمك مرجان 70
سمك أنشوجة 140
أم الخلول 50
بطارخ مشوية 260
سمك قارون 67
سبيط 61

الألبان ومنتجاتها
لبن كامل الدسم 110
لبن منزوع الدسم 45
ملعقة لبن بودرة 22
لبن رائب 60
زبادي 55
زبادي بالفاكهة 106
آيسكريم 210
جبنة قريش 116
جبنة ركفورد 370
جبنة رومي 313
جبنة شيدر 398
جبنة فلمنك 370
جبنة كيري 810
قطعة جبنة كيري 162
جبنة مطبوخة 360
جبنة قديمة 420
مش 77

المشروبات
عصير أناناس 70
عصير برتقال 37
عصير جريب فروت 60
عصير جزر 50
عصير رمان 44
عصير طماطم 35
عصير ليمون 7
عصير تفاح 58
عصير يوسفي 44
كوكاكولا 82
كوكاكولا دايت 2
لبن بالشيكولاته 550
كاكاو 452

الحلويات
بسبوسة سادة 480
بسبوسة بالمكسرات 620
أرز باللبن 144
جيلي 59
شيكولاته محلاة 477
سكر المائدة للتحلية 385
عسل نحل 320
عسر تمر 317
حلاوة طحينية 516
كنافة محشية 780
مربى فراولة 275
عسل اسمر 232
جاتوه 350
تورتةكاسترد 354
تورتة اسفنجية 394
توفي 435
غريبة 521
كريز طازج 40
كريمة 387
كورن فليكس 367
مهلبية 129
نوجة 420
بلح الشام 380
بقلاوة 390
أم علي صلبة 455
أم علي سائلة 312

البقوليات
فول مدمس 110
عدس جاف 340
عدس شوربة 100
شعرية 65
مكرونة مسلوقة 115
طحين قمح 345
طحين ذرة 350
أرزمسلوق 116
فول نابت 112
حمص الشام 350
لوبيا جافة 340
ترمس372
فيشار 286
خبز أبيض 243
خبز أسمر 229
خبز توست 229
خبز شعير 250
فطير رقائق 358
بيتزا بالجبن 236
بيتزا بالسجق 234
بانية (واحدة) 230
معكرونة 115

المكسرات
فولسوداني 585
حب (فصفص) أسمر 563
حب (فصفص) أبيض 554
لوز 598
فستق 594
جوز 651
بندق 634
سمسم 595
مشمش مجفف 270
زبيب 300
قراصيامجفف 150
جوز هند مجفف 650
الدهون
زبدة 800
زيت زيتون 930
زيت ذرة 480
زيتبذر الكتان 450
سمن نباتي 795
سمن بلدي 900
البهارات وفواتح الشهية
طرشي أفرنجي 65
زيتون أخضر 70
زيتون اسود 85
طرشي بلدي 75
بذنجان مخلل 105
فلفل أسود 237
فلفلأحمر 287
كزبرة 360
قرنفل 282
قرفة 215
طبعا لو حسبنا بناكل كام سعر فى اليوم هنلاقى مهازل
طيب كده انا عارفت كل حاجه تخص السعرات عايز اعرف جسمى عايز كام سعر علشان اخس
و متعبش تابع الجزء التانى الخاص بحساب نسبه الدهون الجدول الزمنى الجدول الرياضى كيفيه لعب الرياضه
اتمنى ينال اعجابكم
الموضوع ده خد وقت و مجهود كبير جدااااااااااااا
الموضوع غير منظم كتبيا و ده لان الموضوع كبير فا غاب عنه بعض التنسيق انا اسف
شكرا و منتظر اسالتكم