asp.net
sql sever
sharepoint 2007 or 2010
السلام عليكم.
انا اتخرجت من تجاره انجليزي 2006 تقدير عام جيد و في خلال الصيف كنت بتدرب في بنوك و مره في ميناء الاسكندرية
بعد التخرج كنت بتدرب في بنك معلومات تبع الاكادمية البحرية حتى 7/2008 من غير فلوس عشان مكنتش لسسه عرفت موقفي من الجيش .
بعدين دخلت الجيش في 7/2008 و خلصت في 9/2009
اشتغلت بعد الجيش على طول في شركة طباعة في برج العرب محاسب عملاء كنت بنزل 6:30 الصبح و برجع 6 باليل مع ان كانت ايام متعبه جدا بس كنت حاسس ان ربنا راضي عني و الحمد للة خطبت زميلتي في الكلية في 11/2009و سبت الشغل في 2/2010
كان جالي مقابله في شركتي دلوقتي اشتغل مراجع مالي (انا اساسا بكره المحاسبه) و المرتب معجبنيش و مشيت بعده ب شهرين كلموني اجي اشتغل مسئول مشتريات خارجية Foreign Purchasing في اكبر شركة ماكينات حلاقة في الشرق الاوسط و افرقيا و اتجوزت في 2/2011 ( بعجد التنحي بيومين هههههه)
انا لسه خريج حقوق عين شمس بتقدير جيد جدا دفعه 2011 انا بصراحه مش بحب المحاماه بس قولت انزل اتدرب ف اى مكتب محامى بس الفكره ضاعت بسبب الجيش وانى خلاص داخل ف شهر واحد ان شاء الله بس قدمت دراسات عليا وقولت برده مش هضيع سنه من عمرى ع الفاضى والله الموفق وموضوع جميل وتتمزج فيه كثير من الخبرات ويارب يوفقنا كلنا لما فيه الخير ان شاء الله
اخوك خريج تجارة 2001 بس طول عمرى بحب اللغات والسياحة
وكان نفسى أطلع مترجم فورى او اشتغل فى فندق
وبما انى كنت كويس فى الانجليزى والفرنساوى قولت
وانا فى 4 كلية أزود لغة بس تكون مميزة ونادرة شوية
زودت إيطالى ( طبعا الكورسات كان مكانها الوحيد القاهرة وانا من المخلة )
يعنى ساعة ونص قطار رايح وزيهم رجوع مرتين فى الاسبوع لمدة 6 شهور
جالى فرصة عمل فى شرم فرد أمن قولت وماله مش مشكلة ونروح ندور على شغل تانى
وعن طريق واحد صاحبى لقيت شغل فى الحسابات مع انى مش بخبها بس اهو شغل
بس كنت الوحيد اللى ماسك مراسلات الشركة بالايطالى والانجليزى
بعد ما وصلت ايطاليا و تحديدا روما أخدت دورة إدارة فنادق فى الشيراتون لمدة 6 شهور بالتدريب
بتاعهم مع شغل 9 شهور وبعدين لقيت وظيفة فى انتركونتنتال فى الاستقبال لمدة 2سنتين
ومنها فتحت محل أنتيكات يابانى ( ومحدش يسألنى ليه ) وحاليا جنب المحل شغال فى فندق 5 نجوم
انترناشونال برده فى الاستقبال
الخلاصة
التعليم بتاعنا زفت ( يعنى بتتعلم علشان مجموعك جاب كدا )
عايز تشتغل حاجة بتحبها لازم تتعلمها بنفسك