فى سيارتى إنذار وإيموبيليزر .... أتكل على الله وأنام وأنا مطمئن ؟

**Zazoksh** · 15-12-2011 03:20 PM

زائى مشرفى وأعضاء المنتدى الكرام

تحياتى للجميع والشكر الجزيل لما تبذلونه من جهد فى توعيتنا وإرشادنا بما فيه المصلحة لنا جميعاً .

بداية .. لقد قمت بحجز برتون بيرسونا 2012 كاملة الكماليات (والكمال لله وحده فقط) وذلك بعد فترة حيرة تتجازز 3 شهور لإختيار سيارة تتناسب مع القيمة المدفوع فيها .

ولقد إنتهى قرارى إلى إختيار البيروسونا لما لمسته فى هذه السيارة من قوة وإمكانيات يؤهلها لكى تتقدم على كافة الماركات الأخرى من السيارات التى تنتمى إلى فئتها وهى تحديداً بدون ترتيب كما يلى:
شيفروليه / أوبترا
هيونداى / أأكسنت الأر بى
كيا / سيراتو
نيسان / صنى

وذلك لما تمتاز به السيارة من عوامل أمان قلما تتواجد فى مثل فئتها ... وإن تواجدت يكون ذلك على حساب تزايد القيمة (الغير مبرر من وجهة نظرى) .

سؤالى لجميع الأخوة الأفاضل:

هل وجود إنذار فى السيارة + نظام إيموبيليزر فى المفتاح يجعلنى أتكل على الله وأنام وأنا مستريح البال على السيارة ؟ ولو بدرجة أعلى نسبياً ؟

أم أن تلك الأنظمة يمكن تخطيها بكل سهولة من جانب سارقى السيارات ؟

هل الموضوع يستحق عمل بوليصة تأمين بكامل قيمة السيارة (على الأقل لمدة سنتين قادمتين) ؟

مع أطيب تمنياتى القلبية للجميع بالصحة والسعادة ،،،

Zazoksh - Cairo, EGYPT

**alaa7sh** · 15-12-2011 03:28 PM

نام وارتاح
عن نفسي لما بركن جينا في الشارع ببقي سايبها وعارف ان مستحيل حد هيفكر يسرقها. ولو فكر يسرقها أصلا مش هيعرف :))
عشان كدة أنا مطمن
اللي يقلق بس. ان عيل يخربشها أو تتوسخ . او عربية تفادي تانية و تخبطني. وكدة يعني
اطمن :)

**Zazoksh** · 15-12-2011 03:41 PM

عزيزى/ alaa7sh

خالص الشكر والتقدير

طمنت قلبى .. الله يخيك ... دلوقتى الواحد يتكل على الله وينام وهو مطمئن ... وإنشاء الله بعد إستلام السيارة حا أشترى لها غطاء علشان يبقى الواحد كده يحافظ عليها .

مع أطيب تمنياتى القلبية للجميع بالصحة والسعادة

Zazoksh - Cairo, EGYPT

**احمد المصرى** · 15-12-2011 03:43 PM

مفيش عربيه يا شباب مش بتتسرق لا قدر الله الواحد بيعمل ال عليه علشان يبق عمل ال عليه وسايب الموضوع كله فى ايد ربنا وربنا هو الحافظ حتى لو سايبها مفتوحه بالكامل

انت ممكن تركب كتاوت فصل بس برضوا ارجع واقول دى عربيه لسه زيرو بس ممكن تركبهم فى التوكيل

والحل الاخر انك تجيب قفل تركسيون محترم وانت تركنها فى مكان امن وسيب الموضوع على ربنا

وربنا يحفظها من كل سوء ويعطيك خيرها ويكفيك شرها

**aminibrahim** · 15-12-2011 03:53 PM

المشاركة الأصلية كتبت بواسطة medododo

تنام
ده علي اساس
ان البي ام والمرسيدس مبيتسرقوش
دي كلها وسائل تعطيل والحافظ هو الله

**Zazoksh** · 15-12-2011 03:55 PM

عزيزى/ أحمد المصرى

خالص الشكر والتقدير ،،،

صدقت والله .... هل سيادتك تقصد بقفل الدركسيون ذلك النوع المتصل بين الدركسيون ودواسة البنزين (لا يوجد دواسة دبرياج ... حيث أن السيارة أوتوماتيك) ... أم تقصد قفل طارة الدركسيون بمفردها ؟

عزيزى/ medododo

خالص الشكر والتقدير ،،،

كما قلت سيادتك: الحافظ هو الله ... وإحنا نعمل إللى علينا علشان ضميرنا يبقى مرتاح

مع أطيب تمنياتى للجميع بالصحة والسعادة ،،،،،

Zazoksh - Cairo, EGYPT

**Elawany13** · 15-12-2011 04:08 PM

الأمان المطلق ... اسطورة لا يمكن تحقيقها على أرض الواقع
إحنا بنعمل اللى علينا بقدر الإمكان
والحافظ هوه الله

**Nistelrooy** · 15-12-2011 04:16 PM

اولا الف مبروك وربنا يعطيك خيرها ويكفيك شرها ...

حاول تشوف جراج قريب من بيتك .. بس المفتاح ماحدش يمسكة غيرك :)
او لو عندك مكان تحت البيت .. خلاص .. القرار لك ..

-

الموضوع: فى سيارتى إنذار وإيموبيليزر .... أتكل على الله وأنام وأنا مطمئن ؟

LinkBack

أدوات الموضوع

عرض

-

-

-

-

المواضيع المتشابهه

لاند روفر 2000 سى سى و أتنين تكييف و جميع الكماليات أتكل على الله ولا أصبر ؟

لاند روفر 2000 سى سى و أتنين تكييف و جميع الكماليات أتكل على الله ولا أصبر ؟

قدر الله و ما شاء فعل حادثة سيارتى البورا

لانسر والعضو محمد عبد الله وأنا

ازاي اخد قراري وأنا مطمئن

الكلمات الدلالية لهذا الموضوع

المفضلات

المفضلات

ضوابط المشاركة