الموضوع: احكيلنا عن تجربتك في الحياة الوظيفية و حققتها ازاي

بسم الله الرحمن الرحيم

بدايتى فى العمل بداءت من وانا فى الثانويه وكنت بحب اشتغل جدا واهلى كانوا رافضين الموضوع تماما علشان دراستى لكن بسبب اصرارى كانت بتوصل انى ازوغ من المدرسه علشان اروح اشتغل مع مهندس كان بيعمل صيانه للكهربا فى فندق الشيراتون وكنت باخد اجر عن اليوم 5 جنيه الكلام ده كان فى سنه 1997 بالنسبه للدراسه سقط فى ثالثه ثانوى وكان عقاب والدى ليا هو انى احول مسار للثانوى الصناعى لكن العند بقا خلانى اكمل فى الثانويه العامه من منازلهم وكنت بذاكر الصنايع والعامه فى سنه واحده وبفضل الله ربنا كرمنى ونجحت فى الاتنين بس طبعا كان فاضلى سنه فى الصنايع لان التحويل بيكون من سنه تانيه
فاكتفين بيها وقولت اكمل بالثانويه العامه والتنسيق رمانى فى معهد سنتين فى السويس واتفرغت للدراسه على امل انى اجيب مجموع واكمل اربع سنين لكن للاسف اخدت السنتين بتلاته وتقديرى مقبول فى الفتره دى من سنه 99 الى 2002 فتره المعهد اكتسبت خبره كبيره جدا من احتكاكى بالناس وخلال الفتره دى اشتغلت فى معرض لمصنع بلاستيك وكنت باخد فى الشهر 300ج وفاكر ان فى العيد الكبير صاحب المصنع عيد عليا ب1000ج ودى كانت اول 1000ج امسكها فى ايدى المهم بعد المعهد قولت اشوف الجيش ربنا كرمنى واخدت تاجيل 3 سنين ياعنى مافيش جيش ساعتها كنت شغال فى مكتبه بمرتب 250ج واول لما عرفت موقفى من التجنيد قولت اشوف بقا مستقبلى واشتغل وفعلا جالى شغل كسكرتير خاص عند شخصيه سياسيه مشهوره جدا وهنا كانت بدايت حياتى فعلا سنه 2003 ومرتبى كان 300ج ومن تانى شهر كان مرتبى 350ج غير المكافاءت وساعتها ايقنت ان العلاقات اهم حاجه فى الدنيا علشان توصل للانت عاوزه واللى بيساعدك على كده هى شخصيتك وانا الحمد لله بطبعى كنت بحب الشغل واتعرض عليا شغل كتير وانا كنت برفض وساعتها قررت انى اكمل اللى ناقصنى وهو انى اخد بكالريوس بدل معهد سنتين قدمت فى معهد من سنه تانيه وربنا كرمنى واخدت ال3 سنين بنجاح وحصلت على بكالريوس نظم فى سنه 2006 ساعتها قررت انى اشتغل لحسابى ومجهودى يكون لنفسى

ودى كانت نقله كبيره فى حياتى لما قررت انى اشتغل فى مجال السيارات اتعرفت على واحد كان عنده معرض وبيبيع وبيشترى لحساب الغير وانا كان عندى علاقات اتفقت معاه اننا ندخل فى مجال ايجار السيارات وبالفعل بداءنا نجيب عربيات من ناس ونشغلها وفى خلال سنه ربنا كرمنا انا وهو وكنا بنشغل 23 عربيه وبعد ما كان فى عامل بوفيه واحد اصبح عندنا 12 سواق وسكرتيره ومحاسب ومحامى وفتحنا فرع تانى وامتلكت اول سياره موديل السنه وهو كمان واصبحنا لينا اسم فى كبير فى المجال ده وفى سنه 2008 لما فتحنا فرع فى الغردقه وبعدنا عن بعض بدات المشاكل وبدات نهايه مشروعنا وانفصلنا واتوفى والدى ونفسيتى تعبت جدا وكانت سنه من اسواء السنين اللى شوفتها وهى بدايت 2008 ولانى ايقنت ان احنا اللى بنصنع حياتنا قررت انى اغير حياتى واتدربت فى بنك لمده شهرين وسيبت ورقى هناك وفى شهر 7 ربنا كرمنى واتجوزت وبعد اول اسبوع جانى تليفون علشان امضى عقد سنه فى البنك وكان مرتب كويس والحمد لله بفضل الله حاليا عندى طفلين وفى انتظار قرار تعيينى فى البنك خلال الايام الحاليه