مضطر تجيب الأزايز اللتر
جاهزه
عرض للطباعة
مضطر تجيب الأزايز اللتر
جاهزه
تمام يا طنانى ... انا نويت على الازايز ان شاء الله بس رحت البنزينة اللى انا بخسل فيها العربية لقيت ال 0.75 لتر ب 2.5 ج و اسمع انها ب 1.5 انا عاوز اكتر من 6 ازايز ... معلش حتقل عليك بس ياري تقولى افضى مية الحنفية ازاى اللى فى دورة المياه بالخطوات كده علشان سمعت انها خطر لو غلط فيها
معقوله بس اعتقد انه الاحسن مياه خضرا وتخففها بالمياه المقطره علشان الاضافات اللى بتبقى على المياه الخضرا اعتقد مهمه زى ما قال gelgel
حضرتك كده حيرتنى !!!
يااااااااااااه
كل ده عشان ازازة مية
و كهربا
و سخن
و نزله شعبيه
من بره اسهل
للعلم لو انت عايز تحافظ على الدوره هات ماء بتاع موبيل او شيل ب50-55 جنيه وتكمل بماء مقطر من عند بتاع البطاريات ونصيحه اوعى تحط ماء عادى فى الدوره لانها بترسب املاح على الريداتير
السلام عليكم لكل الزملاء
بدايه اشكر كل المشاركات فى الموضوع لكن ليا تحفظ
وهو
- تم عمل مشاركات كثيره جدا سابقه بالمنتدى بخصوص مياه الرادياتير.
- من باب العشم و الله موش اكثر ليه اللى بيسال فى موضوع بيكسل يفتح المشاركات دى و يقراها و يستفيد بدل ما نعيد المواضيع من تانى و نشغل السيرفرات بتاعه المنتدى من جهه و نكتب نفس الردود من جهه ثانيه ؟؟
انا بتكلم من العشم و ارجو محدش يتضايق من كلامى ...احنا كلنا فى مندى واحد .
عموما الموضوع بتاع ميه التبريد :-
1/ تحتوى مياه التبريد على
ا - جليكول الايثيلين بنسبه تركيز محدده لكل سياره - 20 / 30 /40 /50 % و من خواص الماده انها تؤخر غليان الميه - حسب نسبه التركيز و مثلا 50 % تركيز تؤخر غليان المياه الى متوسط من 120 الى 135 درجه مئويه.
ب - مانع رغوه - علشان تقليب المياه داخل نظام التبريد بيعمل رغاوى هوا تفسد عمل الثرموستات.
ج- مزيت لطلمبه المياه علشان اويل سيل اكس الدوران اللى عليه القلابات - الريش - كانك بتعمله تشحيم ذاتى و مستمر.
د- مياه مقطره .
ه - مانع صدا
يعنى الجركن 4 لتر تركيز 33 % مثلا ....يحتوى على:-
1.32 لتر ماده مبرده - مؤخره للغليان - و الباقى مياه مقطره منزوعه الاملاح و جرامات من باقى ما تم ذكره.
التعليل لبعض من مشاركات الزملاء السابقه و هى راى الشخصى الذى يحتمل الخطا ..
ميه الحنفيه لما بتخش فى نظام التبريد بتبوظ الثرموستات و السويتش بتاع المروحه بيفتح متاخر - علشان الصدا اللى عليه - و حاجات تانيه كتير
السبب
-درجه غليان المياه العاديه تبدا من 90 الى 100 درجه و بالتالى بترسب الاملاح الموجوده فى المياه لما تبرد و تمسك فى البلوك والرادياتير و النظام عموما .
- ان اضافه كان بتاع سولدر سيل جنك او غيره هيقلل الاصابه لكن موش هيحافظ على السيستم :pffft:لان سبب المشكله موجود - ميه الحنفيه.
- الاصح من وجهه نظرى
1/ نفتح فلف السخن اللى فى مجموعه التكييف.
2/ نفض الميه اللى فى النظام ككل مع فك الثرموستات من الكوعه.
3/ نغسل الدوره و ننزل الصدا .
4/ نضيف مزيل الصدا الى الغسيل فى المره الثانيه - على ميه بيضا يعنى - لمده لا تزيد عن 5 دقائق.
5/نصرف المياه وننفخ بخرطوم الهواء علشاء نخرج 85 الى 90 %من المياه اللى فى النظام
6/ ننظف الثرموستات بشويه خل و ميه و صابون و نتاكد ان السوسته موش مكسوره و تعمل بحاله جيده وننظف القربه ان وجدت بالمزيل و المياه و تشطف جيدا مع الغطاء.
7/ نركب الثرموستات - نضيف جركن اوجراكن المياه المضمونه من شل - كالتكس - توتال حسب نسبه التركيز المعلومه بالكتالوج.
8/ نسحب الهواء الزياده ونراجع مستوى المياه داخل القربه تانى يوم لانها هتحتاج تتزود.
معلومات مفيده :-
1/ اذا كان المستخدم مياه الحنفيه و تركيز المياه فى الكتالوج 50 % ينصح بتركيز اقل حبتين موبيل 33% علشان الرواسب اللى جوه.
2/ تغيير المياه كل 40000 كلم.
3/ حتما و ضرورى و لابد ان فلف السخن يكون مفتوح علشان ننظف السخان اللى جوه التابلوه.
4/ الغسيل دوره مغلقه مغلقه مغلقه مغلقه للحصول على افضل نتيجه و عند حد فاهم .
5/ الجركن بتاع موبيل اللى بيتباع منه 33 % تركيز و منه 50 % تركيز.
6/ ابعد اى اجرى اى لا تفعل - انك تستخدم المحاليل المجهوله والجاز فى الغسيل علشان بتبوظ الخراطيم - استخدم محاليل فلاش مضمونه stp - abro - gunk و اذا متوفرتش حبه خل مع 10 جم صابون سائل متعادل
ارجو انى قد افدتكم و هناك مشاركات ممتازه من الزملاء بخصوص الموضوع.
تحياتى...