الألوان و خبرة الشراء

السلام عليكم جمعيا
لقد قررت قرارا و أريدكم جمعيا أن تساعدونى عليه ، لقد قررت أن أشنرى الجميلة بى واى دى أوتوماتيك إن شاء الله بعد تفكير عميق و صلاة إستخارة أكتر من مرة .

المهم دلوقتى أنا فى طور إختيار اللون - فياريت لو فى صور أو معلومات لكل الألوان المتاحة يبقى 100 100
الحاجة التانية : عايز خبرة شوية فى تفاصيل الشراء و الإستلام.
الحاجة التالتة : فى ناس بتقولى إستنى معرض الاهرام الجاى بيبقى فى تخفيضات الكلام ده صح ولا ايه؟؟

و بجد شكرا ليكم يا أحلى منتدى

يرجى العلم ان اللون الاحمر مخصص فقط للمداخلات الادارية

مشرف 3ب
5/1/2012
4.53am

اعتقد الموضوع ده كويس عشان استلام العربية:
http://www............com/vb/showthread.php?t=42768

اما الالوان فأنا اعرف ان فيه دلوقتي اربع الوان فقط: الاحمر و الفضي و الاسود والازرق. و الختيار اذواق. انا عن نفسي شايف الفضي فيها حلو.

اما بالنسبة لموضوع المعرض انا اعرف اني بيبقى فيه تخفيضات بس ممكن تجيب العربية بنفس السعر بتاع التوكيل في وقت المعرض دلوقتي من الموزعين المعتمدين.
على سبيل المثال العربية الفول الاتوماتيك في التوكيل ب 82000جم بس فيه موزع معتمد انا سألته قالي 81000جم اول كلمة. تقريبا نفس التخفيض اللي ممكن تأخده من المعرض.

شكرا جدا على رد حضرتك المفيد . و يا ترى مين الموزع المعتمد اللى انت سألته؟؟؟
يا ريت تبعتلى اللينك تانى عشان غالبا مش شغال
و شكرا جزيلا

عربيتى لونها نبيتى
متستناش المعرض هى هى

هو فى لون أحمر ولا نبيتى بس؟؟؟؟

لدى بى واى دى سوداء واللون شييك جدا وصدقنى البى واى دى في كل الالوان متألقة جدا يعيب اللون الاسود ان الغبار بيبان عليه يعنى محتاجة تنظيف باستمررار مش عاررف بقية الالوان ايه
لكن اللون فخم جدا جدا جدا

اقتباس:

---

المشاركة الأصلية كتبت بواسطة drpeter

لدى بى واى دى سوداء واللون شييك جدا وصدقنى البى واى دى في كل الالوان متألقة جدا يعيب اللون الاسود ان الغبار بيبان عليه يعنى محتاجة تنظيف باستمررار مش عاررف بقية الالوان ايه
لكن اللون فخم جدا جدا جدا

---

ربنا يباركلك فيها يا أستاذ بيتر و يكفيك شرها و شكرا جزيلا على رد حضرتك ، يا ريت حضرتك تقولى على خبرتك فى الشراء إشترتيها منين و إستلمت بعد كام يوم و الترخيص كلفك كام ؟؟؟؟؟

استاذى الفاضل
شكرا لحضرتك
انا اشتريتها من المعرض الامل ذات نفسه اللى في مصر الجديدة
السيارة تقسيط
اجراءات البنك انتهت في خلال 48 ساعات
مباشرة بعدها في نفس اليوم اجارؤءات البنك خلصت الصبح في نفس اليوم روحنا مضينا عقد السيارة
وتانى يوم رخصانها بس احنا مستلمناش بصراحة العربية في نفس اليوم العقد علشان حظر البيع يعنى استلمناها بعد ما الراجل جابها لينا لحد البيت وروحنا الترخيص سوا وعمل حظر بيع ووعملنا الترخيص
الترخيص انا مش فاكر بالضبط بس في مية وشوية للطفاية ومية وشوية للتامين الاجباى داغير ترخيص سنة واحدة بمتين وشوية
يعنى خد معاك فلوس زيادة والموضوع بسيط ومش مكلف وكانك بترخص عربية عادية

سؤال فني ... لدي اف 3 وياريت اعرف اية قطع الغيار بتاعت الانسر الي بتركب عليها لاني سالت سوق تاكسي قالي ان حاجات اللانسر لا تركب عليها

اقتباس:

---

المشاركة الأصلية كتبت بواسطة drpeter

استاذى الفاضل
شكرا لحضرتك
انا اشتريتها من المعرض الامل ذات نفسه اللى في مصر الجديدة
السيارة تقسيط
اجراءات البنك انتهت في خلال 48 ساعات
مباشرة بعدها في نفس اليوم اجارؤءات البنك خلصت الصبح في نفس اليوم روحنا مضينا عقد السيارة
وتانى يوم رخصانها بس احنا مستلمناش بصراحة العربية في نفس اليوم العقد علشان حظر البيع يعنى استلمناها بعد ما الراجل جابها لينا لحد البيت وروحنا الترخيص سوا وعمل حظر بيع ووعملنا الترخيص
الترخيص انا مش فاكر بالضبط بس في مية وشوية للطفاية ومية وشوية للتامين الاجباى داغير ترخيص سنة واحدة بمتين وشوية
يعنى خد معاك فلوس زيادة والموضوع بسيط ومش مكلف وكانك بترخص عربية عادية

---

شكرا جزيلا دكتور بيتر على المعلومات القيمة

اقتباس:

---

المشاركة الأصلية كتبت بواسطة ashams1977

سؤال فني ... لدي اف 3 وياريت اعرف اية قطع الغيار بتاعت الانسر الي بتركب عليها لاني سالت سوق تاكسي قالي ان حاجات اللانسر لا تركب عليها

---

بص أنا جديد فى الصنف - بس من كتر قرأتى فى المنتدى الجامد ده - أقدر اقلك إن قطع غيار التويوتا كورولا هى اللى بتركب على العربية والله أعلم - بس أنصحك تستنى رد المتخصصين و على رأسهم طبعا دكتور المناهرى

فيها كمان لون فيرانى
بالنسبة للعفشة تفس قطع غيار التويوتا
اما بالنسبة للموتور انا سمعت انها موتور جالنت وليس لانسر والله اعلم

اقتباس:

---

المشاركة الأصلية كتبت بواسطة elpasha1

فيها كمان لون فيرانى
بالنسبة للعفشة تفس قطع غيار التويوتا
اما بالنسبة للموتور انا سمعت انها موتور جالنت وليس لانسر والله اعلم

---

شكرا جزيلا للمجهود 000
منتظر رد واحد مجرب او متأكد من زملائنا الاعزاء

الاحمر النحاسى بيبقى على العربية دية جمييييييييييييييييييييييي ييل جدا وفى الاخر ازواق :)

اقتباس:

---

المشاركة الأصلية كتبت بواسطة elpasha1

اما بالنسبة للموتور انا سمعت انها موتور جالنت وليس لانسر والله اعلم

---

لا يا باشا لانسر .. وكود الموتور هو اللي موجود في اللانسر بومة 4g18

الجالنت 2000ccواللانسر 1600cc يعنى موتور ال byd لانسر.....وشكرا

الاخوة الاعزاء مبروك مقدما للمشترين بالنسبة للسيارة مثلما ذكر الاستاذ باسم الموتور ميتسوبيشى 4g18 والسعة 1600 سى سى والموتور ليس بتكنولوجيا ميتسوبيشى بل الموتور ميتسوبيشى صناعة الصين تحت اشراف شركة ميتسوبيشى كل قطع غيار الموتور هى قطع غيار موتور لانسر بومة 2007 ماعدا فلتر البنزين شكله مختلف ويجب من يشترى سيارة ان يشترى كام فلتر بنزين من التوكيل احتياطى
اما العفشة هى كورولا 2007 ماعدا تيل الفرامل الخلفى هو تويوتا كامرى من 2003 الى 2007 ويوجد بالتوكيل ويوجد ايضا فى محلات قطع الغيار خارج التوكيل ويتراوح سعره من 40 جنيها الى 180 جنيها الماركة سواء تيل امامى او تيل خلفى التى استحسنها نوع اسمه hi-q وهو تصنيع كورى اشتريت التيل الامامى ب 85 جنيها
اما بالنسبة للالوان يوجد الفضى والرصاصى الفاتح والنبيتى والازرق والاسود ولون نبيتى نحاسى الذى لفت نظرى مرة كنت بمركز الصيانة جمال لون السيارة يظهر اكثر بوضع طقم صدادات سوداء وهو قطعة من الجلد الاسود على الاكصدامين والسيارة جميلة فى كل الالوان
اما بالنسبة اذا اردت ان تكسو المقاعد جلد اللون البيج هو انسب الالوان وخصوصا الاستيل الفبريكة وليس المنفخ
ماينقص السيارة هو طقم دلايات واضواء شبورة امامية والاستاذ وليد شرح تركيبهم فى موضوع وافى بالصور

على فكرة انا غيرت فلتر الزيت مرة فى بنزينة شل وركبت فلتر متسوبيشى عادى جدا ب 30 جنيه فالفلتر موجود وموش مختلف ولا حاجة
تقبلوا تحياتى

اقتباس:

---

المشاركة الأصلية كتبت بواسطة lonedoctor

على فكرة انا غيرت فلتر الزيت مرة فى بنزينة شل وركبت فلتر متسوبيشى عادى جدا ب 30 جنيه فالفلتر موجود وموش مختلف ولا حاجة
تقبلوا تحياتى

---

خبر طيب ولكن معلوماتى من الاستاذ عماد حبيب