:S_thum1[1]:اخيرا استلمنا البرسونا 2012 اوتوماتيك امبارح الحمد لله
عرض للطباعة
:S_thum1[1]:اخيرا استلمنا البرسونا 2012 اوتوماتيك امبارح الحمد لله
الف مبروك وربنا يبركلك فيها نرجو تقرير عن العربية والصور العربية
ألف مليون مبروك ربنا يكفيك شرها و يباركلك فيها ويجلعك كل خطوة في طاعتة ان شاء الله , في اخبار عن الجين 2 ؟ انا حاجز ولسة مستلمتش , هما كلموك علي التليفون ؟
ألف ميروك يا باشا و ربنا يباركلك فيها و يكفيك شرها
معلش سؤال إنت كنت حاجز من إمتى
و إستلمت جواب المرور و لا لسة
الف مبروك وربنا يكفيك شرها ويعطيك خيرها باذنه تعالى
بس لى سؤال صغير هى موديل 2011 ولا 2012والله يحفظك ومبروك
مبروك يا أسامة
ربنا يديك خيرها ويكفيك شرها يا رب
أنتم السابقون ونحن اللاحقون بأذن الله
أنا حاجزها ولم أستلم حتى الآن ... كله بأمره إنشاء الله
وطبعاً حضرتك مشغول بعروستك الجديدة البيرسونا ...
بس برضة أكيد شوية كدة وحا ترد على أسئلتنا ... مش كدة ولا أيه ؟
تهانينا القلبية لك ولجميع أعضاء المنتدى ،،،
مع أطيب تمنياتى للجميع بالصحة والسعادة ،،،،،
Zazoksh - Cairo, EGYPT
الله يبارك فيكو وعقبالكم قريب ان شاء الله وبالنسبه للتقرير ان شاء الله في اقرب فرصه لمل افضى شويه وارخص انا شوفت جين 2 في فرع مدينة نصر و كانو بيوضبوها عشان يسلموها لكن هناك قاللولى ان مش كل العربيات طلعت من الجمرك
انا كنت حاجز من شهر 9 اللي فات وقاللولي انهم بيسلمو باولويه الحجزولسه ماخدتش جواب المرور ولا العقد انا ماشى بنمر تجاريه ووصل بتمن العربيه والعربيه موديل 2012
هما كلموني على الموبيل بس انا كنت كل شويه اتصل بيهم عشان اسرعهم شويه واستعجلهم واخر مره اتخانقت معاهم عشان التاخير والعربيه مبدئيا جميله جدا بسم الله ماشاء الله وفخمه من جوه ماكنتش متوقع انها تكون كده بس الحمد لله طلعت بروتون عند حسن الظن وقريب ان شاء الله حاكتب كل حاجه عنها والعربيه تستاهل ان الواحد يتشبث بيها وينتظر لحد مايستلم ان شاء الله
معلشى يا باشا انا نفسى أفهم موضوع النمر التجارية إنت بتجيبهم منين و سعرهم كام
الف مبروك يا ترى الكامله اللى ب 95 ولا هيا غليت عن كده ولا انهى فئة
السلام عليكم
الله خيرا حافظا وهو ارحم الراحمين
وبارك الله لك
معلش يا باشا انتا بتقول كنت حاجز من شهر 9 واستلمت دلوقتى فى 12 يا نهار ابيض .. دنا كنت رايح بكرة التوكيل عشان
احجز بس كنت عامل حسابى انى حستلم مثلا بالكتير شهر 1 ياريت تقولوى الحقيقه عشان متصدمش
الف مبروك يا كبير
بالنسبه للنمر التجاريه انا اتفقت مع ا.مروان انه يجيبلى النمر ده و ب 80 جنيه في اليوم وبيديك الرخص بتاعتها وانت بتستلم العربيه والعربيه اوتوماتيك فول اوبشن ب 94900 جنيه
بالنسبه للحجز لو هم ماعندهمش عربيات زياده ستوك يعنى يبقى انت حتضطر تستنى ال3 شهور دول عشان تستلم بس العربيه الصراحه تستاهل انك تستناها
الف مبروك انا كنت عايز اعرف لونها ايه وايه اخبار اللون البرونزي
لونها سيلفر وبالنسبه للون البرونزى جميل جدا عليها وشيك اوى الصراحه اصل شوفت واحده برونزي كانو بيحضروها عشان يسلموها لما روحت استلم عربيتى وكان البرونزى عاجبنى اوى لدرجه انى كنت عايز ابدل واخدها بدل الفضى بس طبعا ماوفقوش وده كلها ازواق وقاللولي في التوكيل انه مش نازل منها غير 3 عربيات بس المره ده
ألف مبروك و ربنا يباركلك فيها و فى انتظار تقييم للسيارة ان شاء الله
رخصت العربيه امبارح والحمد لله خلصت على طول اخدت حوالى نص ساعه او ساعه الا ربع وكنت مركب النمر الجديده لو حد عنده سؤال فى الترخيص يقولو وانشاء الله اجاوبو
بالنسبه للتقييم انا ماليش اوى فى تقييم العربيات لكن على اد معرفتى بالعربيات العربيه مبدئيا كويسه جدا بس اللى مدايقنى فيها حاجه واحده المدى الصغير للدريكسيون بس
ياريت ياباشا تقولنا ترخيص 3 سنين بكام
الف مبروك يا باشا انا المفروض علي كلام عز العرب استلم اول الأسبوع القادم بس ممكن يا باشا اعرف الترخيص اتكلف كام بالضبط عشان اعمل حسابي
يعني ايه مدي الدركسيون صغير
بص ياسيدى التامين الاجبارى ب320 والورق من الخزينه ب 45 والضريبه والمصاريف ب 805و الطفايه ب121والبقشيش ممكن تدفعه او لا ب80يعنى كله1290 بدون البقشيش وخلى معاك فكه وانت رايح عشان ماتدفعش بقشيش كتير انا كده اعتبر دافع بقشيش كتيرممكن يكون اقل كتير بس انا مكانش معايا فكه فكنت بدفع كتير
طبعا ده ترخيص 3 سنوات ومدى الدريكسيون صغير يعنى لما تحود الدريكسيون يمين او شمال تجيب اخره بسرعه وده بيبان اوي لما تيجى تركن فيه عيب تانى اكتشفته وهو ان لما بجيب على الn المفتاح مابيطلعش من الكونتاكت وده بيخليك تضطرتعملها على الp عشان المفتاح يطلع من الكونتاكت وده بتخلى العربيه مش ممكن حد يزقها عشان يوسع لنفسه فعمرك ماتقدر تركن صف تانى او تقفل على حد فى الركنه
الف شكر يا ريس بس ليا سؤال وانا ان شاء الله باستلم ايه الحاجالت اللي ابص عليها وايه المرفقات اللي مع العربية وكمان وانت بترخص كنت لوحدك ولا معاك مندوب من عز العرب
معلهش انا اسف على التاخير انا كنت لوحدى وانا برخص وشيك على كل حاجه وانت بتستلم واللى بيسلمك عموما حيجربلك كل حاجه جوا العربيه التكييف والكاسيت وخاللى معاك cd عشان تجرب مشغل الاسطوانات ولو معاك فلاشه يبقى تمام بردهوتجرب الانوار والاشارات والwaiting وبتستلم شنطه جلد فيها العده اللى مع العربيه وفيه الاستبن والكوريك ودواسات قماش وكتاب الضمان وكتاب التعليمات وكتاب التعليمات بتاع الكاسيت ووصل بتمن العربيه لحد مايسلموك العقد والافراج الجمركى ومفتاح واحد بس والتانى لما بتستلم الافراج برده
الف شكر ربنا يكرمك ادعيلي استلم بقي
معلش هو كتاوج العربية فيع لغة عربية ولا لأ
عزيزى/ hesham1978mmmm
كتالوج السيارة يتضمن اللغة العربية واللغة الإنجليزية
مع أطيب تمنياتى للجميع بالصحة والسعادة ،،،،،
Zazoksh - Cairo, EGYPT
الف شكر يا باشا وميرسي للأهتمام
انا لما رخصت المندوب الي طلع معايا دفعني 150 وقالي دي مصاريف شهادة البيانات والافراج من مرور الجيزة هل الكلام صحيح ولا لا
الكلام ده صح هم اتصلوا بيه وقاللولى يخلصولى الافراج الجمركى ويسلمهولى ولا اروح انا اخلصو من مرور الجيزه ومصاريف تخليص الورق ب 150 وانا طبعا عشان معدش الف على الورق خليتهم يخلصوه هم
عملنا صيانه الالف امبارح الحمد لله
الف مبروك عملتها في التوكيل ولا عصام وصفا
عملناها في الصحراوى والناس هناك كانو كويسين اوى مش عارف الناس بتشتكى منهم ليه الصراحه انا كان ميعادى الساعه 9 ورحت الساعه 10 واستلمت العربيه الساعه 1 الظهر
معلش يا استاذ اسامة انا عايز اعرف عملت ايه في صيانة الألف لأني لسه مستلم العربية من 4 ايام وعملت حوالي 600 كيلو والصيانةاتكلفت كام وحجزت أزاي وكان عندك ملاحظات في العربية تم تلافيها ولا ل لأني عندي ملاحظات في عربيتي اهمهم انها بتحدف يمين والباب اليمين مش بيفتح مع السنتر والشنطة بتعلق وفي صوت في المساعد اليمين ويا تري حطت زيت توتال ولا جبت زيت من بره ولك جزيل الشكر
بص يا سيدى الصيانه اتكلفت195 جنيه وغيرو زيت الموتور بزيت 5000 وغيرو فلتر الزيت وسالتهم على الصوت اللى بيطلع من الفرامل وانا دايس عليها فقالولى انه من اسطوانه الفرامل وده عادى مافيش منه خوف وحجزت ميعاد بالتليفون
يعني يا استاذ اسمة بصراحة حسيت بفرق في العربية بعد الصيانة وحجزت حضرتك علي رقم تليفون كتم بعد اذنك