-
مش عارف ابيع الميجان
ازيكو يا وحوش الميجان
انا عندي كارثه...
مش عارف ابيع الميجان ال٢٠٠٥ بآكتر من ٥٤٠٠٠
انا اشتريته شهر ٦ الي فات ده ب٦٠٠٠٠ وصرفت عليها توضيب اكتر من ١٠٠٠٠
بجد مبقيتش عارف اعمل ايه ،التجار معقديني كل ما حد يجي يبص عليها ويقولي اخرها ٥٠٠٠٠ ولازم اكشف عليها الاول في التوكيل والكشف علي حسابك
انا جددت فيها الصالون بالكامل وعملته جلد وصلحت فتحه السقف وغيرت سولونويد الفتيس وغيرت كومبريسور التكييف وثيرموستات المياه و العفشه الاماميه بالكامل وكاوتش جديد...
بجد مش عارف اعمل ايه ....هي العربيه دي كانت خدعه للدرجه دي؟:36_2_49[1]:
-
وحضرتك تبيع لتجار بالخسارة ليه ؟
لو عربيتك نضيفة هيجلها زبونها الى يقدرها التجار بيبخسو اى حاجه عشان ياخد اكبر مكسب ممكن
احسنلك متبيعش لتجارررررررر
-
ربنا يحسن ليك سوقها
بس ادام وضبتها كده
تبيعها ليه
خد خير اللى عملته و بعد كده اللى تجيبه
دمت بود
-
اصلا وتبيع ليه خسارة لو بتبيع من اجل تسييل فلوس دور على زبون يقدر لو عاوز تغير يبقه حرام عليك خسارة الفلوس دى
-
للآسف مسافر ومحتاج الفلوس... وعملت اعلان عل كونتاكت كارز ومحدش كلمني غير تجار
-
يا باشا لو العربية فعلا حالتها نظيفة و مفيهاش مشاكل متفكرش تبيعها اصلا
قولى حتى لو جابتلك 70 الف جنيه هتركب ايه فيه الامكانيات و الشكل ده ؟
تعديل : اسف ، مكنتش شفت رد حضرتك انك مسافر .. طيب اصبر عليها كده برضه و اعملها اعلان هنا فى المنتدى بالصور و فى كونتاكت بالصور و ان شاء الله هتلاقى حد يقدرها
-
العربية ماشية قد اية و حالتها اية من برة و من جوة و الموتور و كدة ؟
-
عايز نصيحة
اطلع على توكيل رينو على المهندس ااحمد طعيمة
لو هتدخلها ف زيرو هتلاقى دى صفقة ممتازة بالنسبالك
-
انا عمى باعها بــــ 57000 بعد ماصرف عليها اكتر من 12000 توضيب ومخلاش فيها مش تمام (موديل 2006) مش انت لوحدك
بس هيا فيها اى حاجه تانيه غير الى عملته تاعبك وخلاك تاخد قرار البيع؟؟
وياريت صور وربنا يسهل وممكن واحد صحبى يشتريها منك لانه غاوى ميجان.....
-
العربية مش ممكن تجيب السعر ده إلا لو كانت مش سليمة، يعني لا قدر الله رشة كتير وفيها شغل سمكرة في أمكن مهمة مما يدل إنها عاملة حادثة قبل كده ... أو يكون الموتور متبهدل جامد أو فيها شغل ميكانيكا كتييير
ودي مهما عملت فيها مش هاتجيب أكتر من كده والله أعلم
إنما لو العربية نضيفة وسليمة، طبعا اوعى تبيع بالأسعار دي طبعا ... هي عاملة كام كيلو متر؟؟
Content Relevant URLs by
vBSEO 3.6.0 PL2