ناوى اشترى ياريس الاسبوع دة ياريت تفيدونى

السلام عليكم ورحمة الله وبركاتة
انا ناوى انشاء الله اشترى ياريس
ياريت اعرف اشتريها منين
وعايز اعرف اية هو احسن لون فى الياريس اللى يظهر جمال العربية اكتر
وعايز اعرف اية الفرق بين الفول اوبشن والهاف اوبشن
وكمان اجيبها مانيوال ولا اتوماتيك
ياريت اعرف انهى اللى احسن لان انا بحب العربيات اللى بتجرى وبحب السرعة
فاعايز اعرف المانيوال احسن فيها ولا الاتوماتيك وكمان هل العربية دى بتجرى ولا ماتستحملش وابعد عنها
وعايز اعرف اية هى السرعة القصوى للعربية وادائها وثباتها فالسفر البعيد 350 كليوا او اكتر هل تستحمل ولا لا
وياريت اعرف العربية واسعة ولا لا وكمان بالنسبة لل 1300cc هل فالسفر البعيد مع تشغيل التكييف العربية بتتأثر لان طبعا احنا فالصيف والجو نار يعنى واستحالة اسافر سفر بعيد من غير تكييف
ياريت تجاوبونى لان انشاء الله احتمال اجبها الاسبوع دة

أولا اهلا بيك معانا و الف مبروك مقدما:)

اقتباس:

---

ياريت اعرف اشتريها منين

---

اشتريها من التوكيل حتحجزها و لو موجوده حتستلمها علي طول
التوكيل في العباسيه قريب من اداره مكافحه المخدرات .
و انا عن نفسي جايبها من موزع معتمد و ذوق جدا في عباس العقاد تحت مستشفي مش فاكر اسم المعرض ايه
بس مدير المعرض اسمه الاستاذ خالد و دا رقمه اتصل اسال عنده
0106347989

اقتباس:

---

وعايز اعرف اية هو احسن لون فى الياريس اللى يظهر جمال العربية اكتر

---

البترولي و الفيراني و النبيتي احلي الوان و بالترتيب.
بلاش الاخضر و الدهبي الوانهم وحشه فعلا.
عندك كمان اسود و كحلي و ابيض .
بس احلي الوان اللي كاتبهالك فوق.

اقتباس:

---

وعايز اعرف اية الفرق بين الفول اوبشن والهاف اوبشن

---

سواء في المانيوال او الاتوماتيك
الفول اوبشن بيزيد سنتر و ريموت و زجاج كهرباء و فرش الباب لونين و كرسي السائق بيعلي و يوطي و الكرسي الخلفي قابل للطي و به مسند وسطي..
الفول اوبشن اتوماتيك بس بتنزل بسبويلر.
الهاف اوبشن و الفول اتوماتيك بس بيبقي فيهم abs .ebd
فيه موديل ب 108 فول اوبشن اتوماتيك بجنوط و فوجات .

اقتباس:

---

وكمان اجيبها مانيوال ولا اتوماتيك

---

انت و راحتك و سحب الاتنين حلو انا ركبت الاتنين و سحبهم ممتاز مع تميز بسيط للمانيوال لكن مش الفرق الرهيب.

اقتباس:

---

وعايز اعرف اية هى السرعة القصوى للعربية وادائها وثباتها فالسفر البعيد 350 كليوا او اكتر هل تستحمل ولا لا

---

ادائها جميل جدا و تستحمل السفر و بتجري و فيه ناس بتشكك في ثباتها بس انا جربتها ل 170 و لا حاسس بحاجه .
مشكلتها ان عفشتها ضعيفه شويه مش زي الكورولا لكن برضه عربيه ممتازه.
وياريت اعرف العربية واسعة ولا لا وكمان بالنسبة لل 1300cc هل فالسفر البعيد مع

اقتباس:

---

تشغيل التكييف العربية بتتأثر لان طبعا احنا فالصيف والجو نار يعنى واستحالة اسافر سفر بعيد من غير تكييف

---

التكييف مش بياثر
مره روحت بيها الطور و جيت في نفس اليوم بالضبط 1010 كيلو!!
و انا راجع الساعه 2 الضهر في الحر و جو سينا و مشغل التكييف لحد ما وصلت القاهره يعني حوالي 400 كيلو كده و مافيش اي تاثير لا سخونيه و لا ضعف سحب و لا اي شئ.
و كان حر فظيع يوميها.
ارجو ان اكون قد افدتك:)

شكراً جداً ياباشا لاكن عايز اعرف هو السبويلر بيفيد العربية فى حاجة ولا هو شكل وبس ؟؟؟
وانا انشاء الله حاطط فى بالى اللون السيلفر او الاسود ياريت اعرف اى واحد اجمل بالظبط للعربية
لان اللونين دول انا بحبهم جداً

السبويلر بيدي شكل حلو
و لو معمول بهندسه بيزود ثبات العربيه.
.....................
بلنسبه للون حط البترولي في اختياراتك.
اللونين حلوين بس الاسود بيخلي العربيه صغيره اوي
بدون تحيز احسن لو يدي برستيج للياريس هو الرمادي.
و احسن لون بلا استثناء فيها هو البترولي

اقتباس:

---

المشاركة الأصلية كتبت بواسطة body

السلام عليكم ورحمة الله وبركاتة
انا ناوى إن شاء الله اشترى ياريس
ياريت اعرف اشتريها منين

---

من الاخر من التوكيل أو من أى موزع معتمد للتوكيل

اقتباس:

---

المشاركة الأصلية كتبت بواسطة body

وعايز اعرف اية هو احسن لون فى الياريس اللى يظهر جمال العربية اكتر

---

البترولى - الفضى

اقتباس:

---

المشاركة الأصلية كتبت بواسطة body

وعايز اعرف اية الفرق بين الفول اوبشن والهاف اوبشن

---

الفول اوبشن بيزيد
1- سنتر لوك
2-ريموت كونترول
3- زجاج كهرباء
4- كرسي السائق بيعلي و يوطي
5- الكرسي الخلفي قابل للطي و به مسند وسطي..
6- سبويلر للأتوماتيك
7- ABS فى الأتوماتيك

اقتباس:

---

المشاركة الأصلية كتبت بواسطة body

وكمان اجيبها مانيوال ولا اتوماتيك

---

دى ترجعلك إنت

اقتباس:

---

المشاركة الأصلية كتبت بواسطة body

ياريت اعرف انهى اللى احسن لان انا بحب العربيات اللى بتجرى وبحب السرعة
فاعايز اعرف المانيوال احسن فيها ولا الاتوماتيك وكمان هل العربية دى بتجرى ولا ماتستحملش وابعد عنها

---

المانيوال احسن من الاتوماتيك فى الشد و العربية بتستحمل جرى

اقتباس:

---

المشاركة الأصلية كتبت بواسطة body

وعايز اعرف اية هى السرعة القصوى للعربية وادائها وثباتها فالسفر البعيد 350 كليوا او اكتر هل تستحمل ولا لا

---

أنا جبت بيها 185 كم/ساعة و عربتى أتوماتيك و كنت مسافر و مشغل التكييف و العربية فيها شنط و قاعد فيها 3

اقتباس:

---

المشاركة الأصلية كتبت بواسطة body

وياريت اعرف العربية واسعة ولا لا وكمان بالنسبة لل 1300cc هل فالسفر البعيد مع تشغيل التكييف العربية بتتأثر لان طبعا احنا فالصيف والجو نار يعنى واستحالة اسافر سفر بعيد من غير تكييف
ياريت تجاوبونى لان إن شاء الله احتمال اجبها الاسبوع دة

---

العربيو واسعة و التكييف مابيأثرش على العربية

تويونا الياريس فعلا حلوه بس صغيره يعني المنول الي فاضي با 85 الف والفول ابشن با 92 والاتوماتك الفاضي با 94 والفوا ابشن با 100الف لكن الهوندا سيتي احلا واكبر والصيانه افضل ومش منتشره بعكس الياريس الهوندا المانول فول ابشن ب85الف والاتوماتك فول اوبش ب89 والشكل الهوندا باكتساح غير المساحه الداخليه وانقه التابلوه

اقتباس:

---

تويونا الياريس فعلا حلوه بس صغيره يعني المنول الي فاضي با 85 الف

---

تصحيح بسيط الهاف اوبشن ب 88 حاليا مش 85 :)

اقتباس:

---

والفول ابشن با 92

---

بقت ب 94

اقتباس:

---

والفوا ابشن با 100الف

---

ب 103 الف :):)

مبروك مقدما ربنا يبارك لك فيها ويكفيك شرها وتستخدمها فى الخير دايما إن شاء الله

ايه ده مافيهاش اير باج

جميع موديلات الياريس سواء مانيوال او أتوماتيك فيها إير باجز سواء كاملة او نص كماليات.

اقتباس:

---

المشاركة الأصلية كتبت بواسطة goodwave

جميع موديلات الياريس سواء مانيوال او أتوماتيك فيها إير باجز سواء كاملة او نص كماليات.

---

معلش يا goodwave ايرباج للسائق فقط ولا الاثنين

Air bags for 2

جميع موديلات الياريس فيها 2 إيرباجز

i am going to buy 1 yaris ...any points i should take care about it. thank you

ألاخ الكريم / حازم خضر
أشكرك بشدة على ثقتك الغالية
خالد كمال
تويوتا عباس العقاد

ألأخ الكريم / حازم خضر
أشكرك بشدة على ثقتك الغالية
خالد كمال
تويوتا عباس العقاد

شكرا للأستاذ kazem_khidr
انا اشتريت الياريس كاملة مانيوال من أ خالد موزع تويوتا بناء علي نصيحته في المشاكة دي وهو راجل في منتهي الامانة وباعلي بالعر القديم لانها باقية من الدفعة اللي فاتت بسعر 92000
وانا والله لا تربطني بيه معرفة او مصلحة بس حبيت اعرف الاعضاء ان لسه فيه تاجر أمين وموبايله 0106347989

اقتباس:

---

المشاركة الأصلية كتبت بواسطة khkhkh23

ألاخ الكريم / حازم خضر
أشكرك بشدة على ثقتك الغالية
خالد كمال
تويوتا عباس العقاد

---

واضح من الرد ده ان حضرتك الاستاذ خالد
و انضمامك للمنتدى شرف كبيير و اكيد هتفيد الاعضاء فى حاجات كتيير
و اهلا بيك فى نايل موتورز

اقتباس:

---

المشاركة الأصلية كتبت بواسطة khkhkh23

ألأخ الكريم / حازم خضر
أشكرك بشدة على ثقتك الغالية
خالد كمال
تويوتا عباس العقاد

---

أ خالد

لوممكن تقولنا سعر الياريس الاوتوماتيك الكامله ؟؟

وشكرا جزيلا

what is the difference between lancer 1300 and yaris
please i need more data about them