المعيشه فى دبلن - ايرلندا

**khaled_sabry** · 15-12-2011 02:21 PM

السلام عليكم و رحمة الله و بركاته

نظرا لظروف عمل احد اصدقائى فى احدى الشركات العالميه توجد بعض المفاوضات المبدئيه للانتقاله للعيش في دبلن - ايرلندا
فهو يريد معرفه المستوى المعيشى هناك حتى يحدد على اساسا الراتب الذى سوف يطلبه
مع العلم بأن متوسط الدخل الذى كان يأخذه فى مصر 5000 جنيه
فهل يوجد من يستطيع مساعدته و امداده باى معلومات عن تلك البلد و متوسط الدخل هناك المقابل فى المستوى المعيشى لل 5000 جنيه فى مصر
مع خالص الشكر

**Land_Cruiser** · 15-12-2011 02:30 PM

بص حضرتك الحكومه الانجليزيه محدده الموضوع ده و حاطه حد أدنى للاجر لكل مهنه حسب المهنه و المسمى الوظيفى نفسها و سنوات الخبره و طبعا بيكون رقم محترم و لو هيعملولو. Workpermit بكده هيحصل على علاج و تعليم مجانى. هو بس المفروض يبدأ يسال علشان يعرف الحد الادنى كام لوظيفته قبل ما يطلب اى رقم و بالتوفيق

**أحمد كمال** · 15-12-2011 02:40 PM

المشاركة الأصلية كتبت بواسطة wshawky

بص حضرتك الحكومه الانجليزيه محدده الموضوع ده و حاطه حد أدنى للاجر لكل مهنه حسب المهنه و المسمى الوظيفى نفسها و سنوات الخبره و طبعا بيكون رقم محترم و لو هيعملولو. Workpermit بكده هيحصل على علاج و تعليم مجانى. هو بس المفروض يبدأ يسال علشان يعرف الحد الادنى كام لوظيفته قبل ما يطلب اى رقم و بالتوفيق

دبلن في جمهورية ايرلاندا يعني مالهاش دعوة لا بانجلترا و لا ببريطانيا ..... مش في ايرلاندا الشمالية اللي هي جزء من بريطانيا (و برضه الحكومة الانجليزية مالهاش دعوة بيهم لانهم تبع الحكومة البريطانية مش الانجليزية)

**أحمد كمال** · 15-12-2011 02:45 PM

المشاركة الأصلية كتبت بواسطة khaled_sabry

هو زميلى فى العمل ... و رايح على مسمى و ظيفى software development engineer
و الصراحه مش مكتوب فى الاوفر بتاعه نوع التعاقد
فمنين يقدر يسأل على الحد الادنى للراتب ؟؟ و هى ايرلندا تتبع انجلترا ؟؟؟

و سؤال اخير ... و انا شايف ان الانجليزي بتاعه عادى ( يعنى يفهم 90 % من الكلام اللى يتقاله و لا يستطيع الرد ببلاغه ) فهل انصحه باستمرار الاجراءات فى السفر على اساس انه سوف يتقن اللغه من التعامل هناك ؟؟

هو رايح ميكروسوفت غالبا من كلامك

جمهورية ايرلاندا (اللي فيها دبلن) لا تتبع انجلترا و لا بريطانيا

ايرلاندا الشمالية تتبع بريطانيا (و ليس انجلترا)

**أحمد كمال** · 15-12-2011 03:03 PM

المشاركة الأصلية كتبت بواسطة khaled_sabry

بالظبط ... هو مافيش شركة software غيرها هناك و لا ايه ؟؟
طيب برضه حضرتك ماقولتش متوسط المرتب اللى يطلبه كام ؟؟ (هو فى مصر كان بياخد 5000 جنيه )
و برضه بالنسبه للانجليزي اشجعه و لا اخليه يصرف نظر

لأ فيه بس SDE ده من ال titles المعروفة انها بتاعة ميكروسوفت :)

قل له يتوكل على الله و كام شهر و هيتكلم انجليزي احسن من اهلها :)

بالنسبة للمرتب انا ماعرفش حاجة عن تكلفة المعيشة هناك

**cameeron** · 15-12-2011 08:57 PM

Dublin Salary | Glassdoor
Is Ireland a good place to live? - Yahoo!7 Answers

**bemocarlo** · 15-12-2011 11:06 PM

انا عايش في ايرلندا وممكن اكلمك كلام عام علي مستوي المعيشه
انا مرتبي نزل 45% في rescission في حد ادني لساعه العمل وهي 8.65 يورو والحد الاقصي حسب نوع التخصص
مستوي المعيشه عالي ولا يناسب الحد الادني لساعه العمل بس الناس عايشه. social welfare قل وعمالين يستقطعوا منه.الاكل غالي بس لو هو مرتبه من 2000 الي 3000الاف يورو يبأي هيعيش كويس.اقل ايجار لشقه 1 bed room هو 600 فيما فوق علي حسب location .ما تنساش electricity and gas bills لان اخنا عايشين في تلاجه بمعني الكلمه ودول متوسطهم لشقه اوضتين خوالي 150 يورو each .وما تنساش الـــــ income tax وده 21% للعازب وبيقل للمتجوز وبيقل اكتر للي بيعول.
التعليم مجاني لحد livivng cert ودي شهاده زي ثانوي في مصر وبعد كده تعليم الجامعه بفلوس(the more quality education you want,the more money it will coast.
وبعدين هو اكيد رايح بحاجه اسمها work permit وده هيكون معاه الــ contract محد فيه ساعات العمل وعددها وقيمه الساعه والا السفاره مش هتديله التأشيره
ارجو ان اكون افدتك من خلال تجربه 11 سنه عيشه في الفريزر الكبير قصدي ايرلندا.
bemo,ire