النقل التقيل

**Dr_Mido** · 15-12-2011 01:40 PM

انا عملت الموضوع ده علشان تبادل الخبرات فى معامله العربيات النقل

تعريف عربيه النقل فى القاموس الدائرى كائن معدنى حجمه ضخمه مخه مض قد جسمه نهائى بيتغذى على العربيات الملاكى

من واق خبرتى معاهم وضياع جنبين و رفرف قبل كدة

اولا خليك مؤدب واستئذن قبل ما تحاول تتخطاة خصوصا فى الطرق المزدوجه او الضيقه ودة ازاى حضرتك هتدى كلاكس صغير وتطلع بنص عربيتك علشان يشوفك فى المرايه لو هو رد بكلاكس صغير عدى مردش ورخم كررها تانى غالبا بيعدديك لو رخم ومعدكش لو هتعدى عدى من غير متعمل اسد بالكلاكس ليه بقى لانه ساعتها ممكن يلسعك بالمقطورة اللى ورا ودى اتقالتلى كدة من سواق مقطورة
متعديش من يمينه نهائى الا فحاله هقلها بعدين التعديه بتبقى من الشمال

ثانيا متعديش من وسط مقطورتين وخصوصا منطقه الديل لانهم ممكن يعملوك سندوتش من غير مياخدو بالهم

ثالثا لو سواق نقل قليل الادب وبيرخم بقى عدى من يمينه وامشى جنب نقطه ضعفه تانك البنزين اكتر حاجه تقلقه منك انت تبقى ماشى بتنكشه من يمينه فى المنطقه اللى فيها التانك دىكتر منطقه تضمن انه مش هيفكر يرخم عليك فيها لانه عارف انه هتيجى على دماغه لو خبطك فى التانك

رابعها لو عربيتك سحبها عيان متحتكش بيهم قوى لانك فى الغالب مدام نص عربيتك عدى اول دبل للمقطورة تحرق لحد متعدى منه اضمنلك

اى ابتكارات اخرى منكو احب اسمعها

**ahmedsrs** · 15-12-2011 03:50 PM

العربيات النقل دى فيها مشكلتين لما تكون محملة زلط ممكن يكسرلك الزجاج ومعلهوش حرج عشان دى مشكلة الجاذبية لو رمل هيبهدلك دهان العربية وبرده وهو ماله لو مش محمل البلاوى دى فممكن جزء من نعال الكوتش ينفصل ويطير فى وش العربيه وده ممكن يعمل اضرار فادحة ولو مش محمل وخفيف موتوره الجبار بيخليه طاير ذى الفيرارى والعب معاه غير مضمون العواقب عشان كده لو العربية النقل ماشية بسرعة معتدلة بحاول اتخطاها بدون استعجال وبسيب مسافة بينى وبينها لو ماشى سريع وبيلوش اسيب بينى وبينه مسافة ولما يجى قدامه عائق او مطب بتخطاه بسرعة قبل مايشد

**Dr_Mido** · 15-12-2011 04:12 PM

المشاركة الأصلية كتبت بواسطة ahmedsrs

العربيات النقل دى فيها مشكلتين لما تكون محملة زلط ممكن يكسرلك الزجاج ومعلهوش حرج عشان دى مشكلة الجاذبية لو رمل هيبهدلك دهان العربية وبرده وهو ماله لو مش محمل البلاوى دى فممكن جزء من نعال الكوتش ينفصل ويطير فى وش العربيه وده ممكن يعمل اضرار فادحة ولو مش محمل وخفيف موتوره الجبار بيخليه طاير ذى الفيرارى والعب معاه غير مضمون العواقب عشان كده لو العربية النقل ماشية بسرعة معتدلة بحاول اتخطاها بدون استعجال وبسيب مسافة بينى وبينها لو ماشى سريع وبيلوش اسيب بينى وبينه مسافة ولما يجى قدامه عائق او مطب بتخطاه بسرعة قبل مايشد

كلامى ياباشا على المحمل مش الفاضى الفاضى بيطير مبمشيش

**ahmed_120s** · 16-12-2011 02:06 PM

كلامك سليم يا باشا .. أهم حاجة ممنـــــــــــــــوع ممنــــــــــــــــوع تعدي من علي اليمين لو مش هتروح اصلا دي نصيحة لله صاحبي ( الله يرحمه ) كان بيعدي من علي اليمين ب128 و السواق تقريبا ماشفوش كلمة فرم ال128 دي سهلة جدا العربية باللي فيها بالظبك كانزاية كولا و اتحطت تحت دبابة حربية ..

**Dr_Mido** · 16-12-2011 02:07 PM

المشاركة الأصلية كتبت بواسطة ahmed_120s

كلامك سليم يا باشا .. أهم حاجة ممنـــــــــــــــوع ممنــــــــــــــــوع تعدي من علي اليمين لو مش هتروح اصلا دي نصيحة لله صاحبي ( الله يرحمه ) كان بيعدي من علي اليمين ب128 و السواق تقريبا ماشفوش كلمة فرم ال128 دي سهلة جدا العربية باللي فيها بالظبك كانزاية كولا و اتحطت تحت دبابة حربية ..

الله يرحمه منا بقول لو العربيه مبتشدش متجيش جنبه اصلا محتاج عربيه بتشد مبعملش كدة بال 128 علشان عربيه كتيانه