المعيشه فى دبلن - ايرلندا

**khaled_sabry** · 16-12-2011 12:56 AM

المشاركة الأصلية كتبت بواسطة cameeron

Dublin Salary | Glassdoor
Is Ireland a good place to live? - Yahoo!7 Answers

المشاركة الأصلية كتبت بواسطة bemocarlo

انا عايش في ايرلندا وممكن اكلمك كلام عام علي مستوي المعيشه
انا مرتبي نزل 45% في rescission في حد ادني لساعه العمل وهي 8.65 يورو والحد الاقصي حسب نوع التخصص
مستوي المعيشه عالي ولا يناسب الحد الادني لساعه العمل بس الناس عايشه. social welfare قل وعمالين يستقطعوا منه.الاكل غالي بس لو هو مرتبه من 2000 الي 3000الاف يورو يبأي هيعيش كويس.اقل ايجار لشقه 1 bed room هو 600 فيما فوق علي حسب location .ما تنساش electricity and gas bills لان اخنا عايشين في تلاجه بمعني الكلمه ودول متوسطهم لشقه اوضتين خوالي 150 يورو each .وما تنساش الـــــ income tax وده 21% للعازب وبيقل للمتجوز وبيقل اكتر للي بيعول.
التعليم مجاني لحد livivng cert ودي شهاده زي ثانوي في مصر وبعد كده تعليم الجامعه بفلوس(the more quality education you want,the more money it will coast.
وبعدين هو اكيد رايح بحاجه اسمها work permit وده هيكون معاه الــ contract محد فيه ساعات العمل وعددها وقيمه الساعه والا السفاره مش هتديله التأشيره
ارجو ان اكون افدتك من خلال تجربه 11 سنه عيشه في الفريزر الكبير قصدي ايرلندا.
bemo,ire

الف شكر يا رجاله على مساعدتكم
بس سؤال اخير للاخ bemocarlo ... حضرتك كنت حتندم على عيشتك فى الفريزر الكبير ايرلندا لو كنت عايش فى مصر فى مستوى معيشى معقول ؟

**amrezzat82** · 16-12-2011 01:25 AM

طبعا يروح بدون تردد
حتى لو ما حوشتش أول سنة حتتعوض التانية لما تتأقلم على الظروف هناك و تلاقي كمان فرص أحسن
البلد مش غالية بالنسبة لدخول الفرد هناك يعنى لو قست حاجات هناك بهنا و بدخل الفرد حتلاقي هناك فى حاجات أرخص كمان و جودة أعلي بكتير
بالنسبة للغة لازم يتعود و يجتهد لأن اللكنات هناك مختلطة جدا و مش سهل تفهم أو تفهم اللى قدامك بس بالوقت حتتعود

و بعدين اصلا ما تعرفش تشتغل هناك إلا بتصريح عمل (صعب جدا جدا جدا و الفيزا بقت مقفولة كمان)
فأتكل على الله لأن الفرصة ما بتجيش مرتين أبدا

ده كانت خلاصة زيارتي لبلفاست فى ايرلندا الشمالية كانت رائعة

النسبة للمعيشة بتهيقلي حتعيش كويس بس مش حتحوش أوي يعنى على حسب مرتبك مثال لو بتاخذ متوسط 1200 استرليني
الأكل فى المطاعم متوسط من 5-10 استرليني حتى 30 أو 40 - السكن فى كل حاجة - الفندق 5 نجوم كان ب 99 استرليني طبعا فى أقل من كده كتير لو شقة أيجار
النت رخيص بهبل
الملابس أنظف من هنا و أرخص كتير (Online Grocery Shopping, ASDA Direct, George and more at Asda.com
متطلبات المعيشة اليومية تقربيا زي هنا ويمكن أرخص و جودة أفضل بكتير
ابحث شوية عن النت فى المنطقة اللى حتعيش فيها و أعرف الأسعار كويس
البنزين غالي شوية تقريبا ب 65 سينت اللتر 99 - بس العربيات رخيصة فحت
الاسكودا 2000الأستاشن نظيفة جدا ممكن تلاقيها ب 3000 استرليني (انا سألت هناك كتير عنها)
التاكسي هناك غالي شوية بس لو بتقيسه بمصارف البلد يبقى متوسط ( الكيلو بحوالي 1 استرلينى أو أقل شوية ) بس طبعا ارخصلك تجيب عربية

**أحمد كمال** · 16-12-2011 01:43 AM

عليا الطلاق الراجل قال دبلن - ايرلندا مش ايرلندا الشمالية

**khaled_sabry** · 16-12-2011 02:12 AM

المشاركة الأصلية كتبت بواسطة أحمد كمال

عليا الطلاق الراجل قال دبلن - ايرلندا مش ايرلندا الشمالية

هههههههههههههههههههههههه

**bemocarlo** · 16-12-2011 02:15 AM

المشاركة الأصلية كتبت بواسطة أحمد كمال

عليا الطلاق الراجل قال دبلن - ايرلندا مش ايرلندا الشمالية

ههههههههههههههههههههههههه هههههههههههه يابو كمال والله حرام عليك انا مش ادر ابطل ضحك .اضحك الله سنك
bemo,ire

**amrezzat82** · 16-12-2011 02:28 AM

المشاركة الأصلية كتبت بواسطة أحمد كمال

عليا الطلاق الراجل قال دبلن - ايرلندا مش ايرلندا الشمالية

المعيشة تقريبا زي بعد فى لندن أو ايرلندا الشمالية أو ايرلندا
قبل ما تقول أي حاجة و خلاص

**materna** · 16-12-2011 02:28 AM

منصحوش بالسفر اطلاقا لو ناوى يجيب فلوس ... هايرجع مداين
رايح على سبير التجربة .. يسافر ويشوف الدنيا
لية ؟ الدخل عالى .. المصاريف اكتر
هبسطلك بس عن طريق معرفتى بالولايات المتحدة ومجال تانى .. الصيدلة
ساعة الصيدلى فىحدود 40-50 دولار ( من حوالى 7-8 سنين مش عارف اية الاخبار الان )هتاخد مبلغ خرافى
تيجى يتخصم منة -ضرايب ( رقم وقدرة ..غير هنا خالص )- تامينات- مواصلات اوسيارة - سكن (خراب بيوت)-تامين سيارة لو موجودة
الحاجات اللى فاتت تلتين المرتب
ضيف الرفايع اكل -لبس -فسح .....الخ واطلع مداين اخر الشهر
يبقى هو فى البلاد دى منفضك بس مطمنك طول مانت هناك انة مامنك من كل ناحية( مامنلك العمل - العربية - السكن ...)
يبيقى الخلاصة رايح يقيم ويستقر على البركة
رايح يحوش نوب نوب ...نوب
نسيت اقولك ان الشغل هناك غير هنا خالص ...هناك مربوط فى الساقية( مفيش تصبح بالشاى ولا اللى يشيلك ولا مقريف ولا مستاذن ولا ولاولا.....الشغل شغل يا معلم
لو اتكلمنا عن دبلن اعتقد انها هاتكون اقل من كدة بكتير

**khaled_sabry** · 16-12-2011 03:01 AM

المشاركة الأصلية كتبت بواسطة amrezzat82

المعيشة تقريبا زي بعد فى لندن أو ايرلندا الشمالية أو ايرلندا
قبل ما تقول أي حاجة و خلاص

ياعم الراجل بيهرج .... take it eazyyyyyyyyyyyyyy

المشاركة الأصلية كتبت بواسطة materna

منصحوش بالسفر اطلاقا لو ناوى يجيب فلوس ... هايرجع مداين
رايح على سبير التجربة .. يسافر ويشوف الدنيا
لية ؟ الدخل عالى .. المصاريف اكتر
هبسطلك بس عن طريق معرفتى بالولايات المتحدة ومجال تانى .. الصيدلة
ساعة الصيدلى فىحدود 40-50 دولار ( من حوالى 7-8 سنين مش عارف اية الاخبار الان )هتاخد مبلغ خرافى
تيجى يتخصم منة -ضرايب ( رقم وقدرة ..غير هنا خالص )- تامينات- مواصلات اوسيارة - سكن (خراب بيوت)-تامين سيارة لو موجودة
الحاجات اللى فاتت تلتين المرتب
ضيف الرفايع اكل -لبس -فسح .....الخ واطلع مداين اخر الشهر
يبقى هو فى البلاد دى منفضك بس مطمنك طول مانت هناك انة مامنك من كل ناحية( مامنلك العمل - العربية - السكن ...)
يبيقى الخلاصة رايح يقيم ويستقر على البركة
رايح يحوش نوب نوب ...نوب
نسيت اقولك ان الشغل هناك غير هنا خالص ...هناك مربوط فى الساقية( مفيش تصبح بالشاى ولا اللى يشيلك ولا مقريف ولا مستاذن ولا ولاولا.....الشغل شغل يا معلم
لو اتكلمنا عن دبلن اعتقد انها هاتكون اقل من كدة بكتير

هو بالفعل مسافر علشان يجيب فلوس ... بس هو بيراهن على سعر اليورو
يعنى لو مثلا قدر يوفر 500 يورو فى الشهر (و اللى فهمته انه مش رقم عالى اوى هناك) ده يساوى بالمصرى فى حدود 3500 جنيه
بالاضافه الى خبره نادره فى الشغل تؤهله انه يشتغل فى اى حته لما يرجع من هناك
ياريت تقولنا رأيك برضه يا bemocarlo بالنسبه لجزئيه التحويش دى

**bemocarlo** · 16-12-2011 05:20 AM

المشاركة الأصلية كتبت بواسطة khaled_sabry

ياعم الراجل بيهرج .... take it eazyyyyyyyyyyyyyy

هو بالفعل مسافر علشان يجيب فلوس ... بس هو بيراهن على سعر اليورو
يعنى لو مثلا قدر يوفر 500 يورو فى الشهر (و اللى فهمته انه مش رقم عالى اوى هناك) ده يساوى بالمصرى فى حدود 3500 جنيه
بالاضافه الى خبره نادره فى الشغل تؤهله انه يشتغل فى اى حته لما يرجع من هناك
ياريت تقولنا رأيك برضه يا bemocarlo بالنسبه لجزئيه التحويش دى

لا يا خالد 500 يورو ايه ان مكانش يحوش علي الاقل 1500 يورو يبقي بلاها سفريه وده رأي الشخصي
اما انا مش بندم ان عايش في الفريزر الكبير بلد مش بطاله ولو انها اقل دول اوربا في الجمال وانا خلاص جتتي نحست من البرد واخدت عليه والحمد لله معايا باسبورها اقدر اروح اي حته انا عاوزها وربنا اكرمني ماديا مش الان قبل كده وقت الايام الحلوه يبقي اندم ليه صحيح انا مفتقد حاجات كتير في مصر بس هي الدنيا كده مش ممكن تأخد كل حاجه وبالتوفيق للي هيسافر واعتقد ان في اخ بعت لي رساله خاصه مش عارف هو انته ولا مين.
bemo,ire