العربية بترقص وهى ماشية

**MarEgypt** · 16-12-2011 03:36 PM

عندى مشكلة فى e21 اربعة سلندر 1980 موديل 318:
بعد ما غيرت الطنابير الامامية بتاع العفشة غير شوية حجات :

2 بيض جداد
ملى المساعدين اليمين والشمال الامام زيت
قالى عملت حاجه فى المقصات فى المكبس او كبسهم حاجه زى كدا
وجلد او جلب

بعد ما ركب العربية اصبحت
1) بتعوم.
2) الدريكسون كان تقيل اصبح خفيف ودى حاجه كويسه، لكن المشكله لما الف الدريكسون مش بيرجع لوحده ذى الاول ، لازم ارجعه بايدى.
3) اقل حجر او مطب تحت العربية الاقى الدريكسون اتهز جامد والعربية حاسه انها مش متزنة.

هو قالى انه رفع العربية 2 سم لانها كانت واطية ودلوقت اصبحت تمام.

لما اتصلت بيه قولته العربية فيها المشاكل دى ، قالى تبقى عايزه تظبطى زواية والدريكسون هيرد لوحده زى الاول بعد ظبط الزوايا.

انا حاسه ان فى مشاكل او حاجات باظت فى العفشة
لان فى الاول لما كانت الزواية بتنحرف، العربية كانت بتفضل ثابتة

خايفه يكون بوظ حاجه فى العفشة وخاصة المقصات عشان سامعة انها غالية ومش موجوده

**m000dy** · 16-12-2011 04:48 PM

ماتقلقيش
الدركسيون هايفك لوحده بعد ما يلين شويه
رفع العربيه طبعا عامل اساسى فى عدم اتزانها
ظبط الزوايا والترصيص هايظبط حاجات كتير
اللى هايتم كالاتى
تروحى تخليه يوطى العربيه زى ماكانت مادام ماكنتيش بتشتكى من وطيانها
وبعدين تطلعى على اى بنزينه تظبطى زوايا وترصصى الكاوتش والعربيه هاتبقى معاكى على الطريق زى الحرير
من هنا ورايح ماتكبسيش بيض العفشة او الدركسيون او تحشيه الا لما تبقى مزنوقه فعلا فى فلوس والدركسيون او البيض مات بفعل فاعل - اللى هو حضرتك :) - وده لحد ما تفرج قيمة شهر ولا اتنين
الافضل تغيير الاجزاء دى باجزاء اخرى جديده لان موضوع الكبس ده زى الاسبرين الريفو بالظبط
روحى وتعالى طمنينا عملتى ايه

**sheko_2000eg** · 17-12-2011 01:46 AM

لو ساكنة قريب من مدينة نصر
انا و موودي نازلين للورش اللي في الحي السابع قريب
ممكن اخلي العفشجي بتاعي يقوليك ايه الموضوع بالضبط و منغير فلوس كشف
شوفي و قللنا عشان اقوليك العنوان بالضبط .

**MarEgypt** · 17-12-2011 06:24 AM

متشكره جداً لردودكم

البيض جديد مش مكبوس

انا اساساً ماعرفش موضوع الكبس
انا قولتله لو محتاجه حاجه اعملها ، وهو الى عمل الحجات دى وقالى فى الاخر

للاسف بعيده عن مدينة نصر

**MarEgypt** · 17-12-2011 07:17 PM

بعد ما ظبطت الزوايا الحمد لله العربية ظبطت

بتاع الزوايا قالى المقصات نشفت شويا من الكبس والاسكترا مبوشه سنه وهو دا الى مخلى الدريكسون مش بيرجع لوحده

يعنى ايه الاسكترا مبوشة سنة ؟

والاسكترا والمقصات تمنهم حوالى كم ؟

**fahd_628** · 17-12-2011 07:46 PM

الأسكترا مبوشة يعنى فيها بوش

البوش دة حتلاحظية لما تكسرى الدريكسيون سنة يمين او شمال حتلاقى العجل مش بيكسر

زى دريكسون الادا كدة دة اكبر مثال للبوش

حتلاقى فية حتة فاضية كدة فى لفة الدريكسيون مش بتعمل حاجة لو جبتية يمين او شمال

بالنسبة للأسعار مقدرش افيدك

**m000dy** · 20-12-2011 11:08 PM

بعد ما ظبطت الزوايا الحمد لله العربية ظبطت

بتاع الزوايا قالى المقصات نشفت شويا من الكبس والاسكترا مبوشه سنه وهو دا الى مخلى الدريكسون مش بيرجع لوحده

يعنى ايه الاسكترا مبوشة سنة ؟

والاسكترا والمقصات تمنهم حوالى كم ؟

لا ماهو كده كفاية
انا مش هاقوللك الحاجه دى بكام ولا منين بقى لانك كده مش هاتخلصى
لازم حضرتك تبقى عارفه انك راكبة عربيه مستعمله يعنى مش هاتبطل طلبات
ومش كل ما ميكانيكى يقوللك اصل ده بايظ تروحى جرى تغيريه
ان كان الحال متيسر فبراحتك مادام غاوية ركوبة العربيه دى
انما لو خلاف كده يبقى اصبرى على نفسك شوية من فضلك
هى مش ماشية دلوقتى ومقضية الغرض ؟

**elfr3on** · 21-12-2011 10:56 PM

لو سمحتي انا عايز اعرف جبتي حاجات العفشة اللي غيرتيها منين وبكام عشان انا لسة جايب واحدة زيها وعايز حاجات للعفشة ولكي كل الشكر

**sheko_2000eg** · 22-12-2011 02:29 AM

المشاركة الأصلية كتبت بواسطة m000dy

لا ماهو كده كفاية
انا مش هاقوللك الحاجه دى بكام ولا منين بقى لانك كده مش هاتخلصى
لازم حضرتك تبقى عارفه انك راكبة عربيه مستعمله يعنى مش هاتبطل طلبات
ومش كل ما ميكانيكى يقوللك اصل ده بايظ تروحى جرى تغيريه
ان كان الحال متيسر فبراحتك مادام غاوية ركوبة العربيه دى
انما لو خلاف كده يبقى اصبرى على نفسك شوية من فضلك
هى مش ماشية دلوقتى ومقضية الغرض ؟

1+++++++++

**emadzaki** · 23-12-2011 01:30 AM

....................,, لا و ركبه عربيه متعبه للولااد اصلا مش للبنات .... بيعيها و هاتى بيكانتو :)

برجاء الالتزام ومراعاه اداب الحوار علي صفحات المنتدي
مشرف عام 1

الموضوع: العربية بترقص وهى ماشية

LinkBack

أدوات الموضوع

عرض

العربية بترقص وهى ماشية - انشر الموضوع فى :

-

-

-

-

-

-

-

-

المواضيع المتشابهه

العربية بتبرد وهيا ماشية؟

العربية بترقص؟!

العواكس اللى فى شارع الهرم لما اعدى عليها الاقى العربية زى ما تكون بترقص ده عيب عفشة

العربية بترقص مني!!!!!!!!!

العربية بتبطل وهي ماشية

الكلمات الدلالية لهذا الموضوع

المفضلات

المفضلات

ضوابط المشاركة