هو انا كدا صح ولا غلط فى تعاملى مع مستاجر الشقه

**احمد المصرى** · 15-12-2011 02:26 PM

السلام عليكم

القصد ان انا عندنا شقه فى الهرم باجرها حاليا هيا فيها مجموعه من الطلبه المحترمين بس مشكلتهم فى دفع الايجار لازم كل شهر اكلمهم بتاع 30 مره والفلوس نقصه والفلوس لسه هتيجى بالبريد وقصه وحوارات المهم انا بعاملهم بطريقه نشفه لحد كبير يعنى الفلوس نقصه هتيجى امت طيب علشان انا عايز الايجار

فى العيد واحد فيهم بعتلى رساله مباركه على العيد حلقتله علشان مش عايز ندخل فى موضوع الاصحاب علشان يكون فى خط احمر فى التعامل

مش عارف انا كدا صح ولا غلط ان بكون احيانا كتير او دائما قليل الذوق معاهم

**yascro** · 15-12-2011 02:49 PM

اوعى تكسر الحاجز اللى بينك وبينهم

**tameraast** · 15-12-2011 03:03 PM

انت كده صح لسببين

انت مش فاتحها سبيل

ده حقك

لو اتصاحبتو هتتكسف

**احمد المصرى** · 15-12-2011 04:35 PM

والله يا شباب انا كنت خايف لكون ظالم او مفترى بس فعلا المشكله دى كل شهر بجد بقت حاجه تخنق بجد

**احمد المصرى** · 15-12-2011 11:58 PM

فين باقى الاراء يا شباب محتاج اعرف رايكم ايه يا شباب

**احمد المصرى** · 16-12-2011 12:20 AM

حضرتك فعلا يا مدام نور كنت فاكر انى قريت موضوع لحضرتك مع مشكله مشابهه بس المصيبه فعلا انى بحس انهم عايزين الشقه ايجار وواجب عليا انى ادفعلهم فلوس كمان ولما اطلب الايجار بكون قليل الادب والله حاجه تجنن الواحد مش عارف فين الصح وفين الغلط والله الواحد يقفل الشقه ويريح دماغه من وجع القلب دا

**HOSSAM99** · 16-12-2011 05:34 AM

و عليكم السلام و رحمة الله و بركاته

اللي عملته هو الصح يا أستاذ احمد و متتهاونش في مسمار نقص من الشقه
و المرحله العمريه اللي حضرتك بتتعامل معاها مهما كان أدبهم و أخلاقهم و أمانتهم إلا إنهم لو تساهلت هايصرفو الفلوس و مش هايجيبوها

أي حد بيأجر لطلبه بيعمل كده

و حاول تخلي طلب الإيجار مره واحده فقط

و دا لا يمنع التعاطف الداخلي معهم ... لكن التعاطف ميوصلهمش أبد