الموضوع: محتاجكم معايا بخبراتكم و نصائحكم :(

انت جيت فى ملعبى انا فاضل بالظبط شهرين واخلص جيش

خد معاك اللى تقدر تاخدة انا هقولك الحاجات اللى ممكن تنساها

قصافه اظافر بدون سلاح - زبده كاكاو - ادوية للمغص والاسهال والبرد والسخونية- فى حاجات تانية بس مش فاكرها

والحاجات العادية بقا مكن حلاقه ابر وبكرة خيط فرشة ومعجون اسنان غيارات بيضه .......... الخ

اقدر اقولك ان اجمل ايام جيشي كانت فى مركز التدريب برغم الطوابير والاكل بس صحابك بيهونو عليك حجات كتير اعرف ناس على قد ماتقدر

لو حد قالك ااعمل حاجة مثلا وهتاخد منك وقت 10 دقايق اعملها فى نص ساعه او ساعه وتخلصها تختفى بعدها

عايز تدخل التليفون دخل بس مش هتعرف تشحنه علشان مفيش فيش

الزيارة بتكون يوم الجمعه من كل اسبوع

ربنا معاك يا وحش تدخل الجيش تنسي كل حاجة بره تماما ومتفكرش فى حاجة علشان متتعبش

الجيش كله اشاعات متصدقش اى حاجة كله كلام فى الحلامبص

لو عايز تسال على حاجة تانى تحت امرك

المشاركة الأصلية كتبت بواسطة hazoom2006

انت جيت فى ملعبى انا فاضل بالظبط شهرين واخلص جيش

خد معاك اللى تقدر تاخدة انا هقولك الحاجات اللى ممكن تنساها

قصافه اظافر بدون سلاح - زبده كاكاو - ادوية للمغص والاسهال والبرد والسخونية- فى حاجات تانية بس مش فاكرها

والحاجات العادية بقا مكن حلاقه ابر وبكرة خيط فرشة ومعجون اسنان غيارات بيضه .......... الخ

اقدر اقولك ان اجمل ايام جيشي كانت فى مركز التدريب برغم الطوابير والاكل بس صحابك بيهونو عليك حجات كتير اعرف ناس على قد ماتقدر

لو حد قالك ااعمل حاجة مثلا وهتاخد منك وقت 10 دقايق اعملها فى نص ساعه او ساعه وتخلصها تختفى بعدها

عايز تدخل التليفون دخل بس مش هتعرف تشحنه علشان مفيش فيش

الزيارة بتكون يوم الجمعه من كل اسبوع

ربنا معاك يا وحش تدخل الجيش تنسي كل حاجة بره تماما ومتفكرش فى حاجة علشان متتعبش

الجيش كله اشاعات متصدقش اى حاجة كله كلام فى الحلامبص

لو عايز تسال على حاجة تانى تحت امرك

تخلص علي خير ان شاء الله
اشمعنا بيضة يعني اصل معنديش عندي سوبر مان و انت فاهم الباقي بقي :)
بالنسبة اني اخد وقت زيادة ليه هو مش المفروض هتعلق لو اتأخرت فيها ؟! :)
انا مش عارف انا هروح فين و ديه حاجة معكنناني جدا :( يعني مكن اروح منطقة غربية او بحرية اللي قارفني اني مش عارف انا هترحل فين بالضبط :(
ربنا يخليك بجد شكرا ليك علي الافادة

انا كاتب ورقة بالحاجات اللي هعمل حسابي عليها انا ان شاء الله هاخد معايا وايبس , قفل , سبراي + رول اون , غسول للوجه , ماكينة حلاقة , جيل حلاقة , افتر شيف , بوكسرات من اللي قولتلك عليها :) ده اللي انا كاتبه و اضفت ليها الحاجات اللي حضرتك قولتلي عليها و ربنا يستر بقي :)
بس هل فيه تفتيش و انا داخل مركز التدريب يعني ممكن اكون واخد حاجة و هما يطلعوها و كده ولا ايه؟

فى الاول هات بيضه علشان ممكن يرخمو عليك ويقولك ممنوع الملكى

وانت داخل مركز التدريب بتتفتش طبعا ذاتى كمان ولو معاك حاجة مخالفه هيقولك هنعينهالك فى الامانات وغالبا بتضيع

بالنسبة اني اخد وقت زيادة ليه هو مش المفروض هتعلق لو اتأخرت فيها ؟! :)

مانت لو روحتله زى الشاطر كدة وقولتله خلصت هيدورلك على حاجة تانية تعملها المهم ميشوفكش قاعد

الجيش حظوظ فى ناس مرتاحة وناس طالع عينها ربنا معاك وترتاح

اوعى تاخد معاك زبدة كاكاو ، لو اتقفشت هتاخد تريقة للصبح ، أنت بتتعامل مع ناس من ثقافات مختلفة ومنهم ناس مش متعلمة خالص ، فبلاش

خدوا معاكم (مزيل عرق بلية (بلاش إسبراي ممكن يتاخد) + 3 فرش جزم على مقاسك (مهم جدا) + بدرة رجل + 3 شرابات ميري من عند الشيشينجي (هتحتاجهم جدا) + البوكسرات ممكن تكون ألوان (ويُفضل) + مكن حلاقة ومستلزماتة + صابونة ديتول + صبانة (مهمة علشان الصابونة متضيعشي)+ 3 أقفال يكون فيهم 2 بالكمبيوتر(علشان الصيني بيفتح بعضة ) + كروت ميناتل + معلقة + ابرة وخيط + كشاف نور صغير + بلاش تاخد معاك أكل علشان مش هيرضوا يدخلوة + حاولوا تدخلوا معاكم علبة تمر ، هتفيدكم جدا جدا جوة + حاولوا تهربوا الدوا بتاع البرد ، علشان لو شافوة هياخدوة ويقولولك لما تتعب روح للدكتور ومش هيديكم حاجة)

بخصوص البوكسرات فخد ألوان ، ولو كلمك قولة مكنتش اعرف وهخلية معايا واسلمة فى أول زيارة علشان هيجيبولى غيرهم أبيض (وكبر دماغك) بس المهم قولة انك مكنتش تعرف ومعكشي غيرهم (ده لو كلمك أصلا)

ربنا ماعك وايامك تعدي علي خير

زبدة كاكاو كنا ف مركز التدريب شفايفنا اتبهدلت من المية والجو مكناش عارفين ناكل منها طلبناها فى الزياره

عادى يا باشا مفيش تريقه هتلاقى غالبيه اللى معاك اصلا مؤهلات عاليه

نسيت اقولك شوية حجات تانية خد معاك ولاعه فيها كشاف بينفع وانت رايح بالملكى البس هدوم مابتلبسهاش اصلا لانها غالبا بتتسرق