تمام التمام ...اقتباس:
اى حاجة متعلق تركيبها بالضفيرة .. لو اتركبت وبوظت الضفيرة .. بتخرج من الضمان على طول .. والعميل بيشيل تمن حساب الضفيرة
دى سياسة اى شركة وتوكيل سيارات لاى ماركة ..
وعشان كدا ما بنصدق يكون فى مركز خدمة عنده الموضوع ده عشان نعملها ونشتريها من عنده عشان هو يشيل الليلة
وبردوا لو اى حد اشترى زينون من اى محل بره وركبه فى التوكيل والتوكيل كان موافق .. بيقولك الاكسسورار ده ركب بموافقة العميل .. عشان لو الحاجة اللى حضرتك جايبها من بره كان فيها عيب واثرت على العربية .. بردوا انت تشيل الليلة
ناس كتير حتقول انا مركب وحدة رفع بره وزينون ومش بيحصل حاجة .. ده تمام .. وبردوا سمعت ان فى حكايات لناس تانية حظهم اشتروا والحاجة مش كويسة .. وضربت الدنيا
ممكن يكون فى محل اشترى مثلا 1000 قطعة زينون منهم وارد فى اتنين او 3 مش كويسين .. فا لو وقعوا من حظك !!! وقتها ايه الحل
اللى حابب يغامر وقلبه قوى .. يركب بره على طول .. ويفضل يركب زينون ماركة محترمة زى اورسروم او فيلبس .. ويركبه عند حد فاهم وصنايعى شاطر او فى التوكيل بمعرفته .. بس الحاجة تكون محترمة وماركة .. مش زينون او 200 جنيه !!
واللى عايز يمشى فى طريق السلامة والامان ونفسه يركب زينون .. يبقا يركبه ويتشريه من التوكيل ويبقا ريح باله
ده رائى ..
تحياتى للجميع