الموضوع: عبقرية سواقين ميكروباصات المقطم

المشاركة الأصلية كتبت بواسطة SYD

بلغهم تحياتي
وياريت ينقلوا التجربة في باقي مناطق العاصمة

والله المستعان
،
،

+1

والله احنا يجى مننا بس المشكلة فى العشوائية اللى فينا وصعوبة الحصول على اكل العيش اللى مخلى الناس معندهاش وقت تفكر فى حلول لمشاكلها بوجة عام لكن لما مشكلة جت على اكل العيش كلة وقف وقال لازم نحلها
يا رتى لو كل واحد خد حقة فى البلد دى حتتعدل احوالها ممكن اة
الدليل على كدة بعد الثورة الناس معظمها كانت ملتزمة لانهم حسوا ان عهد الظلم انتهى وابتدى عصر جديد من العدل والمساواة بين الناس

ياااااه اخيرا بقى فيه سلوك ايجابى بالشكل ده .. برافو عليهم والف شكر ليك لنقل التجربة دى اللى اسعدتنا جدا

المشاركة الأصلية كتبت بواسطة dolly13

ياااااه اخيرا بقى فيه سلوك ايجابى بالشكل ده .. برافو عليهم والف شكر ليك لنقل التجربة دى اللى اسعدتنا جدا

فعلا..الشعب المصري دا عجيب..اوحش ما فيه ممكن يبقى احسن مافيه

المشاركة الأصلية كتبت بواسطة a.saad

اذا كانت العصابات بتنظم نفسها
يبقى اى افراد فى تجمع ممكن ينظموا انفسهم

الدور علينا احنا بقى

المشاركة الأصلية كتبت بواسطة mohamed_refaat

والله احنا يجى مننا بس المشكلة فى العشوائية اللى فينا وصعوبة الحصول على اكل العيش اللى مخلى الناس معندهاش وقت تفكر فى حلول لمشاكلها بوجة عام لكن لما مشكلة جت على اكل العيش كلة وقف وقال لازم نحلها
يا رتى لو كل واحد خد حقة فى البلد دى حتتعدل احوالها ممكن اة
الدليل على كدة بعد الثورة الناس معظمها كانت ملتزمة لانهم حسوا ان عهد الظلم انتهى وابتدى عصر جديد من العدل والمساواة بين الناس

تحليل رائع

تعليقي عالموضوع متأخر شوية على ما شفته

نظرا لاني من راكبات ميكروباص المقطم يوميا رغم امتلاكي سيارة
لعدم سماح زوجي لي ركوبها نظرا للحالة الامنية ولاني حديثة القيادة
وردود افعالي لاي موقف ممكن اتعرضله هتبقى بطيئة
المهم
طبعا الفكرة شيطانية مش عبقرية
رغم انها كانت بتفرج على ناس كتير بدل ما يمشوا مسافة كبيرة ولا يركبو كذا مواصلة
كان في ميكروباصات بتحمل من عند البيباني
ومن عند كهرباء القلعة
ومن اول كوبري السيدة عائشة
ومن عند مطلع المقطم
ومن حلوان كمان
والله اعلم منين تاني
وكانت بتسهل على الناس ماليش دعوة انا بكارتة ولا كلام من دة
اول ما الموضوع دة اتعمل كانوا بيبقى واقف بتاع 20 واحد يتلموا عالميكروباص يوقفوه
ياخدو منه حق العربية كلها ولو بلط معاهم ياخدو 6 ياخدو 3 على حسب بلطجة السواق
لو ما رضيش ينزلوا الناس والعربية مش طالعة
وينزلوا فيه ضرب وشتايم من اللي ما تقدرش تسمعه
لحد ما خلاص الناس اخدت عالوضع وبطلوا يقفوا
وفي مرة ركبت من المطلع والسواق قال هاخد 2 جنيه واحد ليا وواحد للكارته
اخدوا منه الفلوس وبقو مبسوطين ويقولوله ياللي خيرك مغرقنا
ومن ساعتها لو وقفت في المطلع باخد تاكسي على طول بلا وجع قلب
دي القصة الحقيقية والكاملة لعبقرية سائقي ميكروباص المقطم

نسيت اقول لكم
دلوقت عملوا لنفسهم دروة خشب ودكة ونصبة شاي
لزوم الشتا والبرد يعني
هههههههههههههههه

الشعب بذرته طيبة
بس فوق البذرة دي طبقات و تكلسات و عفار
إن شاء الله الأفضل جاي